בעזרת ה' יתברך - יום א' פרשת בהעלותך, ט"ו סיון, שנת תשפ"ג לפרט קטן
מרת ... תחי'
איך בין געווען דאנערשטאג אין שטעטל באזוכן דעם בית הדפוס, איך האב דארט געזען די ערשטע מאל די שיינע ביכל פאר קינדער אין ענגליש וואס איר האט איבערגעשריבן פון די קינדער עצתו אמונה; איך וויל אייך באדאנקען, איר זאלט וויסן דאס גרויסקייט און די זכותים וואס איר האט.
אויך די מפיצים זאגן מיר אז דאס איז א חידוש צווישן די משפחות וואס רעדן ענגליש; זיי כאפן דאס, זיי בעטן נאך חלקים.
איך שיק אייך דא נאך צען מעשיות פון די מעשה'לעך, און אז איר קענט דאס מתרגם זיין אין ענגליש איז דאס א גרויסע זאך.
איך בעט פאר אייך איר זאלט האבן כח ווייטער ממשיך זיין מיט אייער הייליגע ארבעט.
אויך א גרויסן יישר כח פאר די חסד וואס איר טוט אין שטעטל מיטן אויסטיילן עסן פאר די קימפעטארינס. אין דעם זכות זאלט איר זיין געזונט און שטארק און האבן כח מיט די קינדער, זיי מחנך זיין, זיי אויפציען געזונטערהייט.
דער אייבערשטער זאל העלפן איר זאלט האבן הצלחה אין אלע ענינים.