בעזרת ה' יתברך
יום ה' פרשת בהר בחוקותי, כ' אייר, ל"ה לעומר, שנת תשפ"ג לפרט קטן
לכבוד ... נרו יאיר
בנוגע נעמען אן עפידורעל; די אלע וואס מאכן א פאניק און א שרעק פון נעמען אן אפידורעל - די זענען חולי נפש, מיר קוקן וואס די תורה זאגט, וואס צדיקים זאגן.
ביי דיין פאל אז עס האט נאר געמאכט פראבלעמען - זאל דיין ווייב זאגן וואס זי וויל, ווייל מוהרא"ש זכותו יגן עלינו זאגט מען זאל נעמען אן עפידורעל (קוק אריין אין שו"ת ברסלב חלק מא מכתב ה' תקמח). אבער אז דאס ארבעט נישט מיט דיין ווייב וכו' - זאל זי זאגן אויב זי וויל יא נאכאמאל פרובירן.
דער עיקר זאלט איר בעטן דעם אייבערשטן יעדן טאג נאכאמאל און נאכאמאל: "הייליגער באשעפער העלף אונז עס זאל זיין גרינג און פרייליך".
דער אייבערשטער זאל העלפן זאלסט האבן הצלחה אין אלע ענינים.