בעזרת ה' יתברך - יום ה' פרשת חקת בלק, (בלק בא"י), י' תמוז, שנת תשפ"ו לפרט קטן
... נרו יאיר, קרית ברסלב
זיי נישט ברוגז אז איך האב דיר געזאגט דו זאלסט זיך אנטון א רעקל ווען דו קומסט אין שול, וויפיל בריוון האט מוהרא"ש געשריבן פאר אנשי שלומינו מען זאל קומען אין שול מיט דרך ארץ אנגעטון הוט און רעקל, מיר דארפן פאלגן מוהרא"ש און וויסן אז עס איז א גרויסע אחריות, א שול איז א הייליגע פלאץ, מען דארף קומען אנגעטון מיט דרך ארץ. אין שוויץ גייט מען אויסגעטון, (נישט דו זאלסט גיין אין שוויץ), אין שול זאלסטו קומען מיט שיינע קליידער, מיט דיין הוט און רעקל.
טראסט מיך, איך האב דיך נישט פארפירט ביז אהער, דו ווייסט אליינס אז בדרך הטבע וואלסטו נאך געווען א בחור, דו ווייסט גאר גוט וואס איך האב דיר געטון; געברענגט א שידוך פון די שענסטע שטיבער, מאשפות ירים אביון, און אז דו וועסט מיך ווייטער הערן – וועסטו זוכה זיין להושיבי עם נדיבים, עם נדיבי עמו.
איך האב דיך ליב.