בעזרת ה' יתברך
יום ב' פרשת דברים, ד' מנחם-אב, שנת תשפ"ב לפרט קטן
לכבוד ... נרו יאיר
איך האף דו שפירסט זיך שוין בעסער, איך בעט פאר דיר דו זאלסט האבן א רפואה שלימה בקרוב בתוך שאר חולי ישראל.
זיי נישט קיין בטלן; יעצט ווען דו ביסט אזוי נאנט צום אייבערשטן, נוץ אויס די צייט. חכמינו זכרונם לברכה זאגן (שבת יב:): "שכינה למעלה מראשותיו של חולה", דער באשעפער רוט ביים קאפ פונעם חולה; יעצט ווען דו גייסט אריבער וכו', געפונט זיך דער אייבערשטער מיט דיר, ביי דיר און נעבן דיר; בעט אים, רעד צו אים, שמועס זיך אויס דיין הארץ מיט אים - וועסטו זען גרויסע ישועות.
אויב דו האסט כח זאלסטו זאגן יעדן טאג שיר השירים. דער רבי האט געזאגט (שיחות הר"ן, סימן רמג): "כָּל הָרְפוּאוֹת שֶׁבָּעוֹלָם כֻּלָּם כְּלוּלִים בְּשִׁיר הַשִּׁירִים"; אז דו האסט נאר אביסל כח - קענסטו דאס איינטיילן און זאגן אביסל יעדן טאג.
איך ווארט און האף צו הערן די גוטע בשורה אז דו ביסט צוריק געזונט און שטארק - אזוי ווי אמאל.