• ENGLISH
  • |
  • Login
  • |
  • Register
Pidyon Nefesh ברסלב סענטער
  • ברסלב סענטער
  • לימודים
    • לוח השיעורים
  • נייעס
  • חיזוק
    • פראגעס
    • בריוון
    • מכתב יומי
    • ארטיקלען
  • אלבום'ס
    • בילדער
    • קליפּס
    • שיעורים
    • אודיאו שיעורים
    • היכל הנגינה
  • ספרים
  • סטאר
  • סדר היום פון די ראש השנה טעג ביים בנין פון ראש ישיבה שליט"א אין אומאן

    מיט פיל דאנק צום אייבערשטן לאזן זיך צענדליגע טויזנטער אידן פון איבער די גאנצע וועלט ארויס קיין אומאן צו וויילן אין די הייליגע ראש השנה טעג אין אומאן, ווי דער הייליגער רבי האט געבעטן, און צוגעזאגט צו מתקן זיין די אלע וואס וועלן קומען. ביים נייעם הערליכן בנין פון ראש ישיבה שליט"א וואס געפונט זיך אויף די בילאצערקאווסקע גאס ווייט ארויס פון די הו הא פונעם צענטער פון שטאט, וועט מיט אייבערשטנ'ס הילף אפגעראכטן ווערן א הערליכע יום טוב. די מקוה איז הערליך אויסגערישט, אין די קאך גייט אן די ארבעט מיטן פולסטן פארע צוצוגרייטן אלע סעודות פון שבת ויום טוב, דער בית המדרש איז מאיעסטיש צוגעגרייט, אויסגע'שורה'ט הונדערטער בענקלעך, אויף א שיינעם סדר, אין די שלאף צימערן זענען אלע בעטן שוין גרייט, ווארטן נאר אויפצונעמען די הונדערטער געסט וואס וועלן אנקומען בעז"ה אין די קומענדיגע צוויי טעג. דאנערשטאג נאכט וועט בעז"ה סערווירט ווערן א געשמאקע סאפער, פאר אלע וואס האבן געדינגען א בעט אינעם בנין, זיך צו דערכאפן דאס הארץ נאכן לאנגן רייזע, און פרייטאג אינדערפרי וועט בעז"ה סערווירט ווערן א נארהאפטיגע פרישטאג. אזוי אויך איז ערווארטעט בעז"ה גאר שיינע סעודות צוזאמען מיטן ראש ישיבה שליט"א. צו די סעודות קענען נאר קומען די וואס האבן געדינגען א בעט אינעם בנין. דער ראש ישיבה וועט בעז"ה געבן גאר שיינע דרשות חיזוק, וואס וועט בעז"ה זיין אפן פארן גאנצן ציבור, ווי דער ראש ישיבה וועט מעורר זיין און אונז אויפוועקן מיר זאלן נישט פארגעסן פארוואס מיר זענען געקומען, און נישט פארפאטשקען די צייט, נאר לויפן צום הייליגן ציון און זיך דארט אויסבעטן אלעס גוטס. ליל שבת קודש דער זמן הדלקת הנרות שב"ק פרשת נצבים איז 6:30. מען וועט בעז"ה דאווענען מנחה קבלת שבת מעריב ביים זמן הדלקת הנרות. נאך די סעודה אום 9:30 וועט אי"ה אפגעראכטן ווערן א שיינע באטע בשירה וזמרה און דברי חיזוק פונעם ראש ישיבה. יום שבת קודש שב"ק אינדערפרי אום 9:30 וועט מען בעז"ה דאווענען שחרית. מנחה ושל"ס מיט דברי תורה פונעם ראש ישיבה שליט"א וועט זיין אי"ה בשעה 6:30. זמן מוצש"ק פרשת נצבים איז 7:57. ערב ראש השנה סליחות ליל זכור ברית וועט זיין בעז"ה אום 1:00 ביינאכט, און נאך סליחות וועט בעז"ה זיין א מעגליכקייט צו געבן פדיון נפש פארן ראש ישיבה שליט"א. שחרית ערב ראש השנה וועט זיין בעז"ה אום 8:00 אינדערפרי, און נאך שחרית וועט זיין בעז"ה נאך א מעגליכקייט פאר פדיון נפש. ראש השנה תש"פ זמן הדלקת הנרות ראש השנה איז אום 6:25, מנחה ערב ראש השנה וועט זיין ביים זמן פון הדלקת הנרות. שחרית ביידע טעג ראש השנה וועט זיין בעז"ה אום 8:00. מנחה ביידע טעג וועט זיין בעז"ה אום 6:00. נאך מנחה אום 6:30 וועט בעז"ה זיין א דרשה פון ראש ישיבה שליט"א. זמן מוצאי יום טוב איז 7:51 דערנאך וועט מען זיך ארויסלאזן אין א ריקוד, און זיך פרייען אויף די גרויסע זכיה אז מיר האבן זוכה געווען צו זיין אין אומאן אויף ראש השנה.   מי שהיה אצלי על ראש השנה ראוי לו לשמוח כל השנה

    < זעה מער כה אלול תשע"ט 📝
  • נייע מוזיק ווידיא פון ראש ישיבה: "איך כאפ דעם נעקסטן פליגער קיין אומאן"

    נייע מוזיק ווידיא פון ראש ישיבה: "איך כאפ דעם נעקסטן פליגער קיין אומאן" דער ראש ישיבה שליט"א מיט די תלמידים האבן יעצט לכבוד ראש השנה ארויסגעגעבן א נייע הערליכע מוזיק ווידיא "איך כאפ דעם נעקסטן פליגער קיין אומאן",&lrm; ווי מען ברענגט ארויס ווי מיר גלייבן מיט אמונת צדיקים אין די הבטחה וואס דער הייליגער רבי האט צוגעזאגט אז אום ראש השנה ביים אים קען מען פועלן אפילו זאכן וואס מ'קען נישט פועלן א גאנץ יאר. און ווי מיר בעטן זיך אויס ביים הייליגן רבינס ציון א גוט יאר פאר זיך און די גאנצע משפחה. די ווערטער זענען ווי פאלגענד: נאך א יאר איז אריבער מיט שרעק, ווי מאכט מען צום גלות אן עק? צרות עס פעלט נישט ביי קיינעם, וואו נעמט מען א הארץ א ריינעם? נעבעך, ס'איז פול דער שפיטאל, דאגות גענוג אן א צאל, שידוכים, פרנסה, שלום בית, קינדער וואס שניידן די פיאות. מיט'ן רענצל איך לויף, אין אומאן מוז איך זיין, אויפן ציון וועל איך בעטן, רבי רייס איין! עס כאפט א ציטער, ראש השנה, יעדן איז מען דן. נישטא קיין צייט, איך נעם דעם נעקסטן עראפלאן. עס בענקט אזוי שטארק מיין נשמה, ס'איז זייער שווער די מלחמה, איך וויל אזוי שטארק זיין ערליך, די ניסיונות זענען געפערליך. מיט'ן רענצל איך לויף, אין אומאן מוז איך זיין, אויפן ציון וועל איך בעטן, רבי רייס איין! עס כאפט א ציטער, ראש השנה, יעדן איז מען דן. נישטא קיין צייט, איך נעם דעם נעקסטן עראפלאן. ווער קען פאר מיר טענה'ן? ווען וועט די ליכטיקיייט אויפשיינען? איך וויל באמת זיין גוט, עס איז מיר שווער אויף טריט אין שריט. הוא עושה בראש השנה עניינים ותיקונים &ndash; מה שבכל השנה גם הוא אינו יכול לעשות. (חיי מוהר"ן סוף סימן ת"ו) &nbsp; איך כאפ דעם נעקסטן פליגער קיין אומאן

