בעזרת ה' יתברך
יום א' פרשת חקת, ד' תמוז, שנת תשפ"ב לפרט קטן
לכבוד מיין טייערער ... נרו יאיר ברסלב, ליבערטי
לעולם וואלט איך דיר געדארפט שרייבן יעדן טאג א בריוו, דיר מחזק זיין דו זאלסט זיך שטארקן מיט דיין הייליגע ארבעט פון מגיה זיין און ארויסגעבן די חיזוק, עצות און שכל פון רבי'ן.
חכמינו זכרונם לברכה זאגן (ספרי נשא, פיסקא א): "אֵין מְחַזְקִין אֶלָא לַמְּחוּזָקִין"; די וואס זענען מחזק אנדערע - די דארפן דאס מערסטע חיזוק; איך בעט דיר, שטארק זיך; זיי ממשיך מער און מער מיט די זאך פון עצתו אמונה, איש אמונות, חזית איש, מעשה'לעך פאר קינדערלעך, איש יהודי, און יעצט דעם נייעם פירוש אויפ'ן ליקוטי מוהר"ן.
אוודאי וועט זיין אסאך חלישות הדעת און בלבולים, אבער מען דארף קוקן אויף תכלית; ווייל חלישות הדעת האט יעדער איינער, מיר האבן כאטשיג א חלק אין די גאולה.