בעזרת ה' יתברך
ערב שבת קודש פרשת ויקרא-זכור, ט' אדר ב', שנת תשפ"ב לפרט קטן
לכבוד מיין טייערער ... נרו יאיר
ארבעט אויף די איין נקודה, אויף שמחה; זיי פרייליך און זע עס זאל איבער רינען די שמחה. עס איז נישט גענוג צו זיין פרייליך אין הארץ, עס דארף ארויסרינען אויפ'ן פנים, ווער עס זעט דיר - זאל זיין פרייליך.
א פערזענליכע בקשה, האברך ... בעט מיר אויב איך קען דיר בעטן זאלסט אים מוחל זיין, ער זאגט מיר עס גייט אים אין הארצן אז דו רעדסט נישט מיט אים. ער האט חרטה אז ער האט דיר בא'עוולה'עט, ער וויל זיין בשלום מיט אלע תלמידי היכל הקודש. אויב איז דא עפעס וואס איך קען אים זאגן - ביטע זאג מיר, ווייל ער וויל רעדן מיט דיר, ער וויל לעבן בשלום, און זיכער אז איך וויל מיינע קינדער, מיינע תלמידים, חברים - זאלן לעבן בשלום.