    < זעה מער כד אלול תשע"ט 📝
  • העפטיגע לעצט מינוטיגע הכנות גייען אָן אין אומאן

    אויפן בילד: דער עולם שטייט אין די רייע ערב ראש השנה תשע"ט, אינעם נייעם בנין, צו געבן פדיון נפש פאר ראש ישיבה שליט"א יעצט אין די וואך פון ערב ראש השנה, קומען פאר אין אומאן גאר גרויסע הכנות צו אויפנעמען דעם ריזיגן ציבור פון צענדליגע טויזנטער אידן מכל קצוי תבל וואס וועלן קומען פאר איין ציל, צו באקומען דעם גרויסן תיקון וואס דער הייליגער רבי האט צוגעזאגט, און ווערן נאנט צום אייבערשטן. אין די ריזיגע הכנסות אורחים צענטערן, און אזוי אויך אין אלע האטעטלן, און עס זאלן פון די פארשידענע קהילות קדושות, קומען יעצט פאר ריזיגע צוגרייטונגען, א גאנצן טאג קומען טרעילארס איינס נאכן אנדערן אנצופילן די סטארעדזשעס און די פריזערס מיט אלע מאכלים משקאות. אין די צענדליגע נייע בנינים וואס זענען געבויעט געווארן אין די לעצטע יאר, ארבעטן הונדערטער ארבייטער רונדע דעם זייגער 24 שעה צו פארעדיגן די לעצטע זאכן. טראקס קומען איינע נאכן צווייטן אפצולאדענען בעטן, טיש, בענק, ספרים, און אזוי ווייטער. צום בנין פון ראש ישיבה שליט"א זענען אראפ געפארן א גרויסע צאל אינגעלייט, אנצוגרייטן דעם פלאץ פאר אלע בחורים און אינגעלייט תלמידים פון ראש ישיבה שליט"א. מען מאכט זיכער אז אלע צימערן זענען פולקאם גרייט, אלע בעטן זענען מסודר, די וואסער, די לעקטער ארבייטן גוט. מען זעט אז דער בנין זאל זיין שיין זויבער. מען גרייט צו דעם היכל הבית המדרש, מען שטעלט אויס די בענקלעך, און די טישן. אינעם בעיסמענט ווערט אריינגעלייגט גאר אסאך כחות יעצט. מען הייבט אן אנצוגרייטן דעם קאך, מען ברענגט אריין אלע געברויכן פאר די סעודות, חלות, פיש, פלייש, גרינצייג, א.א.וו. אזוי אויך פרישט מען איבער דעם גרויסן מקוה, ווי מען האט היי יאר ב"ה אינסטאלירט א סאפיטיקירטע פילטער וואס ארבעט שוין ב"ה. מען מאכט זיכער אז אלעס ארבעט בעז"ה. דער ציבור אנשי שלומינו גרייט זיך צו אינדערהיים, יעדער פאקט זיך איין זיינע ביסל וועש, און זיינע וויכטיגע געברויכן, יעדער מאכט זיכער זיך איינצופאקן אביסל צידה לדרך, א משניות, א חומש, א קליינע טאשן גמרא, א.א.וו. און מען בעט דעם אייבערשטן אז מען זאל אנקומען בשלום, און אויסנוצן די צייט ריכטיג, און זיך אויסבעטן א גוט יאר פאר זיך פאר די משפחה, און פאר גאנץ כלל ישראל, און אהיים קומען בשלום, צו א פרישע גוטע יאר. תחל שנה וברכתיה &nbsp; &nbsp; וועטער אפדעיט: דערווייל איז נישט קיין גרויסע חילוק אין די וועטער שאצונגען. ווי עס זעט יעצט אויס וועט פרייטאג זיין אביסל רעגנדיג, און אויסער דעם וועט אין די נאכט שעות זיין בערך 45-50 און בייטאג 70-75. עס איז כדי מיטצוברענגען רעגן מלבושים, און א סוועטער.

    < זעה מער כג אלול תשע"ט 📝
  • הערליכע פראגראם ערווארט די חשובע פרויען מארגן מאנאטג נאכט בעז"ה ביים "אומאן פארברענג"

