בעזרת ה' יתברך
יום א' פרשת וירא, י"ב מר-חשון, שנת תשפ"ג לפרט קטן
לכבוד ... נרו יאיר, ישיבה קטנה ירושלים
איך האב ערהאלטן דיין בריוו.
איך פריי זיך זייער אז דו שרייבסט מיר יעדע וואך וויפיל דו לערנסט און וואס דו טוסט אין ישיבה.
זייער גוט אז דו גייסט יעדן טאג הפצה; עס איז גרינגער פאר עלטערע מענטשן צו נעמען א ספר, א קונטרס - פון א יונגער בחור.
אלע ווילן נעמען די ספרים, אלע דארפן חיזוק, אבער זיי שעמען זיך, זיי טראכטן 'אפשר וועט מען טראכטן אויף זיי אז זיי דארפן חיזוק'... דעריבער נעמט מען נישט די ספרים, און ווען עס קומט א אינגל אדער א יונג בחור מיט די ספרים - פרייען זיך אלע, עס איז זיי גרינג צו נעמען.
געב די געלט פון הפצה פאר דיין מגיד שיעור. ביי אונז אין ישיבה אין אמעריקע האט מוהרא"ש מתקן געווען אז אלע בחורים מוזן עוסק זיין אין צדקה, אלע דארפן אריינברענגען געלט פאר די ישיבה.
דער אייבערשטער זאל העלפן זאלסט האבן הצלחה אין אלע ענינים.