בעזרת ה' יתברך - יום א' פרשת לך לך, ז' מרחשון, שנת תשפ"ז לפרט קטן
... תחי', תלמידת בית פיגא בני ברק
איך האב ערהאלטן אייער בריוו.
איך פריי זיך זייער צו הערן אז איר זענט צופרידן פון אייערע לערערינס, און איר האט הנאה צו קומען יעדן טאג פון טברי' ביז בני ברק; אפילו עס נעמט א לאנגע צייט יעדע וועג - דאך לוינט עס אייך, ווייל מען לערנט די זיסע געשמאקע עצות פון הייליגן רבי'ן, און עס איז א גוטע לופט, פרייליך און געשמאק.
זייער שיין צו הערן אז איר שטעלט זיך אויף און איר געבט איבער אייער זיץ פאר עלטערע פרויען, עס איז גאר א שיינע מדה און א מצוה, און אויך אז איר זעט אן עלטערער איד האט נישט וואו צו זיצן איז א מצוה אוועק צו געבן די זיץ, מען איז מקיים א מצוה מדאורייתא, "מִפְּנֵי שֵׂיבָה תָּקוּם" (ויקרא יט, לב).
פירט זיך אויף שיין מיט דרך ארץ אויף די וועגן, און דאס וועט זיין די גרעסטע הפצה; ווען מיידלעך און ווייבלעך וועלן זען ווי שיין און איידל איר פירט זיך, און זיי וועלן אייך פרעגן וואו איר לערנט, און אז איר וועט זיי זאגן אז איר לערנט אין ברסלב, אין בית פיגא - וועלן אלע זען די שיינקייט און איידלקייט וואס דער רבי לערנט אונז, און אלע וועלן זוכן דעם רבינ'ס עצות און אנהייבן גיין אין די וועגן.
דער אייבערשטער זאל העלפן איר זאלט האבן הצלחה אין אלע ענינים.