בריוון פונעם ראש ישיבה שליט"א

#1 - מען דארף אפערירן, אבער תפלה טוישט די טבע
שמחה, אמונה, רפואה, תפילה, ניסים

בעזרת ה' יתברך - יום א' פרשת תולדות, כ"ח מרחשון, שנת תשפ"ז לפרט קטן


... נרו יאיר


איך האב ערהאלטן די מעסעדזש.


ניסים ונפלאות, מען זעט דאס גרויסקייט פון תפילה; נאכדעם וואס די דאקטוירים האבן געזאגט אז דיין ווייב וועט זיך מוזן אפערירן און ארויסנעמען די געוואוקס, און יעצט ביים באקומען א פרישע דאקטער האט דער דאקטער געזאגט אז עס זעט אויס ווי מען דארף נישט אפערירן, אלעס איז פיין.


מען זעט ממש וואס דער הייליגער רבי זאגט (לקוטי מוהר"ן חלק א, סימן רנ): "הַטֶּבַע מְחַיֵּב כָּךְ, וּתְפִלָּה מְשַׁנָּה הַטֶּבַע", תפילה איז משנה די טבע, און דורך אמונה, אז א מענטש גלייבט אינעם אייבערשטן - איז מען זוכה אויסצוהיילן די חולאת, ווי דער הייליגער רבי זאגט (שם חלק ב סימן א, אות ט), אויפן פסוק (שמות כג, כה): "וּבֵרַךְ אֶת לַחְמְךָ וְאֶת מֵימֶיךָ", מען עסט ברויט און מען טרינקט וואסער, דאס זענען די רפואות, אין דעם ליגט שוין אלע רפואות.


דארפסט דיך מורא'דיג שטארקן, און דער עיקר זאלסטו זיין פרייליך און פרייליך מאכן אין שטוב.


זעה צו טאנצן יעדן טאג ווען דו קומסט אהיים מיט דיינע קינדער, מאך א קאדאטשקע, מאך זיך נאריש; אז די לופט אין שטוב זאל זיין פרייליך, און מיט דעם וועסטו זען גרויסע נסים ווייטער.


דער אייבערשטער זאל העלפן זאלסט האבן הצלחה אין אלע ענינים.