    מיט גרויס שפאנונג ווארטן די חשובע פרויען צום מארגנדיגן טאג, ווען זיי וועלן זיך בעז"ה צוזאם קומען צום יערליכן "אומאן פארברענג" ווי מען וועט פארברענגען אינאיינעם און זיך פרייען אויף דעם גרויסן זכיה און דאנקען דעם אייבערשטן אויף די גרויסע זכיה אז זייערע מענער זענען נתקרב צום הייליגן רבין, און האבן א דאנק דעם געטרייע מענער וואס העלפן אין שטוב, און פירן ערליכע שיינע שטובער, לערנען יעדן טאג, זענען מקפיד צו דאווענען מיט מנין, ברענגען אריין א שמחה אין שטוב. און אזוי ווי יעצט דערנענטערט זיך די הייליגע ראש השנה טעג וואס דער הייליגע רבי האט געבעטן און געפאדערט אז יעדער זאל קומען צו אים אויף יום טוב, פארקוקט יעדער איינער אויף די שוועריקייטן, די מענער פארקוקן אויף זייער באקוועמליכקייט פון זיין אין זייער שטוב ווי זיי האבן אזוי ליב צו פארברענגען, בפרט אום שבת ויום טוב, און זיי פארן שעות ארוכות און וויילן אויף יום טוב ווי בחורים אין א דארמיטארי, שלאפן אויף א פרעמדע בעט, וכו' וכו', און די פרויען פארקוקן אויף זייער באקוועמליכקייט און לאזן זייערע מענער פארן, און דארפן זיך אפגעבן מיט זייערע קינדער אליינס אן זייער הילף, און פירן די שבת און יום טוב טישן אליינס אן דעם מאן, און דאס אלעס טוט מען מיט א גרויס שמחה, וויסענדיג אז די אלע שוועריקייטן צאלט זיך אויס בכפל כפלים, נאכן הערן דעם הייליגן רבינס צוזאג צו העלפן די אלע וואס קומען צו אים, אז זיי זאלן האבן א גוט יאר. דערפאר קומען זיך די טייערע פרויען צוזאם זיך מחזק זיין איינע דעם צווייטן, מען זאל זיך צוגרייטן צום הייליגן יום טוב מיט א גרויסע שמחה, און זיך פרייען אויף די גרויסע זכיה. א רייכע סאפער וועט סערווירט ווערן ביים פארברענג, עס וועלן זיין הערליכע געשמאקע דרשות, אזוי אויך וועט פארגעשטעלט ווערן א הערליכע שפיל פון וואס אלע פרויען וועלן מיט אייבערשטנס הילף שטארק הנאה האבן. דער אומאן פארברענג וועט בעז"ה פארקומען מארגן מאנטאג נאכט פרשת נצבים אין ישיבה תפארת התורה ברסלב, אויף 27 סקילמאן סט. אין וויליאמסבורג אום 9:00 אווענט &nbsp; "ווער עס איז געווען ביי מיר ראש השנה, דארף זיך זייער פרייען" (שיחת הר"ן)

    < זעה מער כב אלול תשע"ט 📝
  • פדיון נפש אפציע געעפענט אויפן וועבסייט

    ווי באקאנט פלעגן אנשי שלומינו זיך פירן צו געבן פאר מוהרא"ש יעדעס יאר אום ערב ראש השנה אין אומאן "פדיון נפש", אזוי ווי דער רבי זאגט (שיחות הר"ן, סימן רי"ד) אז ערב ראש השנה זאל מען געבן א פדיון. מוהרא"ש האט געזאגט אז די גרעסטע צדקה וואס עס איז פארהאן איז צו געבן געלט צו קענען מער און מער פארשפרייטן דעם רבינ'ס עצות אויף דער וועלט, דאס איז די בעסטע וועג ווי אזוי מחי' צו זיין מענטשן, און דאס בלייבט פאר די מענטשן אויף אייביג. דעריבער פלעגט מוהרא"ש נוצן די געלט פון די פדיונות אויף צו דרוקן דעם רבינ'ס ספרים און צו בויען דעם רבינ'ס מוסדות, צו קענען מיט דעם ווייטער פארשפרייטן דעם רבינ'ס אור אויף דער וועלט. דאס יאר וועלן אנשי שלומינו ווייטער געבן "פדיון נפש" אין אומאן פאר דעם זעלבן צוועק, מען וועט קענען געבן דעם "פדיון נפש" פאר'ן ראש ישיבה שליט"א ערב ראש השנה אין אומאן, מ'קען זען די זמנים פאר פדיון נפש אין אומאן אין א באזונדערע קעסטל אינעם גליון, ווי אויך וועט זיין טישלעך ביים ציון הקדוש און אויף די הויפט גאסן אין אומאן, וואו מ'וועט קענען געבן די פדיון נפש. מ'קען שוין אויך מנדב זיין פדיון נפש דא אויפן וועבסייט העלפן פארשפרייטן דעם רבינ'ס עצות אויף דער וועלט, איז די בעסטע הכנה צום הייליגן ראש השנה. &nbsp; פדה בשלום נפשי!

    < זעה מער כ אלול תשע"ט 📝
  • אומאנ'ער עירוב נעמט אריין דעם נייעם בנין

    דער יושב ראש וועד העירוב ד'אומאן הרב אליעזר יודא קעניג שליט"א האט געמאלדן פארן ראש ישיבה שליט"א אז ער ברייטערט אויס דעם עירוב אין אומאן עס זאל ארייננעמען דעם נייעם בנין אין אומאן פון ראש ישיבה שליט"א.&nbsp; די אלע הונדערעטער אידן וואס וועלן זיך בע"ה איינקוואטירן אין דעם בנין, און אזוי אויך נאך פילע אידן פון איבער די גאנצע וועלט וואס וועלן וויילן איבער די לענג און ברייט פון אומאן וואס ווילן קומען מיטהאלטן די תפילות און דרשות פון ראש ישיבה שליט"א זענען זייער מכיר טובה דעם וועד העירוב אין אומאן, פארן זיי אנטקעגן קומען מיטן אונטערגענומען אזא קאסטבארן פראיעקט און האבן אויסגעברייטערט דעם עירוב עס זאל אויך ארייננעמען דעם נייעם בנין היכל הקודש אין אומאן אויף די בילאצערקאווסקע גאס. דער עירוב קומט ספעציעל צוניץ אין אזא יאר ווי יעצט וואס ראש השנה געפאלט אויס זונטאג נאכט, און דער עולם קומט שוין אויף שבת קודש. דער עולם וועט בעז"ה אויסנוצן דעם עירוב צו קענען קומען אין גיין פון בנין צום הייליגן ציון און אויסגיסן דאס הארץ ביים אייבערשטן און פועלן א גוט געבענטשט יאר ביים הייליגן ציון. שמחים לשמרו ולערב עירובו

    < זעה מער יט אלול תשע"ט 📝
  • הערליכע וועטערס ווערן ערווארטעט בעז"ה אין אומאן אין די ראש השנה טעג

