בעזרת ה' יתברך - יום ה' פרשת לך לך, י"א מרחשון, שנת תשפ"ז לפרט קטן
... תחי', תלמידת בית פיגא
איך האב ערהאלטן אייער בריוו.
איר האט א נס אז איר האט אפגעהאקט די קשר מיט די חברט'ע, ווייל ווען עס ווערט א נאנטקייט מיט א חברט'ע וואס מען קען נישט אנגיין איינער אנעם צווייטן וכו' - איז דאס נישט קיין געזונטע נאנטקייט, עס קען זיין גאר שעדליך פאר די לעבן.
מען קען רעדן מיט חבר'טעס, און מען דארף האבן חבר'טעס, אבער עס דארף זיין געזונט; דאס מיינט מען קען רעדן - אדער נישט רעדן, מען קען שפאצירן - אדער נישט שפאצירן, עס איז יא - יא, ניין - ניין, אבער אויב ווערט אז מען מוז רעדן און מען קען נישט אן דעם, מען רעדט גאנצע נעכט, און מען גייט שפאצירן יעדן טאג אינאיינעם, און מען קען נישט אן דעם - דאס איז א סימן פון א קראנקע נאנטקייט וואס מען ליידט דערפון שפעטער אין לעבן, אז מען קען נישט האבן שלום בית וכו'.
דאס אז זי פלעגט רעדן צו אייך פון זאכן פון נאך די חתונה - דאס איז זייער נישט גוט, און אז זי פלעגט אייך זאגן נישט אויס צו הערן אייער מאמע וכו'; איז זייער גוט האט איר געטון אז איר האט אפגעהאקט קשר מיט איר.
נעמט זיך חבר'טעס פון בית פיגא וואס רעדן איידל און וואס זענען פרייליך, נעמט חבר'טעס וואס העלפן אין שטוב און פירן זיך מיט א שטארקע כיבוד אב ואם און זענען אייך מחזק צו פאלגן א מאמע וכו'.
דער אייבערשטער זאל העלפן איר זאלט האבן הצלחה אין אלע ענינים.