בעזרת ה' יתברך
יום ג' פרשת ויקהל-פקודי, כ"א אדר, שנת תשפ"ג לפרט קטן
... תחי'
איך האב ערהאלטן אייער בריוו.
זארגט זיך נישט, איר וועט מיטן אייבערשטנ'ס הילף שיין וואקסן. איר זאלט נאר איין זאך טון, דאנקט און לויבט דעם אייבערשטן, אייערע ליפן זאלן אלץ שעפשען דאנק ווערטער, ווי: "שכוח אייבערשטער", "איך ליב דיך אייבערשטער", "ביסט אזוי גוט צו מיר אייבערשטער", "איך דאנק דיך אייבערשטער"; דאס איז די סוד פון ניסים.
קוקט נישט אויף אנדערע, שטעלט זיך נישט מעסטן מיט יונגערע געשוויסטער וואס זענען אייך שוין איבערגעוואקסן, קוקט נישט אויף קיינעם.