מלמדים קאמפיין תשפ"ד - חֵירוּתֵנוּ באפרייט פון אלע חובות

געלויבט דעם אויבערשטן אז די מוסדות בליען און וואקסן, די קינדער שטייגן אין תורה עבודה און גמילת חסדים, די געטרייע איינגעשטעלטע, אין די אדמיניסטראציע, די הנהלה, מנהלים, מלמדים, טיטשערס, פרינציפלס, מגידי שיעור, לייגן אריין זייער הארץ און נשמה אין אונזערע קינדער זיי זאלן וואסן געזונט ברוחניות ובגשמיות, מען גרייט זיי צו צום לעבן, מען איז זיי מחנך צו אהבת התורה, אהבת השי"ת, אהבת המצוות, ב"ה די פירות זענען מעיד פאר זיך, בחורים און אינגעלייט וואס זענען דבוק צום אויבערשטן, צו צדיקים, און פרייען זיך מיט זייער אידישקייט.   פון א פינאנציעלע שטאנדפונקט איז געווען זייער א שווערע ווינטער, אלע האבן געזען די בריוו פון ראש ישיבה שליט"א אין די לעצטע חדשים, אזוי אויך האט מען געהערט ביי די דרשות, ווי דער ראש ישיבה פארציילט פון די גרויסע נסים וואס ער האט געהאט, ווי ער האט נישט געהאט צו באצאלן טאג נאך טאג, און ווי ער האט געבעטן דעם אויבערשטן ער זאל אים נישט פארלאזן, און עס איז געשען נסים אז אומגעראכטן איז אריינגעקומען געלט.    יעצט ווען מען גרייט זיך צו פסח, דארף די הנהלה דעקן פעיראל פון איבער דריי הונדערט טויזענט דאלער נאר פעיראל אליינס, און אזוי ווי עס איז געווען אן אויסנאם שווערע יאר, די אווערהעד איז געווען זייער גרויס, פארשידענע הכנסות זענען פארלוירן געגאנגען, מאכט מען צוליב דעם א שטערקערע קאמפיין. מען מוז אנקומען צו יעדע פון אנשי שלומינו זאלן זיך אנשטרענגען, און מיטן אויבערשטענ'ס הילף דעקן דעם גרויסן לאך.   דער יעצטיגער קאמפיין האט מען אויסגעשטעלט אז עס לויפט פער מלמד, דאס וועט געבן א געלעגענהייט צו געבן געלט אויפן חשבון פון זייער קינד'ס מלמד. מען האט ארויסגעשטעלט א ליסטע פון די מלמדים אנגהויבן פון די שטעטל ווי עס זענען פארהאן די קלאסן פון הרב יעקב יאקבאוויטש און הרב ארי לונגער, הרב בערל שניצלער, הרב אשר קרויס, הרב יואל משה פליישמאן, הרב הערשל שניטצלער, הרב נחמן נתן קרויס, און הרב יחזקאל סאמעט. אין וויליאמסבורג זענען דא די קלאסן פון הרב יעקב איידליס, הרב נחמן ניישטיין, הרב ישעי' איידליס, און הרב דוד פוקס. אין קרית יואל זענען דא די קלאסן פון הרב יואל טייטלבוים און הרב לוי יצחק ווערטהיימער. אין ישיבה קטנה איז דא די כתה פון הרב יוסף שניטצלער. מען דארף אויפטרייבן אכצן א האלב טויזנט דאלער פאר יעדע מלמד, און מען קען אפקויפן די זכות פון פינף טויזנט דאלער פער מלמד, טויזענט דאלער, אדער פינף הונדערט דאלער. ווארטס נישט ביז דער מנהל רופט אייך, רופט אים שוין אויף 917-578-0495. און קויפט אייך די זכות פון אייער מלמד.   דער קאמפיין האט זיך אנגעהויבן מיטן רעכטן פוס בעצם יום טוב פורים ווען דער מנהל האט ארום געשיקט א ראבא קאל און מעודד געווען אנשי שלומינו צו גיין נאך געלט, ברוך השם אז דער ציבור איז ווארעם, פילע אינגעלייט האבן אריינגעברענגט נדבות פון טויזענט דאלער וואז זיי האבן צוזאם געשטעלט אום יום טוב פורים   דער ראש ישיבה שרייבט היינט אין א בריוו פארן מנהל הר"ר אברהם משה שליט"א:   איך בעט דיר זייער זאלסט צוזאם נעמען צדקה פון אנשי שלומינו פאר די מוסד, מיר דארפן יעצט גרויסע ניסים צו קענען דעקן די מלמדים טיטשערס איינגעשטעלטע פאר ביז פסח, מיר דארפן א פערטל מיליאן דאלער.   דער אייבערשטער האט געמאכט דעם ווינטער גאר גרויסע ניסים, אנהייב ווינטער האט מיר אויסגעזען אז איך וועל נישט קענען צאלן די מלמדים, עס איז מיר ממש טונקל געווארן, איך האב נישט געוואוסט וואס צו טון, נאכדעם וואס די לעצטע פאר יאר האט די רעגירונג געהאלפן די מוסדות צוליב די קאראנע, עס איז געווען פארשידענע פראגראמען, אבער אנהייב דעם יאר האט מען אלעס אפגעשטעלט, און איך האב זייער געבעטן דעם אייבערשטן זאל רחמנות האבן אויף מיר, און חסדי השם יתברך עס איז געווען נסים יעדע וואך צוויי האבן מיר באקומען גרויסע געלט אין די פאסט דורך א נדבן, און אזוי האבן מיר געקענט אריבער גיין דעם ווינטער.   יעצט דארף איך דיין הילף, איך דארף דו זאלסט מיר העלפן אזוי ווי אלע יארן וואס דו האסט מיר אלץ געהאלפן דעקן די מלמדים, איך וויל זאלסט רעדן מיט אלע אנשי שלומינו פערזענליך זיי ווייזן אונזערע ביכער, איך האב נישט קיין סודות, איך וויל אלע זאלן זען די חשבונות וויפיל עס קומט אריין פון שכר לימוד, און וויפיל עס קומען פון די פראגראמען, און וויפיל די וועכענטליכע געהאלט איז, זאלן אלע זען די הוצאות און די הכנסות, זאלן זיי זען אז אין הבור מתמחלא מחליותו, ואין הקומץ משביע את הארי.   איך בעט דיך זייער, אם קטן אתה בעניך ראש שבטי ישראל אתה, האלט זיך נישט קליין דו האסט די כחות צו העלפן די מוסד, אנשי שלומינו געטרויען דיך, אלע ווייסן דיין גראדקייט אז דו זאגסט אמת, און מען שפירט גוט ווען די צדקה גייט דורך דיר.   זמן חרותינו - מקרא קודש

