פלען איט רייט לייגט ארויס אפיציעל זייערע רייזע פלענער אויף ראש השנה תשפ"ד

שטייענדיג שוין בערך צוויי און א האלב חדשים איידער מען פארט צום הייליגן רבין, האט פלען איט רייט נארוואס ארויסגעלייגט פארן אלגעמיינעם ציבור די פלענער וואס מיר האבן געמאלדן פארן קומענדיגן ראש השנה אין אומאן, און האט צוגעלייגט פארשידענע אפדעיטס וואס זענען שוין צוגקומען ביז דערווייל.   אזוי אויך האבן זיי געמאלדן אז די אלע וואס האבן באקומען די "עירלי בוירד ספעשל" דארפן עס האבן אפגעצאלט ביזן קומענדיגן ר"ח אב הבעל"ט כדי זיי זאל קענען אנהאלטן זייער פלאץ און זייער פרייז.   ווי זיי מעלדן האפן זיי צו ברענגען אנשי שלומינו קיין אומאן, אויפן טאג ראש השנה וואס אלע וואס גלייבן אין רבין ווילן דארט זיין, מיט א געשמאקע, באקוומען, אויסגערוטע, עלעגאנטע און היימישע רייזע. די פליגער וועט בעז"ה זיין גענצליך על טהרת הקודש, נאר מענער סטוערדס, און עס וועט סערווירט ווערן במשך דעם גאנצן וועג נאר היימישע מאכלים מיט א פארלעסליכע הכשר.   פלען איט רייט וועט ווי געמאלדן צושטעלן צוויי טשארטער פלייטס פון ניו יארק קיין ריישא פוילן, מאנטאג כ"ה אלול (למספרם סעפטעמבער 11) אום 10:30 ביינאכט, און דינסטאג כ"ו אלול (למספרם סעפטעמבער 12) אום 10:55 ביינאכט, און צוריק וועט זיין מאנטאג צום גדלי' ב' תשרי (למספרם סעפטעמבער 18) אום 1:45 נאכמיטאג און 5:45 נאכמיטאג, וואס ביידע וועלן נאך בעז"ה אנקומען אינעם זעלבן טאג.   פלען איט רייט וויל מאכן דעם רייזע דאס מערסטע געשמאק און גרינג, דערפאר וועלן זיי קעיר נעמען פונעם גאנצן נסיעה, פונעם מינוט וואס איר טרעט אריין אינעם עירפארט אין ניו יארק, ביז איר קומט אן צו אייער דעסטינאציע קיין אומאן, די פרייזן רעכענען אריין אלע נויטיגע אראנזשירונגען ווי פרישטאג, מיטאג, נאכטמאל, מקוה, מנין, סנעקס, באנען, באסעס, און אלעס אינצווישן.    די טשארטערס קען מען האבן אויף דריי באזונדערע קלאסן, וואס יעדער קען זיך אויסקלייבן לויט זיין בודשעט. די עקאנאמי קלאס טיקעטס איז פאר $2,800, די פרימיום עקאנאמי איז פאר $4,500, און ביזנעס קלאס פאר $7,550. אויפן צווייטן טשארטער פלייט וואס פארט ארויס דינסטאג קען מען נאך דערווייל באקומען דעם עקאנאמי קלאס טיקעט פאר $2,500, אזוי אויך אפערט פלען איט רייט 22 אפציעס פון "גרופ טיקעטס" צו פילע עירפארטס אין די געגענט, ווי רומעניע, מאלדאווע, און פוילן, וואס איר קענט זיך אויסוועלן דערפון לויט אייער באקוומליכקייט, די פרייזן פון די גרופ טיקעטס הייבן זיך אן ביי $899 א טיקעטס (נישט אריינגערעכענט די באן).   די רייזע וועט אריינעמען א לאנגע נסיעה מיט א באקוועמע באן מיט וואס מען וועט פארן פון פשעמישל פוילן ביז אוקראינע, וואס דאס איז אריינגערעכענט אין די טשארטער פרייז. די באנען וועלן אויך זיין על טהרת הקודש, נאר מענער סטוערדס, און די מאכלים וואס וועלן סערווירט ווערן וועלן אלעס זיין אויפן קוואליטעט און כשרות מיט וואס פלען איט רייט איז באוואוסט. די באנען זענען די שנעלסטע און גרינגסטע וועג אריבערצוגיין דעם גרעניץ קיין אוקראינע. די וואס ווילן נעמען נאר די באן רייזע וועלן עס קענען האבן פאר בלויז $595 ביידע וועגן. עס וועט זיין צוויי טשארטער באנען, איינס דינסטאג און די צווייטע מיטוואך, און צוריק וועלן ביידע בעז"ה פארן מוצאי יום טוב. אבער היות צו ווערן באשטעטיגט די פונקטליכע צייטן פאר די באנען דארף פלען איט רייט ווארטן ביז חודש אלול, דערפאר וועלן זיי פארקויפן די פריוואטע באנען טיקעטס נאר פון ראש חודש אלול.   צו מסביר זיין וואס דאס מיינט אומאן ראש השנה איז גענצליך איבעריג, אנשי שלומינו ווייסן ווי שטארק דער רבי האט געמאנט און געבעטן אז יעדער זאל קומען, און אנשי שלומינו זענען מתפלל אז מען זאל אנקומען בשלום צום הייליגן רבין טראץ אלע שוועריקייטן וואס דאס קאסט. מען זעט יעדעס יאר ווי צענדליגע טויזנעטער אידן פון איבער די וועלט וואס קיינעם קומט עס נישט אן גרינג, און מיט דעם אלעם לאזן אלעס איבער און מיט תפילה און אמונת חכמים באווייזן זיין אלעס איבערצוקומען און קומען צום הייליגן רבי'נס ציון אויף ראש השנה.   פלען איט רייט איז א טראוועל אגענטור וואס צייכענט זיך אויס אין אלע סארטן רייזע פלענער ווי קאמפליצירט עס זאל נישט זיין, בפרט ווען עס קומט צו אומאן אויף ראש השנה, זענען זיי באקאנט אלץ דער טרעוועל אגענטור מיטן ה"א הידועה, ווי עס האט זיך ארויסגעוויזן פאריאר ווען זיי האבן מסדר געווען דעם נסיעה פון אנשי שלומינו מיט'ן באן מיט אלע הצטרכות'ן אויפן וועג, און מיט תפלה זענען זיי איבערגעקומען די פילע שטרויכלונגען וואס האבן זיך געמאכט.   צו באשטעלן א טיקעט קען מען רופן פלען איט רייט אויף 845-678-3555.

