בעזרת ה' יתברך - יום ה' פרשת לך לך, י"א מרחשון, שנת תשפ"ז לפרט קטן
מרת ... תחי'
איך האב ערהאלטן אייער בריוו.
אויף די פראגע, אויב א מאמע פון קינדער שטייט אויף אינמיטן די נאכט צו די קינדער, אויב מען דארף יעדע מאל אנטון שטרומפ נישט צו גיין מיט אויפגעדעקטע פיס?
מען קען נישט זאגן פאר מאמעס מיט פיצלעך קינדער יעדע מאל מען שטייט אויף אינמיטן די נאכט – צו אנטון שטרומפ; די מאמעס שלאפן נישט, די מאמעס מיט די פיצלעך קינדער שלאפן כמעט נישט; אויב מען איז נישט איבערגעשטרענגט פון קליינע קינדער - מה טוב ומה נעים, אבער ווען מען האט די פיצלעך קינדער - קען מען נישט זאגן אז מען מוז דאס טון.
שטארקט זיך מיט די הייליגע ארבעט פון זיין א מאמע פאר קליינע קינדער, דאס איז פון די הייליגסטע עבודות ביים אייבערשטן.
דער אייבערשטער זאל העלפן איר זאלט האבן הצלחה אין אלע ענינים.