בעזרת ה' יתברך - יום ג' פרשת משפטים, שובבי"ם, כ"ז שבט, שנת תשפ"ד לפרט קטן
לכבוד מיין טייערער ... נרו יאיר
פאריגע וואך האב איך זיך געטראפן מיט אליהו הנביא, צוויי מאל איז ער געקומען אין ישיבה ביי א ברית, און בשעת'ן זיין סנדק האב איך ספעציעל געבעטן פאר דיר און דיין ווייב, ער זאל רחמנות האבן אויף ענק און ענק געבן זרע של קיימא.
ביז דערווייל זאלסטו זיך זייער שטארקן, איך ווייס אז עס איז דיר זייער טונקל און ביטער שווער – דאך זאלסטו זיך שטארקן און גלייבן אז דער אייבערשטער וועט ענק נישט פארלאזן.
נעם זיך פאר עפעס טון לכבוד שבת, צום ביישפיל, שניידן די נעגל יעדע וואך לכבוד שבת; אז מען איז מכבד שבת זעט מען ישועות.