< זעה מער כב אדר ב' תשפ"ד 📝

שיינע באזוך פונעם ראש ישיבה אינעם חדר אין קרית ברסלב

פארגאנגענעם מאנטאג האבן די קינדער פון תלמוד תורה היכל הקודש אין קרית ברסלב געהאט די זכי' אז זיי האבן געהאט א געהויבענע באזוך פונעם ראש ישיבה שליט"א.   צוערשט איז דער ראש ישיבה געגאנגען באזוכן דעם נייעם בנין אין מחנה אילן החיים, אין בעפארברייטונג צום זומער און קעמפ סעזאן הבעל"ט ווי מען דארף מסדר זיין די קינדער אין די קעמפס. דערנאך האט דער ראש ישיבה באזוכט דער ישיבה אין שטעטל, דער נאך די קינדער אין תלמוד תורה, אזוי אויך אינעם אדמיניסטראציע אפיסעס, דער קרן הדפסה פאבריק, און די אפיסעס פונעם כולל און נאך.   די קינדערגארטן קינדער האט דער ראש ישיבה באגעגנט ווען זיי זענען געווען אויפן וועג אהיים, דער ראש ישיבה האט זיי געטיילט קענדיס, דערנאך איז דער ראש ישיבה אריין אין יעדע כתה באזונדער, און אין יעדע כתה האט דער ראש ישיבה אויסגערימט די קינדער און ארויסגעברעגט די ספעציעלקייט פון דעם כתה, און ווי שטארק ער פריידט זיך צו קענען קומען און ווי ער האט זיך שוין אזוי געבענקט צו זיי, און ווי ער זעט ווי די קינדער זענען וואויל און צדיקים, דער ראש ישיבה האט געטיילט גוטע זאכן פאר די קינדער און האט מחזק געווען די מלמדים.   אין כתה א' האט דער ראש ישיבה גערעדט פון די חשיבות פון רעדן צום אייבערשטן אויף די פשוטע שפראך, און האט פארציילט פאר די קינדער מעשיות ווי דער רבי האט געבעטן דעם אויבערשטן וואס ער האט געדארפט. דער ראש ישיבה האט געפרעגט די קינדער צי זיי האבן א "מעשה פון תפלה", איינער האט געזאגט אז ער האט געבעטן דעם אויבערשטן אז דער ראש ישיבה זאל קומען, דער ראש ישיבה האט אים געזאגט "זעסט דער אויבערשטער האט צוגעהערט דיין תפלה, איך בין דא", דער ראש ישיבה האט זיי געזאגט אויך ער בעט דעם אויבערשטן אז זיי זאלן אויסוואקסן ערליכע אידן צדיקים און תלמידי חכמים.   אין כתה ב' האט דער ראש ישיבה גערעדט איבער די חשיבות פון פיאות און ציצית, דער ראש ישיבה האט געזאגט פאר די קינדער א ווארט פון צדיקים אז ווען מ'קושט די ציצית און מען לייגט עס אויף די אויגן און מען זאגט "מצוות ה' ברא מאירת עינים", איז עס מסוגל אז די אויגן זאלן בלייבן געזונט מען זאל קענען אייביג זען.   