בעזרת ה' יתברך - יום ה' פרשת קרח, כ"ח סיון, שנת תשפ"ד לפרט קטן
לכבוד מיינע טייערע תלמידים, ישיבת היכל הקודש ירושלים, ה' עליהם יחיו
איך וויל ענק בעטן נישט צו רייכערן ציגארעטלעך, עס איז נישט גוט זיך צוגעוואוינען אין די זאך. דער רבי האט נישט געוואלט מען זאל רייכערן (חיי מוהר"ן סימן רעג, תעב); זאלט איר נישט אנהויבן מיט די זאך.
ענק זענען יונג, ענק זענען איידל, יעצט איז דא א רייץ דערפאר, אבער שפעטער - האט מען חרטה. איך זאג ענק צו, די אלע וואס וועלן נישט רייכערן יעצט - וועלן אלע נאר זאגן שכוח שפעטער אין לעבן, ענק וועלן זיין באפרייטע מענטשן, ענק וועלן נישט זיין משועבד צו דעם.
הערט אויס ענקער מגיד שיעור און פירט אייך מיט דרך ארץ - וועט איר מיר מאכן אסאך נחת.
דער אייבערשטער זאל העלפן איר זאלט האבן הצלחה אין אלע ענינים.