בעזרת ה' יתברך - ד' פרשת משפטים, כ"ב שבט, שנת תשפ"ה לפרט קטן
... נרו יאיר, אנטווערפן
איך האב ערהאלטן דיין בריוו.
אויף דיין פראגע וואס דו זאלסט זיך פארנעמען לכבוד דעם וואס דו ציסט זיך אריבער צו א נייע דירה.
נעם זיך פאר צו עפענען דיין טיר פאר חסד; ווען מען קלאפט פאר צדקה זאלסטו שטענדיג עפענען די טיר און געבן צדקה, און ווען א שכן קלאפט פאר א טובה - זאלסטו עפענען און טון די טובה, און ווען מען בעט דיר נעמען א קינד - זאלסטו עפענען די טיר.
חכמינו זכרונם לברכה זאגן (שיר השירים רבה ו, יז), א טיר וואס מען עפנט נישט פאר צדקה - וועט מען דארפן עפענען פאר א דאקטער השם ישמרינו; זאלסטו שטענדיג עפענען דיין טיר פאר חסד און צדקה.
דער אייבערשטער זאל העלפן זאלסט האבן הצלחה אין אלע ענינים.