    בעת עס ווערן געמאכט די לעצטע הכנות אין אומאן זיך אנצוגרייטן פארן גרויסן פלייץ פון אידישע קינדער וואס וועלן איבערפולן יעדעס ווינקל אינעם גאנצן אומגעגענט, קומט אריין די גוטע נייעס פון די וועטער מבינים אז עס ווערט ערווארטעט בעז"ה גאר שיינע וועטערס אין אומאן אין די טעג פון ראש השנה. די וועטער זאגט פאר פאר די אלע טעג טרוקענע וועטערס, די טעמפעראטור ווערט ערווארטעט צו זיין בערך 65-70 בייטאג, און בערך 45-50 ביינאכט. מיט איין אויסנאם פון ערב שב"ק נצבים פארמיטאג וואס האט לעת עתה א 30% שאנס פאר רעגן. עס דארף אנגעמערקט ווערן אז א וועטער באריכט פון א וואך פריער, איז נישט גענוג פארלעסליך, און בפרט אין אוקריינע איז די וועטער שאצונג א גאנץ יאר נישט זייער קראנט. דערפאר דארף מען נאך ווייטער מתפלל זיין אז אויסער וואס מיר זאלן אנקומען קיין אומאן בשלום און אהיים קומען בשלום, די פעקלעך זאלן אנקומען, און אזוי ווייטער אלעס זאל פארן גלאטיג, זאל מען אויך מתפלל זיין אז די וועטערס זאלן זיין פיינע געשמאקע וועטערס אין די פאר טעג. און דער עיקר דארף מען געדענקען צו וואס מען קומט צו פארן צום הייליגן רבין, ווייל ער האט געבעטן און געפאדערט אז מען זאל קומען צו אים אויף ראש השנה, און ער וועט אונז פאררעכטן. דארף מען אויסנוצן די מורא'דיגע געלעגענהייט ווען מיר זענען פאר די פאר טעג ביים הייליגן ציון, נישט צו ווערן פארטושט די מוח מיט אלע נארישקייטן, פון גיין זען די מארק פלעצער, אדער וועלכע שול איז שענער און גרעסער, אדער גיין דעם דעם זינגער אדער דעם שפילער, וכו' וכו', נאר האלטן די קאפ אויפן פלאץ און אויסנוצן די הייליגע מינוטן מיטן לויפן צום הייליגן ציון און אויסבעטן א גוט יאר פאר זיך, פאר די גאנצע משפחה, און פאר גאנץ כלל ישראל. ונתנה תוקף קדושת היום כי הוא נורא ואיום

    < זעה מער יח אלול תשע"ט 📝
  • וויכטיגע אנווייזונגען אויפ'ן וועג קיין אומאן

    וויכטיגע אנווייזונגען פאר די רייזע קיין אומאן, צוגעשטעלט דורך אייער געטרייע טרעוול אגענט&nbsp; Plan-it-Rite וואס שטעלט אייך צו אלע טרעוול געברויכן קיין אומאן, און סיי וואו איר פארט א גאנץ יאר. &nbsp; צום ערשט דארפט איר זיכער מאכן, אז אייער לעגאלער נאמען (די לעצטע און די ערשטע) וואס שטייט אויפ'ן פאספארט, זאל זיין ארויסגעשריבן ממש די זעלבע אויפ'ן טיקעט. עס איז ראטזאם און גרינגער אריין-צו-טשעקן אנליין. מ'קען אריין-טשעקן פון פיר-און-צוואנציג שעה ביז צוויי שעה פאר די פליגער הייבט זיך. אריין-טשעקן אין עירפארט נעמט אסאך צייט און קען צומאל זיין א פראבלעם אויב קומט מען שפעט, אזוי אויך קען עס צומאל קאסט א טשארדזש (ביי יוקרעין עירליינס קאסט עס $17 דאלער). אזוי אויך זיך אליינס אויסוועלן דעם זיץ אויפן פליגער, קען קאסטן א באזונדערע פרייז. (ביי יוקרעין עירליינס זענען די פרייזן הייבן זיך צווישן $15 און $50 דאלער א וועג - געוואנדען אינעם זיץ). אז איינער וויל נעמען געפאקטע באקסעס אויפן פליגער, זאל מען עס ארומגענומען מיט סארען רעפּ (Saran wrap), און יעדע באקס דארף זיין באזונדער, נישט צוויי באקסעס צוזאמען. אויב האט מען מער רענצלעך פון וויפיל מ'איז בארעכטיגט צו מיטנעמען מיט'ן פליגער, וועט עס אויסקומען ביליגער, אויב מען באשטעלט עס כאטשיג 48 שעה פאר די פליגער הייבט זיך. די טשעק-אין אין עירפארט גייט אן אנגעהייבן פון דריי שעה פאר די פליגער פארט, און ענדיגט זיך א שעה פאר די פליגער הייבט זיך. דערנאך ווערט&nbsp; שוין קיינער נישט אריינגעלאזט. עס איז גוט צו מאכן טרעוול אינשורענס. דאס וועט בעז"ה פארמיידן שאדנס פון צעבראכענע אדער פארלוירענע חפצים/בגדים. אזוי אויך איז גאר וויכטיג צו האבן מעדיקעל אינשורענס, כדי אויב מען דארף (נישט אויף קיין שום איד געדאכט) ח"ו צוקומען צו סיי וועלכע מעדיצין אדער דאקטוירים דורכאויס די רייזע, אדער חלילה אריין גיין אין שפיטאל, זאל מען זיין געדעקט. אויב איינער פון די עלטערן פארן אליין, און מען נעמען מיט א קינד/קינדער אונטער די עלטער פון זעכצן, דארף מען מיטברענגן א צעטל וואס האט א בילד פון די מאן'ס/ווייב'ס אידענטיפיקאציע (ID) און אויף דעם זאל זיין א חתימה אז זיי געבן רעכט פאר'ן קינד מיט צו פארן. אסאך עירליינס - אריינגערעכענט יוקרעין אינטערנעשענאל - זענען זייער שטרענג מיט די האנט באגאזשן וועלכע מען נעמט ארויף אויפן פליגער. עס מעג וועגן א מאקסימום פון 15 פונט. אזוי אויך די ברייט הייך און לענג קען זיין מאקסימום 15.7 אינטשעס (40 סענטימעטער) ביי 21.6 אינטשעס (55 סענטימעטער). זע אינעם בילד אויבן. דער אייבערשטער זאל העלפן אז יעדער זאל פארן געזונטערהייט און צוריק קומען געזונטערהייט, און פועל'ן אלעס גוטס ביים הייליגן רבי'ן, א כתיבה וחתימה טובה און א גוט געבענטשט יאר. &nbsp; Plan-it-Rite 718-506-4341

    < זעה מער טז אלול תשע"ט 📝
  • איבער 100,000 אידן ערווארטעט אין אומאן אויף ראש השנה תש"פ

