בעזרת ה' יתברך
יום א' פרשת מטות מסעי, כ"ה תמוז, שנת תשפ"ב לפרט קטן
מרת ... תחי' ברסלב, ליבערטי
עס דערפריידט מיר זייער צו זען ווי עס קומט ארויס נאך און נאך קונטרסים פון די "ליכטיגקייט פון אמונה", בריוו פון שאלות ותשובות עצתו אמונה, מתורגם אין די ענגלישע שפראך פאר אלע וואס קענען נישט קיין אידיש.
חכמינו זכרונם לברכה זאגן (אבות ה, יח): "כָּל הַמְּזַכֶּה אֶת הָרַבִּים אֵין חֵטְא בָּא עַל יָדוֹ", דער וואס העלפט אנדערע ווערט אפגעהיטן פון שלעכטס; נאך זאגן זיי (סנהדרין לז.): "כל המציל נפש אחת", דער וואס ראטעוועט א צווייטן, "כאילו קיים עולם מלא", ווערט עס גערעכנט ווי ער ראטעוועט און שטעלט אויף א גאנצע וועלט.
שטארקט אייך מיט די הייליגע ארבעט, זייט ממשיך מיט די עבודת הקודש, און בזכות די גרויסע מצוה פון זיכוי הרבים - זאלט איר זען נחת ביי אייערע קינדער, זיי זאלן אויסוואקסן גרויסער ערליכע אידן.