בעזרת ה' יתברך - יום ה' פרשת שמיני, כ"ה אדר ב', שנת תשפ"ד לפרט קטן
לכבוד ... נרו יאיר
זארג נישט, וועסט האבן אויף פסח; דו זיי מכבד דיין ווייב, רעד צו איר שיין, טשעפע איר נישט - וועסטו האבן גרויס שפע. איך זאג דיר צו, אויב דו טוישסט די וועג ווי דו רעדסט אין שטוב, דו הויבסט אן רעדן מיט דרך ארץ און מיט כבוד, געענדיגט מיט טשעפען, מיט וויי טון - וועסטו האבן גרויס שפע.
א איד איז געקומען צום הייליגן רבי נתן וויינען אז ער האט נישט קיין געלט אויף פסח, האט אים רבי נתן געזאגט: "זארג נישט, אויף פסח וועט זיין, זארג זיך פארן פסח אליין"; אויף קדושה פון פסח, זוכה זיין ארויס צו גיין פון מצרים, ארויס צו גיין פון די טומאה. גיי שריי צום אייבערשטן: "הייליגער באשעפער העלף מיר איך זאל זוכה זיין צו די קדושה פון יום טוב פסח, צו 'פה סח', רעדן צו דיר, איך זאל האבן א שטארקע אמונה, וויסן אז נאר דו קענסט מיר העלפן, העלף מיר באשעפער איך זאל האבן ריינע אויגן, א ריינע מח און א ריינע הארץ, העלף מיר איך זאל קענען אויסרייניגן מיינע אברים פונעם יצר הרע".
קויף פאר דיין ווייב א שיינע מתנה פאר יום טוב, א צירונג מיט נייע קליידער, רוים ארויס די קמצנות, דאס איז חמץ גמור.
דער אייבערשטער זאל העלפן זאלסט האבן הצלחה אין אלע ענינים.