אינטערסעטיט הייוועי סיסטעם
שאלה: איך וואוין אין שטעטל, איז זעה אז די הויפט ראודס האבן נומערן, צום ביישפיל די הויפט ראוד אין שטעטל איז די רוט 52, די הייוועי צום שטעטל איז דער רוט 17; איך וואלט געוואלט פארשטיין, וויאזוי ארבעטן די ציפערן? האבן די נומערן עפעס א באדייט, אדער עס איז סתם געשאסן א נומער? שלום א. עטפער: דו פרעגסט זייער גוט, אבער דער ענטפער איז נישט אזוי פשוט. ביידע ראודס איבער וואס דו פרעגסט זענען (דערווייל) סטיעט רוטס, דאס מיינט אז עס געהערט פאר'ן סטעיט, און איז נישט א חלק פונעם אינטערסטעיט (פעדעראלע) הייוועי סיסטעם וואס לויפן דורך פילע סטעיטס דורכאויס אמעריקע. די אינטערסטעיטס הייוועיס האבן א קלארע סיסטעם, וואס אויב מען ווייסט וויאזוי דאס ארבעט, קען מען וויסן פונעם נאמען אין וועלכע ריכטונג דער הייוועי לויפט, און בערך וואו אין אמעריקע עס איז. די אינטערסטעיט סיסטעם ארבעט אזוי: די הייוויעס וואס לויפן דורך פון אויבן (צפון) ביז אונטן (דרום) באקומען אומגלייכע (אָד) ציפערן (ענדיגט זיך מיט 1, 3, 5 א.א.וו.) און די הייוועיס וואס לויפן פון רעכטס (מזרח) צו לינקס (מערב) באקומען גלייכע ציפער (ענדיגט זיך מיט 2, 4, 6 וכו'). די צווייטע רול איז: די נומערן לויפן אויף א סדר פון לינק אויף רעכטס, און פון אונטן ארויף. צום ביישפיל, די הייוועי וואס דורכאויס די מערב ברעג (מעסט צו לינקס) פון אויבן וואשינגטאן סעטיט ביז אונטן קאליפארניע איז אינטערסטעיט 5, און די הייוועי וואס לויפט גאנץ אונטן (דרום), פון רעכטס פלארידע ביז לינסק קאליפארניע איז אינטערסעטעיט 10. די אויבערשטע (צפון) הייוועי פון רעכטס מעסעטשוסעטס ביז לינקס וואשינגטאן סעטיט (לויפט אויך אביסל דורך אין אפסטעיט ניו יארק נעבן אלבאני, סיריקיוז, ראטשעסטער און באפעלא) איז נומער 90, און די הייוועי וואס לויפט פון רעכטס (מזרח) פון אונטן פלארידע ביז אויבן מעין (גייט דורך נעבן אונז, נעבן נוארק ניו דזשערסי, העכערן דזשארדזש וואשינגטאן בריק, דערנאך פארט עס ווייטער ארויף קיין קאנעטיקוט) הייסט דער 95. אויך אין אונזער לעבן פארן אונז אויף א וועג, א הייוועי וואס דארף אונז ברענען צו אונזער ציל, אויב מיר זענען קלוג נוצן מיר א גוטע דזשי פי עס - אין אונזער פאל איז עס א צדיק, וואס ער ווייסט גענוי יעדע הייוועי און יעדע ראוד ווי עס פירט, פארוואס מען דארף יעצט פארן דא, און יעצט דייקא דארט, מיר קענען זיך צומאל צומישן, און פארגעסן די תכלית פארוואס מיר זענען בכלל דא, אבער אויב מיר פאלגן דעם צדיק וואס איז דבוק אינעם אויבערשטן דער באשעפער וואס ער האט געבויעט די אלע הייוויעס און רוטס מיט א פונקטליכע חשבון, קומט ער אן צום תכלית אפילו ער ווייסט נישט פארשטיין פונקטליך וואס איז די באדייט פארוואס דער מצוה איז מער חשוב, און פארוואס מען דארף זיך פארלייגן אויף דער ענין, מיר פארלאזן זיך אויפן צדיק, און ער ברענגט אונז צום דעסטינאציע אויף א געשמאקע הערליכע אויסגעטרעטענע וועג. די ציפערן קען אונז העלפן אידענטיטפיצירן די הייוועיס, צום ביישפיל דער באקאנטער טרואוועי הייסט אויך דער 87, פארוואס? עס לויפט פון אויבן אראפ (דערפאר ענדיגט זיך עס מיט א 7, אן אומגלייכע ציפער) און האט א ציפער גאנץ נאנט צו 100, וויבאלד עס איז זייער נאנט צום מזרח ברעג. די סטעיט ציפערן גייען נישט ממש אזוי, אבער פרובירן זיך צו האלטן צו די פאלגענדע מהלך. די העכערע ציפערן זענען ענדרש די נייע רוטס אדער נעבן די סיטי, און די נידעריגערע ציפער זענען מער ווייניגער אפסעיט, אדער עלטערע רוטס. בסך הכל זענען די רוטס זייער קאמפליצירטע חשבונות, און כאטש מען קען זאגן גאץ גוטע הסברים מען זאל האב א השגה וואס די נומערן באדייטן, זענען זיי אבער אסאך מער פארוויקעלט און פארדרייט, און מען קען גאנץ גרינג צומשיט ווערן פון די פילע סארטן ראודס ווי אינטערסטעיט, סטעיט רוטס, קאונטי רוטס און לאקאלער גאסן. בפרט ווען פילע סטעיט רוטס גייען צומאל אריבער גרעניצן צו אנדערע סטיעט, ווי זיי קענען זיך צומאל טוישן דעם נאמען... איר קענט פרעגן א שאלה דורך שיקן אן אימעיל צו askgershon@gmail.com.
