בעזרת ה' יתברך - ערב שבת קודש פרשת שופטים, ב' דראש חודש אלול, שנת תשפ"ו לפרט קטן
... נרו יאיר
מזל טוב פאר דיין סיום ששה סדרי משנה, עס איז אזוי שיין צו הערן אז א קינד פון צוועלף יאר זאל האבן דורכגעלערנט גאנץ משניות; דער אייבערשטער זאל העלפן דו זאלסט אויסוואקסן א צדיק, און דיין גאנץ לעבן זאלסטו לערנען תורה און דינען דעם אייבערשטן.
יעצט זאלסטו זיך מאכן א שיעור אין תלמוד בבלי, הייב אן מסכת ברכות, לערן א בלאט נאך א בלאט, ווייל עס איז נישטא עפעס זיסערס, נישטא עפעס געשמאקערס ווי לערנען גמרא; אז מען לערנט גמרא ווערט מען נאנט צום אייבערשטן, מען באקומט א חיות, די לעבן ווערט ליכטיג און געשמאק.
מוהרא"ש דערציילט, דער הייליגער צדיק דער ישמח משה זכותו יגן עלינו האט געלערנט גמרא, אינמיטן לערנען איז ער איינגעשלאפן. ער חלומ'ט זיך ווי ער זעט די הייליגע תנאים, געבט ער זיי א פרעג: "זאגט מיר, וואו איז דער גן עדן? איך וויל גיין צום גן עדן", ענטפערט אים א תנא: "דער גן עדן איז דא"; ווייל ווען מען לערנט תורה, מען לערנט די הייליגע גמרא - דאס איז די גרעסטע גן עדן.
געב א גריס פאר דיין טייערע טאטע.
איך האף דיך צו זען ראש השנה ביים רבי'ן אין אומאן.
דער אייבערשטער זאל העלפן זאלסט האבן הצלחה אין אלע ענינים.
א כתיבה וחתימה טובה.