בעזרת ה' יתברך
ליל שישי פרשת וירא, ט"ז מרחשון, שנת תשפ"ב לפרט קטן
לכבוד מיין טייערער ... נרו יאיר
שלמה המלך זאגט (קהלת ג, א-ג): "לַכֹּל זְמָן וְעֵת לְכָל חֵפֶץ תַּחַת הַשָּׁמָיִם, עֵת לָלֶדֶת וגו'", און אזוי ווייטער, יעדע זאך האט זיין צייט; עס איז דא א צייט פון האבן קינדער, "וְעֵת לִרְפּוֹא", און עס איז דא צייטן וואס מען היילט זיך אויס.
עס איז זייער וויכטיג צו פרעגן דעת תורה; זיך דורכרעדן, שמועסן - מיט אן ערליכער רב וויפיל כח און מח די ווייב האט, און אז דער רב זאגט יעצט איז די צייט פון "וְעֵת לִרְפּוֹא" - טוט מען דאס מיט שמחה, ווייל דאס איז רצון השם.
ווען דו זעסט אין די בריוו שארף געשריבן מען זאל נישט אליינס אפמאכן וכו', מען זאל פרעגן אן ערליכער רב, זאלסטו נישט פון דעם אויסטייטשן שלעכט, ווייל אויב דער רב פסק'נט "וְעֵת לִרְפּוֹא" - איז דאס רצון ה', עס איז נישט קיין שום פראבלעם, דער פראבלעם איז ווען מען גייט נישט פרעגן, מען מאכט זיך אליינס א "משפחה פלאן" וד"ל.
שטארק זיך אין דיין ארבעט, עבודות השם, מיט אויפשטעלן תלמידים און פארשפרייטן אמונה.