בעזרת ה' יתברך - יום א' פרשת עקב, ט"ז מנחם-אב, שנת תשפ"ה לפרט קטן
לכבוד מיין טייערער ... נרו יאיר
אויף דיין פראגע אויב זיך קאמפלימענטן איז גאווה וכו'; גאוה איז מבטל זיין א צווייטן, אוועק מאכן א צווייטן, שפעטן פון אנדערע.
זיך געבן גוטע ווערטער – איז א גוטע זאך. דער רבי זאגט (לקוטי מוהר"ן חלק ב', סימן קכה), דוד המלך האט זיך געגעבן גוטע ווערטער, ער האט געזוכט אין זיך גוטע נקודות און זיך דן געווען לכף זכות; ווייל דער יצר הרע וויל נאר איין זאך, צעברעכן און צעהאקן דעם מענטש, ביז ער זאל שוין אפילו נישט וועלן מער זיין גוט, ער זאל ביי זיך זיין אפגע'פסקנ'ט אז ער וועט שוין נישט זיין א צדיק, און אזוי ווארפט ער אים אראפ אין עבירות.
בנוגע אז דו קענסט נישט איינשלאפן וכו'; דער רבי געבט א גוטע עצה, מען זאל טראכטן פון תחיית המתים.
בנוגע התבודדות וכו'; מאך דיין התבודדות ווי א סענדוויטש, הויב אן מיט הודאה און ענדיג מיט הודאה, און אינמיטן לייג אריין דיינע בקשות, אבער הויב אן און ענדיג מיט דאנקען און לויבן.