< זעה מער ט תמוז תשפ"ג 📝

דער טיטאניק דערמאנט ווידער אז דער אויבערשטער פירט די וועלט

פאר איבער הונדערט יאר צוריק איז די וועלט געווען אויף מיט די נייעס אז עס פארט ארויס א שיף פון א שטאט ענגלאנד קיין ניו יארק, "א שיף וואס די וועלט האט נאך אזאנס נישט געזען" האט מען גערעדט. די פירמע האט אריינגעבאכעט אויף די שיף אלע לוקסוס וואס די וועלט האט דאן געהאט, און די גרעסטע עשירים האבן זיך געריסן צו קויפן טיקעטס, און די וואס האבן זוכה געווען האבן זיך געשפירט ווי די וועלט איז זייערס, "איך האב א טיקעט אויפן טיטאניק" האבן זיי שטאלצירט.   די פירמע האט זיך ברייט אויפגעטון מיט זייער מעכטיגע שיף, און האבן הייס פארשפראכן אז דער שיף איז אזוי שטארק און פארזיכערט אז "עס קען ממש נישט זינקען", זיי האבן יעדעם מסביר געווען ווי פארגעשריטן דער שיף איז, און וויפיל זיכערהייט מיטלען עס פארמאגט, אז קיין שום זאך קען עס נישט בייקומען.   איין זאך האבן זיי פארגעסן, ווי דער ראש ישיבה זאגט אלץ, ווען א מענטש דרוקט זיך אויס "עס איז ערלעדיגט, פארלאז דיך אויף מיר!" דארף מען זייער מורא האבן, ווען מענטשן פארגעסן פונעם אויבערשטן, מען מיינט אז מענטש קענען עפעס "פארזיכערן", וועט דער אויבערשטער ווייזן ווער איז בעל הבית, א מענטש דארף אייביג זאגן, "מיטן אויבערשטענ'ס הילף", און און אויב ער האלט אז עפעס וועט זיין, זאגט א איד א מאמין "מיט'ן אויבערשטענ'ס הילף וועט אזוי און אזוי זיין", אדער "איך פארלאז מיך אויפן אויבערשטן אז ער וועט עס פירן צום גוטן", וכדומה.   בשעת די איבער צוויי טויזענט פאסאנזשירן זענען געווען פארנומען מיט זייער שוואוילטאג, מען האט געהוליעט, געשיכור'ט און געפרעסן האט דער באשעפער צוגעפירט א גרויסע אייזבארג זאל שווימען אינעם ריכטונג ווי דער שיף האט געדארפט דורכפארן, און דער קאפיטאן מיט זיין גאווה - האלטענדיג אז דער שיף קען סייווי נישט זינקען - האט איגנארירט אלע ווארענונגען פון אנדערע שיפן וואס זענען נישט לאנג בעפאר דורכגעפארן אז מען דארף דארט זיין פארזיכטיג, און האט מיט א שטארקייט אריינגעזעצט אין א בארג וואס איז באשטאנען פון נישט מער ווי פארפרוירענע וואסער וואס האט דורגעריסן דעם שיף, וואס האט ניטאמאל געהאט גענוג רעטונג שיפלעך פאר אלעמען זייענדיג זיכער אז אפילו דאס ביסל איז גענצליך איבעריג.   