בעזרת ה' יתברך - ערב שבת קודש פרשת קרח, ב' דראש חודש תמוז, שנת תשפ"ה לפרט קטן
טייערער ... נרו יאיר
איך פריי זיך זייער צו הערן פון דיר אז דו ביסט פרייליך און צופרידן, און אז דו לערנסט יעדן טאג די בלאט גמרא פונעם טאג, אז מען לערנט גמרא ווערט מען פרייליך און צופרידן. מען דארף חיזוק זיך אוועק צו זעצן לערנען, אבער איינמאל מען לערנט תורה ווערט מען פרייליך און צופרידן.
טייערער ..., איך וויל דיר זייער בעטן זאלסט זיך פארלייגן מיט אלע דיינע כוחות צו גיין אין שול דאווענען די דריי תפילות, ווייל דאס איז די פארעם פון זיין א איד און בלייבן א איד, און איך בין זיכער, אויב דו וועסט זיין שטארק אין דאווענען די דריי תפילות – וועסטו האבן גרויס הצלחה.