בעזרת ה' יתברך - יום ד' פרשת אחרי-ב', כ"ג ניסן, אסרו חג, ח' לעומר, שנת תשפ"ד לפרט קטן
לכבוד ... נרו יאיר
איך האב ערהאלטן דיין בריוו.
איך וויל דיר בעטן אויב דו קענסט ארויפלייגן א טאוועל אויף דעם נייעם בנין בית המדרש אין מחנה 'אילן החיים' אין קרית ברסלב, מיט די נאמען פונעם נדבן. הגם אויבן אין הימל איז סיי ווי פארשריבן די נעמען פון די נדבנים וואס בויען מוסדות צו לערנען פאר אידישע קינדער, זייער זכות איז פארשריבן פאר דורי דורות, דאך וויל איך עס זאל שטיין אויף אלע בנינים די נעמען פון די נדבנים, מפרסמין עושי מצוה (שאלות ותשובות הרשב"א חלק א', סימן תקפא).
אויך אויב דו קענסט פאררעכטן די טאוועל אויפן בנין פונעם תלמוד תורה ביי טשעסטנאט, די קרוין איז נישט ווי עס דארף צו זיין.
שטארק זיך מיט דאווענען פרי, בעט דעם אייבערשטן זאלסט קענען אויפשטיין פרי און דאווענען וואס פריער - וועסטו האבן אריכות ימים, א לאנגע טאג; וועסט האבן פרנסה און אלעס גוטס.
דער אייבערשטער זאל העלפן זאלסט האבן הצלחה אין אלע ענינים.