עס האט גענומען נישט מער פון בערך צוויי און א האלב שעה, און דער גאנצער מעכטיגער שיף האט זיך געטראפן אונטערן ים. דער אויבערשטער האט געשיקט א שטארקע דערמאנונג פאר די מענטשן פון דער וועלט אז "יש מנהיג לבירה", ער דער רבונו של אולם פירט די וועלט.   זעט אויס אז עס איז שוין דורך צופיל יארן זינט דעם טיטאניק טראגעדיע, און די מענטשן האבן שוין ווידער פארגעסן ווער עס אין טשארדזש, ווער עס איז דער אמת'ער וועלט פירער, און עס האט זיך געמאכט א פירמע וואס האט ערצייגט א קליין אונטערוואסער שיפל און האט עס א נאמען געגעבן "טיטאן" וואס דערמיט האבן זיי אנאנסירט וועלן זיי פירן טוריסטן טויזנטער פיס אונטער די וואסער און ווייזן דעם גרויסן מעכטיגן שיף ווי עס ליגט אזוי הילפלאז אונטערן די וואסער שוין אזוי פיל יארן, און ווידעראמאל האבן מענשטן געהאט די חוצפה אויסצורופן אז זייער שיף קען נישט דורכפאלן, "עס איז אזוי סעיף אז עס קען נישט זינקען" האט דער אייגענטומער אויסגערופן, און די גרעסטע עשירים האבן זיך געיאוועט און געצאלט א פערטל מיליאן דאלער צו האבן די זכי' צו קענען פארן מיט'ן דעם סובמארין און וועלן זיך קענען אויפטון פאר זייערע חברים אז "איך בין שוין געפארן מיט דעם מעכטיגן סובמארין".   פאריגע וואך האט ווידער אמאל פאסירט די זעלבע זאך, דער אויבערשטער האט געוויזן אז מען קען זיך נישט פארלאזן אויפן קיין מענטשן, און בשעת עטליכע גרויסע ביליאנערן האבן זיך געפונען דערין האט עס פלוצלינג פאסירט, זייער געלט און זייערע פארבינדונגען האט זיי גארנישט געהאלפן, אלע מעכטיגע מיליטערישע רעטונג שיפן און מאשינען וואס מען האט גערופן האבן זיי גארנישט געקענט העלפן, דער באשעפער האט אויפגעקראכט דעם שיפל, און פון איין סעקונדע אויפן צווייטן זענען זיי אלע פארלוירן געווארן אין די טיפענישן פונעם ים.   יעדע זאך וואס פאסירט אויף דער וועלט איז עס ווייל דער אויבערשטער וויל עפעס פון אונז, דער באשעפער וויל אז מיר זאלן אים אריינעמען אין אונזער לעבן, ער וויל זיין א שותף אין אונזער ביזנעס, ער וויל וואוינען אין אונזער שטוב, ער וויל מיר זאלן וויסן אז נישט איך און נישט מיין ווייב זענען בעל הבית אין אונזער הויז, ער איז דער אמת'ער בעל הבית, און נאר אים גייען מיר ביידע פאלגן.   אזוי אויך אין אלע תחומים פון לעבן וויל דער באשעפער אז מיר זאלן אים שטענדיג מיטנעמען, דורך דעם וואס מיר וועלן אלעס דורכשמועסן מיט אים, און טון אלעס וואס ער בעט פון אונז.

< זעה מער ו תמוז תשפ"ג 📝