בעזרת ה' יתברך - יום ג' פרשת שלח, כ"א סיון, שנת תשפ"ה לפרט קטן
לכבוד מיין טייערער ... נרו יאיר וזוגתו תחי'
איך וויל ענק מחזק זיין נאכדעם וואס ענק זענען אריבער יעצט וכו'. שטארקטס ענק מיט אמונה אינעם אייבערשטן, חזר'ט ענק אז דער אייבערשטער מאכט נישט שלעכט, דער אייבערשטער מאכט נאר גוט. ענק זאלן חס ושלום נישט פרעגן קיין קשיות, אדער ארויסרעדן ווערטער קעגן די אמונה, ווייל אלעס וואס גייט אריבער אויפן מענטש איז נאר פאר זיין טובה, און פון הימל פרובירט מען אויס דעם מענטש וואס ער וועט טון ווען ער וועט אריבערגיין די שווערע טעג; וועט ער האבן קשיות, וועט ער רעדן קעגן חס ושלום, אדער וועט ער ווערן מער נענטער צום אייבערשטן.
איך וויל דיר נאכאמאל מחזק זיין, זאלסט נישט פארברענגען ביינאכט נאך מעריב מיט גארנישט. גיי שלאפן גלייך נאך מעריב, און שטיי אויף פארטאגס לערנען און דאווענען און זיך מתבודד זיין.