בריוון פונעם ראש ישיבה שליט"א

#1 - אין די פראבלעמען, אויפזוכן די חסדים פונעם אייבערשטן
תודה והודאה, ישועות, רפואה, חסד, אפשערן

בעזרת ה' יתברך - יום ג' פרשת חיי שרה, כ"ג מרחשון, שנת תשפ"ז לפרט קטן


מרת ... תחי'


איך האב ערהאלטן אייער בריוו.


וואויל איז אייך און וואויל איז אייער חלק אז איר זענט זוכה צו גיין אין די וועגן פון צדיקים, איר האט געטון די הייליגע זאך פון זיך אפשערן די האר; איך בין זיכער אז אין דעם זכות וועט איר זען גרויסע ישועות.


איך בעט אייך זייער דערהאלטס אייך מיט אלע כוחות, און דער עיקר זאלט איר אויפזוכן די חסדים פונעם אייבערשטן. דער הייליגער רבי האט אונז געלערנט מיר זאלן אויפזוכן אין די טונקלקייט, און אין די פראבלעמען - די חסדים פונעם אייבערשטן. דער רבי האט אונז מגלה געווען א סוד ווי אזוי מען קען אריבערגיין שווערע מצבים דורך (תהלים ד, ב): "בַּצָּר הִרְחַבְתָּ לִּי"; דער הייליגער רבי זאגט (לקוטי מוהר"ן חלק א, סימן קצה), אויב מען וועט זוכן די חסדים וואס דער אייבערשטער טוט, אפילו אין די צייטן וואס מען גייט אריבער פראבלעמען - קען מען טרעפן גרויסע חסדים און אסאך גוטס וואס דער אייבערשטער טוט.


דער עיקר זאלט איר נישט אויפהערן צו דאנקען דעם אייבערשטן; דאס וועט אייך ארויפטראגן צו זייער א הויכע פלאץ, איר וועט שוין דא שפירן די זיסע, געשמאקע, איינגענעמע טעם וואס די צדיקים זענען זוכה צו שפירן אין גן עדן.


איך בין מתפלל פאר ענקער קינד זאל האבן א רפואה שלימה.


דער אייבערשטער זאל העלפן איר זאלט האבן הצלחה אין אלע ענינים.