בעזרת ה' יתברך - יום ה' פרשת שופטים, ד' אלול, שנת תשפ"ה לפרט קטן
... נרו יאיר
הגומל לחייבים טובות, געלויבט דעם אייבערשטן אז דו ביסט געבליבן לעבן, דו ביסט געראטעוועט געווארן פון טויט צו לעבן, דער אייבערשטער זאל דיך ווייטער היטן און מאכן מיט דיר ניסים.
ווען דו גייסט ארויס פון שטוב – לייג די האנט אויף די מזוזה און בעט א שטילע געבעט: "הייליגער באשעפער העלף מיר אהיים קומען געזונטערהייט, מיך מיין ווייב און קינדער". די קורצע תפילה נעמט אפאר סעקונדעס און דאס ראטעוועט דעם מענטש פון אלעם שלעכטס.
אויך ווען דו פארסט אין א קאר זאלסטו נישט פארן נאר נאכן זאגן תפילת הדרך, און געב א פרוטה לצדקה. אזוי ווי דער רבי זאגט (ספר המדות אות דרך, סימן ח): "כְּשֶׁתֵּלֵךְ בַּדֶּרֶךְ", ווען דו גייסט אויף א וועג, ווען מען פארט – "תִּתֵּן קֹדֶם לִצְדָקָה", זאלסטו ערשט געבן צדקה; וועסטו זיין ארומגענומען מיט א שמירה עליונה.