בעזרת ה' יתברך - יום א' פרשת בא, כ"ט טבת, שנת תשפ"ו לפרט קטן
אברהם משה נרו יאיר
מזל טוב פאר דיין נייע געבוירענע קינד, פאר דיין טאכטער; דער אייבערשטער זאל דיר העלפן זאלסט האבן ערליכע אידישע נחת פון דעם קינד און אלע קינדער, אינאיינעם מיט דיין ווייב תחי'.
די וואך אין די פרשה, פרשת בא, זעט מען שוין יום טוב פסח, מען גייט שוין ארויס פון מצרים, וויל איך דיר בעטן, אין צען וואכן ארום איז שבת הגדול, עס קומט פסח, פאריאר האסטו מיט האברך ארי פיש מיר געהאלפן צאמנעמען צדקה צו קענען באצאלן די מלמדים און איינגעשטעלטע; וויל איך דיר בעטן אז די יאר זאלסטו מיר אויך העלפן מיר זאלן קענען גיין צום סדר און האבן אויסגעצאלט אלע וואס ארבעטן פאר די מוסד, און דאס וועט זיין א זכות פאר דיר פאר אייביג.
אויך וויל איך דיך מחזק זיין זאלסט ווייטער ממשיך זיין מיט דיין הפצה, מיט די "חיזוק יומי" וואס דו ביסט מחזק די וועלט, און איידער דו מאכסט דאס און איידער דו שיקסט דאס ארויס זאלסטו זיך אויסוויינען צום אייבערשטן אז עס זאל נישט ארויסקומען קיין שום מכשול, און עס זאל נאר זיין יתגדל ויתקדש שמיה רבא.