בעזרת ה' יתברך - יום ב' פרשת דברים, כ"ח תמוז, שנת תשפ"ו לפרט קטן
... נרו יאיר
וואס מאכסטו עפעס? איך האב שוין אזוי לאנג נישט געהערט פון דיר, פון דיין לעבן, פון דיין עבודת השם; איך האף צום אייבערשטן אז דו ביסט פרייליך און אז זאכן גייען גוט ביי דיר.
איך האב גרויס הנאה צו זען דיין נאמען חודש'ליך ווי דו העלפסט די ישיבה, און נאך מער וועל איך זיך פרייען דיך צו זען קומען צו די שיעורים, הערן די זיסע עצות וואס דער הייליגער רבי לערנט אונז, די עצה פון תורה ותפילה, פון לערנען יעדן טאג אביסל חומש – שנים מקרא ואחד תרגום איינגעטיילט לויט די טעג פון די וואך, און לערנען משניות, גמרא וכו', און די עצה פון זיך מתבודד זיין, זיך אויסגיסן און אויסרעדן דאס הארץ צום אייבערשטן, און נאך שיינע זיסע עצות.