בעזרת ה' יתברך
יום ב' פרשת אמור, י"ד אייר, פסח שני, שנת תשפ"א לפרט קטן
מרת ... תחי'
איך האב ערהאלטן אייער בריוו.
איך בעט פאר אייך, פאר אייער מאן און פאר אייער משפחה; איר וועט בקרוב האבן א רפואה שלימה, איר וועט זיין געזונט און שטארק, עס וועלן אוועקגיין די אלע פראבלעמען.
איר פרעגט וואס איר דארפט פאררעכטן, איר בעט איך זאל אייך זאגן; איין זאך קען איך אייך זאגן, וואס "מיר אלע" דארפן פאררעכטן; מיר אלע דארפן מער עוסק זיין אין דאנקען דעם אייבערשטן, מען כאפט זיך אליינס נישט וויפיל מיר זענען שולדיג צו לויבן און דאנקען אויף אלע זיינע חסדים.
ווען מען לויבט דעם אייבערשטן נעמט מען אראפ פון זיך אלע דינים.