    לב מי לא יחרד, וועמענ'ס הארץ ציטערט נישט ווען עס קומט דער גרויסער יום הדין. מען זעט ווען א מענטש האט באקומען א טיקעט פון א פאליציאנט פאר טרעפיק פארלעצונגען און ער פארכט זיך אז ער וועט באקומען עטליכע פוינסט, און אפשר גאר וועט מען אים חלילה צונעמען זיין לייסענס, וועט ער איבערדרייען א וועלט, ער וועט זיך נאכפרעגן און נאכזון דעם בעסטן לאיער, און צאלן א גרויסע סכום געלט אבי אז ער זאל האבן א גוטע לאיער וואס אפשר וועט ער מצליח זיין און מעורר זיין רחמים ביים דזשאדזש און ער וועט אפקומען מיט בלויז א פארקינג טיקעט. וואס זאל מען זאגן ביי אונזער פאל ווען דער שופט כל הארץ וואס וועט וועט אונז משפט'ן אויף אונזערע מעשים פון א גאנץ יאר, וואס מיר ווייסן זייער גוט וויאזוי זיי האבן ליידער אויסגעזען, און אונזער ריכטער דער הייליגער באשעפער אליין וועט דן זיין דעם מענטש אויפן קומענדיגן גאנצן יאר, נישט נאר צו ער וועט באקומען א געלט שטראף, צי מ'וועט אים צונעמען די לייסענס, נאר אויך אויף אלעס וואס נעמט ארום דעם מענטש, זיין געזונט, זיין פרנסה, מי יחיה ומי ימות, מי בקוצו ומי לא בקוצו, מי במים ומי באש וכו' וכו'. דארפן מיר דאך אלע נעמען דעם בעסטן לאיער, און אים בעטן ער זאל אונז פארטרעטן ביים משפט, און ממליץ טוב זיין פאר אונז. און וואס בעט ער דען פון אונז, בלויז אז מיר זאלן קויפן א טיקעט און פארן צו אים אויף די פאר טעג ווען דער משפט קומט פאר. ווער קען זיך ערלויבן צו פארפאטשקען אזא געלעגענהייט? דערפאר זעט מען טאקע, ווי די ווארימקייט און התעוררות ביים ציבור שטייגט פון יאר צו יאר, און צענדליגער טויזנטער אידן פון איבער די גאנצע וועלט, קוקן נישט אויף קיין שום שטערונגען און שווערקייטן וואס קומען אונטער, און כאפן דעם רענצל און פליען אפ צום ציון קודש הקדשים אין אומאן צו וויילן אויף ראש השנה צוזאמען מיטן הייליגן קיבוץ. ווי וואונדערליך עס צו זען ווי מען קומט אן קיין אומאן יעדעס יאר עקסטער, איז דער שטאט ממש נישט צו דערקענען, ווי עס וואקסן ארויס אויף יעדע ווינקל און יעדע גאס נייע ריזיגע בתי מדרשים פון פארשידענע קהילות הקודש, און פילע האטעלן, געשעפטן, הכנסות אורחים'ס יעדע מיט זיין אייגענארטיגן חן צוגעפאסט פאר יעדע קרייז און יעדע שבט פון כלל ישראל. ווי די טראוועל אגענטן געבן איבער, ווערן די זיצן אויף די פליגעס צוכאפט ווי קיינמאל בעפאר, און לויט די טיקעסט וואס ווערן פארקויפט ווערט געשאצט אז היי יאר וועלן זיין אין אומאן אויף ראש השנה דער אומגעהויערע ציפער פון איבער הונדערט טויזנט אידן, וואס האבן זיך מוסר נפש געווען און איבערגעקומען זייערע מניעות, דער פון זיין קרייז, דער פון משפחה, דער פון געלט, דער פון געזונט, און געקומען פאלגן דעם רבין בתמימות ובפשיטות, און רעכטן אפ דעם היילגן יום טוב ראש השנה צוזאמען מיטן הייליגן קיבוץ אין אומאן, אז דער רבי זאל זיי פאררעכטן און גייען אהיים מיט פילע זעק ישועות און רפואות ברוחניות ובגשמיות. ראש השנה שלי עולה על הכל - איש בל יעדר! &nbsp; אויפן בילד: מוהרא"ש ז"ל בענטשט דעם ראש ישיבה שליט"א מיט זיינע קינדער אין אומאן ראש השנה תשע"א

    < זעה מער טו אלול תשע"ט 📝
  • ערשטע באנד ספר עצתו אמונה - שו"ת פון ראש ישיבה שליט"א, ווערט צוגעגרייט צום דרוק