אין כתה ג' האט דער ראש ישיבה גערעדט איבער די מגילה, מ'איז געגאנגען צו די סעודה פון אחשורוש, היינט איז אויך דא אזעלעכע זאכן - האט דער ראש ישיבה שליט"א געזאגט - מען מאכט קאנצערטן אן יראת שמים, און די וואס פאלגן מרדכי הצדיק גייען נישט אהין. וואס לערנט אונז מרדכי הצדיק אויס? מען זאל שרייען צום אויבערשטן "העלף מיר". דער ראש ישיבה האט גערעדט צו די קינדער איבער זיך פארשטעלן פורים, וויבאלד זיי זענען שוין גרויס, דארפן זיי פארשטיין אז וואס עלטערן זאגן איז הייליג און טייער, און אז מען ווערט נישט מעכטיג מיט א טייערע פארשטעלאכטס. דער ראש ישיבה האט אויך גערעדט פון די גרויסקייט פון משניות.   אין כתה ד' האט דער ראש ישיבה גערעדט איבער די פרשה פון בויען די משכן. "בקרוב וועט משיח קומען, און ער וועט רופן דעם מנהל ער זאל שיקן די געשיקטע קינדער זאלן אים העלפן בויען דעם בית המקדש, און דער מנהל וועט אים ענטפערן, איך בעט דיר איבער, אבער די קינדער דארפן לערנען תורה, ווייל די הלכה איז אז לערנען תורה איז מער חשוב ווי בויען דעם בית המקדש", דער ראש ישיבה האט גערעדט איבער די מיאוסקייט פון מחלקות און די גרויסקייט פון שלום. דער ראש ישיבה האט געוויזן אויפן דאך און זיי געזאגט עטס זעטס די לעכער, דאס זענען קעמרעס, ווייל דער אויבערשטער זעט אלעס, אבער נישט נאר פון די לעכער נאר איבעראל אין די גאנצע וועלט זעט דער אויבערשטער.   און כיתה ו' האט דער ראש ישיבה גערעדט איבער די גרויסקייט פונעם יום טוב פורים הבעל"ט, ווי דער זוהר שרייבט אז יום כפורים איז נאר אזוי ווי פורים, פארוואס? ווייל פורים איז יעדער פאר זיך, מען דאווענט אין בית המדרש, מען פאסט, אבער פורים פארמערט מען מיט אחדות מען שיקט זיך איינער צום צווייטן משלוח מנות און מתנות לאביונים, מען האט זיך ליב איינער דעם צווייטן, און דאס איז חשובער פון יום כיפור.   אין כיתה ז' האט דער ראש ישיבה געזאגט אז ער שפירט זיך דא ממש ווי אין ישיבה, גרויסע בחורים. די קינדער האבן געבעטן אז זיי ווילן שוין קומען אין בית המדרש דאווענען מיט מנין, דער ראש ישיבה האט זיי געזאגט אז ער וועט רעדן דערפון מיטן מנהל, דער ראש ישיבה האט געזען אז פילע קינדער קענען אויסנווייניג די דרייצן אני מאמינ'ס. דער ראש ישיבה האט זיי געגעבן א סימן מען זאל געדענקען וועלכע אני מאמין איז וואס. א' איז "א"מונה, ב' דער "ב"ורא איז מנהיג לכל הבריאים, ג' איז דער אויבעשטער איז נישט קיין "ג"וף, ה' איז "ה"תבודדות, נאר צום אויבערשטן קען מען דאווענען, י' איז "י"ודע, דער אויבערשטער ווייסט אלעס אפילו וואס מיר טראכטן, י"ג די לעצטע איז תחיית המתים, און פארדעם וועט משיח קומען, דערפאר איז י"ב ביאת המשיח.   די באזוך האט געמאכט א געוואלדיגע רושם אויף די קינדער, וואס וועט לאנג געדענקט ווערן.

< זעה מער כז אדר א' תשפ"ד 📝