    ספר וועט אנטהאלטן די ערשטע קרוב צו הונדערט בריוו פונעם ראש ישיבה שליט"א - וועט בעז"ה ארויסקומען לאור עולם אין די קומענדיגע וואכן ווער עס האט שוין אמאל באגעגענט די קונטרסים פון "עצתו אמונה" דעם דארף מען שוין נישט ערלקערן פון וואס מען רעדט. אין דעם הייליגן ספר טרעפט יעדער טרעפליכע ענטפערס אויף אלע שאלות און ספקות מיט וואס יעדער מוטשעט זיך. און אלעס בלויז מיטן תורה'דיגע צוגאנגט געבויט אויף די הייליגע ווערטער פון חז"ל, פוסקים, פון הייליגן רבין און זיינע הייליגע תלמידים, אזוי ווי מוהרא"ש זי"ע האט עס אונז איבערגעגעבן. דאס אלעס איז געשריבן געווארן דורכן ראש ישיבה שליט"א אין בריוו פאר אידן און ענטפערס אויף שאלות וואס אידן האבן אריינגעשיקט. זייער אסאך ווערט גערעדט פון אמונה פשוטה אין אייבערשטן, און אז דאס איז די וועג וויאזוי אידישע קינדער דערהאלטן זיך אין גלות נאר דורך גלייבן אין אייבערשטן און קיין חקירות און פילאזאפיע א פלעינע ריינע אמונה אזוי ווי פרויען און קינדער האבן. גאר א גרויס חלק פון די שאלות קומען פון בחורים, וואס ווי באקאנט פלעגט מוהרא"ש אייביג זאגן, אז זיין זאך איז בחורים, און אז קיינער פארשטייט נישט דעם צער פון א בחור, וואס וויל חתונה האבן, ער וויל זיין ערליך און זאגט צו צום אייבערשטן אז ער גייט שוין פון יעצט זיין ערליך, און ווידער איז ער אראפ געפאלן ר"ל, און זיין הארץ דרוקט אים און ער וויינט "וואס וועט זיין מיט מיר?", "וויפיל מאל קען מען זיך אויפהייבן?", "ווען וועל איך שוין א חתן ווערן?" און פרעגן אן דעם ראש ישיבה שליט"א זייערע ספיקות און שאלות, און דער ראש ישיבה שליט"א איז זיי מחזק זיי זאלן נישט אויפגעבן נאר אנהייבן נאכאמאל פון פריש, און גיט זיי עצות וויאזוי זיך ארויסצודרייען פונעם ברענעדיגן יצר הרע, און סגילות פון צדיקים צו טרעפן זייער שידוך. זייער אסאך רעדט דער ראש ישיבה שליט"א ארום אין די בריוו פון די גרויסקייט פון "הפצה", ווי דער ראש ישיבה שליט"א דרוקט זיך אויס אין איינע פון די בריוו בזה"ל "איר זענט זיך מחיה מיט די שיעורים פון ישיבה וכו'; די שיעורים האבן געטוישט אייער לעבן, אייער גאנצער בליק אויפן לעבן וכו'; פאר וועם קומט דאס צו פארדאנקען, פון וואו נעם איך די תוכן וואס מיר זאגן ביי די שיעורים, אויב נישט פאר דעם גרויסן מפיץ ר' נתן יאקאבאוויטש ני"ו. פאר פופצן יאר צוריק שנת תשס"ד לפ"ק האט ער מיך באגעגנט אין א בית המדרש און ער האט מיר געגעבן א קליין ספר'ל: "אשר בנחל", דאס האט געטוישט מיין לעבן, און דאס האט געטוישט זייער אסאך מענטשנס לעבנ'ס, ווייל אזוי ווי איר שרייבט מיר אז אייער לעבן האט זיך געביטן, אזוי באקום איך יעדן טאג בריוו ווי מענטשן שרייבן אז זייער לעבן האט זיך געטוישט צום גוטן. וואס איז דער מפיץ וואס האט מיר געגעבן דעם ספר "אשר בנחל", ווי אזוי דארף זיין מיין בליק אויף דעם איד?" און בכלל זענען די בריוו פול מיט התחזקות פאר יעדן איד אין יעדן מצב, מען זאל זיך נישט פארלירן, און געדענקען אז די איינציגסטע פלאץ צו וואו צו אנטלויפן איז נאר צום אייבערשטן. מען זאל גיין צו א פלאץ ווי קיינער איז נישט דארט, און זיך דארט אויסגיסן דאס הארץ צום אייבערשטן אויף אידיש, וואס נאר ער קען און וועט דיך העלפן. ועל כולם זענען גאר א גרויס חלק פון די בריוו איבער די ענין פון שלום בית, דער ראש ישיבה שליט"א געט עצות און הדרכה פאר א ריכטיגע אהבה אחוה שלום וריעות צווישן די פאר-פאלק, זיי זאלן וויסן אז די וועג צו האבן שלום בית איז נאר אז מ'איז מוותר איינע דעם צווייטן, מ'קוקט גוט אויף די מאן/ווייב. אזוי אויך לערנט דער ראש ישיבה אויס, אז חומרות און פרושות ברענגט נישט קיין גוטס, ווי מוהרא"ש פלעגט אייביג חזר'ן מיט אונז דאס ווארט פון רבי אברהם ב"ר נחמן ז"ל, ווען מ'פלעגט אים פרעגן הנהגות פון אינגעלייט "קינדערלעך, היט איך פון כריתות", "ווען מ'מעג מעג מען אלעס, ווען מ'טאר נישט טאר מען גארנישט". אזוי אויך רעדט דער ראש ישיבה זייער אסאך איבער "חינוך", מ'זאל וויסן אז דער עיקר וואס מ'דארף אריינלייגן אין די קינדער פון גאר קליין איז אמונה און תפלה, און אזוי אויך אז מידות טובות דארף מען אויסלערנען דאס קינד נאך פון קליינווייז אויס. הזמן יכלה והם לא יכלו, עס איז נישט מעגליך אויסצורעכענען אלע ענינים בפרטיות פון וואס דער ראש ישיבה רעדט אלץ ארום אין די בריוו, דאס איז א תמצית פון אלע ענינים וואס ווערן ארום גערעדט: אומאן - אחדות - אידיש געלט - איינזאם - אינטערנעט - אמונה - אמונת חכמים - אשר בנחל - בארד און פאות - בושה - בזיונות - בחור - בין אדם לחבירו - בין המצרים - בית דין - בית המדרש - ברכת המזון - בר מצוה - גמרא - געזעץ - געמבלינג - געפילן - דראגס - דרייוון - דרשות - הדרכות - היטן די צייט - היכל הקודש - היסטאריע - הלכה - הפצה - התחדשות - התחזקות - וואקסינען - זומער - זיכוי הרבים - זריזות - חב"ד - חברים - חובות - חומרות - חידושי תורה - חיזוק פאר מיידלעך - חיזוק פאר פרויען - חינוך הילדים - חסידות ברסלב - חתונה - חתן - טלית - טערעפי - טשעפען - יאוש - יבנאל - יום טוב - יום כיפור - ישיבה - כולל - כיבוד אב ואם - כעס - כשרות - לבוש - לימוד התורה - לימודי חול - לערערין - לצנות - מאוויס - מדות טובות - מוהרא"ש - מוהרנ"ת ז"ל - מוסדות - מוסר - מועדים וזמנים - מחלוקת - מחשבות - מלמדים - מנהגים - מנין - מעביר סדרה - מעשר - מקוה - משיח - משניות - משפחה - משקה המשכר - נאטורן - ניבול פה - ניגונים - נייעס - נסיונות - נעגל וואסער - סבלנות - סגולות - סדר דרך הלימוד - סוכות - סיום - סיום הש"ס - סיפורי צדיקים - סכנה - סמארטפאון - ספיקות - ספירה - ספרי ברסלב - עבודת השם - עבירות - ענינים שונים - עצבות - עצות - פורים - פחדים - פירושים - פסח - פרנסה - צדיקים - צדקה - ציצית - צניעות - צרות - קאמפיוטער - קברי צדיקים - קדושה - קינדער - קללות - קנאה - קעמפ - קריאת שמע - קשיות - ראש השנה - רענט - רפואה - שאלות - שבת קודש - שובבי"ם - שווער און שוויגער - שידוכים - שיחות - שיעורים כסדרן - שכחה - שכנים - שכרות - שלאפן - שלום - שלום בית - שמחה - שמחות - שמירת עינים - שנה ראשונה - שערן די האר - תהלים - תודה והודאה - תיקון הכללי - תלמיד - תמימות - תפילה והתבודדות - תפלות אויף אידיש - תפלין - תשובה - תשעה באב &nbsp; בילד אויפן קעפל: דער ראש ישיבה שרייבט א בריוו, אין פליגער אויפן וועגן קיין ארץ ישראל

    < זעה מער יג אלול תשע"ט 📝
  • סיום הש"ס אין ישיבה דורך מו"ה יודל דעפריס הי"ו פון קענווי איילענד, ענגלאנד

    נעכט מאנטאג תצא איז פארגעקומען א שיינע סיום הש"ס אין ישיבה ווען מו"ה יודל דעפריס הי"ו איז געקומען צו פארן מיט זיין משפחה און עלטערן צו מאכן זיין סיום הש"ס ביים ראש ישיבה שליט"א אין ישיבה. דער ראש ישיבה האט פארציילט אז אלעס האט זיך אנגעהויבן פונקט עלף חדשים צוריק אום שב"ק ט' חשון תשע"ט, ווען ער איז געקומען צו פארן צו שמועסן מיטן ראש ישיבה, און דער ראש ישיבה האט אים מחזק געווען ער זאל נעמען אויף זיך דעם רבי'נס סדר דרך הלימוד, און ער האט עס גענומען מיט א שטארקייט, און יעצט פונקט עלף חדשים שפעטער איז מען זוכה אז מען שטייט שוין דא ביי א סיום הש"ס. דער ראש ישיבה האט געזאגט אז כאטש אנדערע וועלן חוזק מאכן פונעם הייליגן סדר דרך הלימוד "וואס? דו דאווענסט גמרא?", אבער ווען א מענטש קוקט מיט אן אמת'ע אויג, און ער קוקט זיך אן וויאזוי ער האט שוין אלעס פרובירט און עס גייט דורך טעג, וואכן און יארן, און כאטש די "פיקטשער" זעט אויס שיין, ער האט א "חברותא", אבער מען לערנט נישט, צי ווייל מ'שמועסט, צי ווייל די קאפ איז נישטא, א.א.וו. און ווען א מענטש מאכט זיך א חשבון הנפש, און ער הערט דעם הייליגן רבינס ווערטער אין שיחת הר"ן סימן ע"ו, אז "אין צריכים בלימוד רק האמירה בלבד", דאס הייסט אז "מען דארף נישט מער ווי זאגן די ווערטער ווען מ'לערנט", און ער פרובירט עס אויס, דארף ער שוין גארנישט מער פון דעם, ער ווערט צוגעקלעבט צו די תורה, ער לערנט דורך כל התורה כולה אין א קורצע צייט, און ער הייבט אן צו באמערקן צוביסלעך אז ער פארשטייט דאס לערנען אפילו מיטן בלויז זאגן. דער ראש ישיבה שליט"א האט אנגעווינטשן פאר ר' יודל'ס עלטערן וואס זענען זיך אויך געקומען זיך באטייליגן אסאך נחת פון אלע קינדער. דערנאך האט ר' יודל פאטער הרה"ח ר' אליעזר מרדכי שליט"א אנגעווינטשן פאר זיין זון און פארן ראש ישיבה שליט"א ער זאל האבן הצלחה מיט די תלמידים. דערנאך האט ר' יודל אויפגעטרעטן, און ארויסגעברענגט אז דער ראש ישיבה שליט"א'ס ווערטער זענען נישט עפעס א בלויזע "טעאָריע", נאר מיר דארפן עס נעמען לעובדא ולמעשה, נעמען די משניות און זאגן פרקים, און דאס וועט אונז ארויסנעמען פון אלע פראבלעמען, אזוי אויך רעדן צום אייבערשטן, און האט זיך באדאקנט פאר'ן ראש ישיבה שליט"א. דערנאך האט מען געזונגען שיינע ניגונים לכבוד די מאורע. &nbsp; תורת ה' תמימה משיבת נפש

    < זעה מער י אלול תשע"ט 📝
  • ברית לבן מו"ה נחום ברילל הי"ו אין ביהמ"ד היכל הקודש בלומינג גראוו

    היינט איז פארגעקומען א שיינע שמחה אין ביהמ"ד היכל הקודש אין בלומינג גראוו, ווען מו"ה נחום ברילל הי"ו האט מכניס געווען זיין זון בבריתו של אברהם אבינו ע"ה. פילע משפחה און אנ"ש זענען זיך צוזאם געקומען היינט מאנטאג אינדערפרי צום דאווענען, און נאכן דאווענען איז פארגעקומען די פרייליכע שמחה, דער מוהל איז געווען הרב אהרן ווייס שליט"א, און מען האט א נאמען געגעבן דאס קינד "נחמן נתן" נאכן הייליגן רבין און זיין גרויסן תלמוד. דערנאך איז פארגעקומען א שיינע סעודת ברית אין ביהמ"ד, ווי מען האט זיך געפרייט אינאיינעם און געזונגען שירות ותשבחות צום אייבערשטן. זאל דער אייבישטער העלפן אז דער בעל שמחה זאל זען רב תענוג ונחת פון אלע זיינע קינדער. כשם שנכנס לברית, כן יכנס לתורה לחופה ולמעשים טובים &nbsp; בילדער

    < זעה מער ט אלול תשע"ט 📝
  • פרויען פון אנשי שלומינו קוקן ארויס מיט שפאנונג אויף א הערליכע אומאן פארברענג

    נאכפאלגענדיג די גרויסע צופרידנהייט פון די פרויען פון אנשי שלומינו די פארגאנגענע יארן פאר ראש השנה, ווען די פרויען האבן זיך צוזאמגענומען אינאיינעם און געהערט דרשות און זיך געפריידט צוזאמען אויף די געוואלדיגע זכי' אז די מענער זענען זוכה צו וויסן פון הייליגן רבי'ן און זענען זוכה צו פארן קיין אומאן אויף ראש השנה, וועט דאס יאר נאכאמאל פארקומען די "אומאן פארברענג", זיך צו שטארקן צוזאמען אויף די געוואלדיגע זכי' אז זיי שיקן זייערע מענער צום הייליגן רבינ'ס ציון אויף ראש השנה. וועמענס הארץ ציטערט נישט פונעם פארכטיגן יום הדין, ווען דער אייבערשטער שרייבט אן פאר יעדן איינעם אלעס וואס עס וועט פאסירן מיט אים במשך די גאנצע יאר, און דא זאגט דער רבי אז ווער עס קומט צו אים אויף ראש השנה וועט ער אים פארטיידיגן און זען דערצו אז מען זאל אים אנשרייבן א גוט געבענטשט יאר, איז דאך זיכער אז יעדער וויל האבן די זכי' צו זיין אין אומאן אויף ראש השנה, און זוכה זיין צו א גוט געבענטשט יאר. דעריבער וועלן זיך די פרויען צוזאמנעמען און זיך שטארקן אינאיינעם צו שיקן די מענער אויף אומאן און אהיימברענגען ישועות און רפואות פאר די גאנצע יאר. די פארברענג וועט פארקומען אי"ה מאנטאג נאכט פ' נצבים הבעל"ט אין היכל הישיבה אין וויליאמסבורג, ווי מ'וועט הערן שיינע דרשות, און מ'וועט מיטהאלטן א שיינעם פראגראם. עס איז ערווארטעט די באטייליגונג פון הונדערטער פרויען פון אנשי שלומינו. די חשובע פרויען קוקן ארויס מיט שפאנונג אויף דעם געשמאקן פארברענג, זיך צו פרייען אינאיינעם אויף די גרויסע זכי'. ולאחיו יאמר חזק! דרשה פון ראש ישיבה שליט"א פאר די פרויען ביים פארברענג תשע"ז דרשה פון ראש ישיבה שליט"א פאר די פרויען ביים פארברענג תשע"ח

    < זעה מער ח אלול תשע"ט 📝
  • גליון היכל הקודש גרייכט ציפער פון 400 גליונות

    דער וועלט בארימטער גליון היכל הקודש איז שוין היינט וועלט בארימט איבער די גאנצע וועלט, מיט וואס צענדליגע טויזנטער אידן פון איבער די וועלט (בלי גוזמא) זענען זיך מחיה וואך איין וואך אויס, האט נארוואס אפגעצייכעט דער געוואליגער ציפער פון 400 גליונות, דאס איז א קיימא לן פון בערך 8 יאר, וואס עטליכע אידן זענען זיך מוסר נפש בלי שום תשלום גמול און ארבעטן שעות על גבי שעות יעדע וואך אלעס נאר בכדי צו נאך איד זאל מחזק זיין און מחיה זיין און טרעפן עצות און התחזקות, ער זאל זיך ווידער שטארקן אהיים צו גיין און זיך איבערבעטן מיט זיין ווייב, ער זאל זיך אויפוועקן פון שלאף און זיך דערמאנען אז עס איז יא דא צו וועם צו גיין אין אן עת צרה, ער זאל זיך עפענען דאס מויל און געבן א קרעכץ צום אייבערשטן "באשעפער, איך וויל זיין ערליך", ער זאל טראכטן א מינוט פון תכלית, און אנהייבן פון יעצט עפענען א חומש, א משניות, א גמרא, און אריינכאפן עטליכע מינוט יעדן טאג פון לערנען די הייליגע תורה, און עפעס מיטנעמען מיט זיך אויף יענע וועלט. גאר אסאך אידן פארציילן ווי דער גליון האט זיי שוין געראטעוועט אין א שווערע מינוט, ווען זיי האבן "פונקט" (דהיינו בהשגחה עליונה) באגעגענט דעם גליון און געזען א ווארט פון רבין, א מעשה'לע פון מוהרא"ש, א טרעפליכע תשובה פון ראש ישיבה, און דאס האט זיי געכאפט, און האט זיי צוריק געברעגנט, און האט זיי געראטעוועט פון טון נארישקייטן. אִיר מֶעגְט עוֹסֵק זַיין אִין אַנְדֶערֶע פַּרְנָסוֹת אוֹיךְ. נָאר דָאס זָאלְט אִיר זֶען תָּמִיד צוּ טָאן, אָנצוּטְרִינְקֶען בֵּיימֶער (סיפורי מעשיות, מעשה ג' - מחיגר)

    < זעה מער ה אלול תשע"ט 📝
  • גרויס פארשריט ווערט געמאכט אין די מקוה אין אומאן

    ווי שוין איבערגעגעבן אין א פריערדיגע באריכט האט מען באשטעלט א טייערע פארגעשריטענע פילטער פון א אידשע פירמע אין ארץ ישראל, וואס איז ספעציעל געאייגענט צו האלטן מקוואות ריין און זויבער. ווי נאר דער פילטער איז אנגעקומען, האט מען זיך גלייך גענומען צו די ארבעט דאס צו אינסטאלירן, און ב"ה מען קען שוין איבערגעבן אז דער פילטער איז שוין גוט אינסטאלירט, און וועט שוין דינען דעם ציבור בעז"ה אויפן קומענדיגן ראש השנה הבעל"ט. אזוי אויך ווערט געמאכט אסאך פּראגרעס אין די הייצינג סיסטעם פון די מקוה. מען לייגט יעצט אריין אן "אלומינום ראדיעטאר הייצונג סיסטעם", - א סיסטעם פון געדרייטע פייפס - וואס רוב מקוואות נוצן טאג טעגליך צו הייצן. מען האפט אז ביז א וואך וועט מען פארטיג ווערן מיט די הייצונג ארבעט בעז"ה. אין אנדערע נייעס פונעם בנין אין אומאן: * די פענסטערס (פון די אויבערשטע צוויי - דערווייל אומבאנוצטע - שטאקן) זענען שוין אינסטאלירט געווארן ב"ה. * מ'האט שוין אנגעהויבן צו אינסטאלירן די פלאמבינג פון די צווייטע שטאק פון די שלאף צימערן. * די עלקטריק פון די צווייטע שטאק פון די שלאף צימערן וועט שוין בעז"ה זיין פערטיג די וואך. * מ'דארף נאך קויפן טיילס פאר די האלוועי פון די צווייטע שטאק פון די שלאף צימערן. * קומענדיגע וואך דארף שוין אנצוקומען די גרויסע פענסטערס פאר די סטעפס. &nbsp; מיר זענען שוין ב"ה אריין אינעם חודש הרחמים והרצון, דער חודש אלול, און מיר גרייטן זיך אלע מיט תורה, תפילה, און מעשים טובים צום גרויסן טאג ראש השנה ווען דער אויבערשטערן איז דן יעדעם באזונדער, מי יחיה ומי ימות, מי במים ומי באש וכו' וכו', און מיר זענען מתפלל צו מקיים זיין וואס דער רבי האט געבעטן "ווער עס גלייבט און מיר זאל קומען אויף ראש השנה", און ער האט געזאגט אז ער וועט אונז מתקן זיין "אפילו וועם איך קען נישט א גאנץ יאר", און מיר וועלן פועלן דארט ביים אייבערשטן א גוט און זיס יאר ישועות, רפואות און שידוכים פאר אונז, אונזערע משפחות, און פאר גאנץ כלל ישראל.

    < זעה מער ד אלול תשע"ט 📝
« Previous Next »

Showing 1 to 15 of 185 results

1 2 3 4 5 6 7 8 9 10 11 12 13
  • קאַטעגאָריעס
  • פילטער לויט די יאר
  • אלע
  • ישיבה תפארת התורה
  • אומאן
  • תלמוד תורה היכל הקודש
  • בית פיגא
  • פרויען פאראיין
  • מחנה תפארת התורה
  • שמחות
  • קרן הדפסה והפצה
  • קהלות היכל הקודש
  • ציון מוהרא"ש ז"ל
  • ברסלב סענטער וועבסייט
  • ברסלב מיידל קעמפ
  • קרית ברסלב ליבערטי
  • צום פינטל

פילטער לויט די יאר


  • אלע יארן
  • תשפ״ב
  • תשע״ח
  • תשפ״א
  • תשפ״ג
  • תשע״ט
  • תש״פ
  • תשע״ז
היכל הקודש ברסלב
breslevcenter.com