שיעור התחקות אין קרית יואל דורכן ראש ישיבה היינט נאכט דינסטאג תשא
היינט נאכט פורים קטן, אום 8:30 וועט דער ראש ישיבה שליט"א בעז"ה געבן א שיעור התחזקות אין בית המדרש היכל הקודש קרית יואל עצי תמרים, אויף 8 פרעמישלאן דרייוו. שמעו ותחי נפשכם
היינט נאכט פורים קטן, אום 8:30 וועט דער ראש ישיבה שליט"א בעז"ה געבן א שיעור התחזקות אין בית המדרש היכל הקודש קרית יואל עצי תמרים, אויף 8 פרעמישלאן דרייוו. שמעו ותחי נפשכם
תפלת ישראל עושה רושם, געלויבט דעם אייבערשטן אז עס זענען געקומען גוטע גריסן פון ארץ ישראל, אז דער מצב פון הבחור החשוב איציק מענדאלוויטש גייט צום בעסערונג, און ער איז שוין ארויס פונעם קריטישן מצב. אין א שמועס נעכטן מיט ראש ישיבה שליט"א, האט ער דערציילט אז ער איז געווען מיט עטליכע וואכן צוריק ביי הגאון רבי חיים קנייבסקי שליט"א, און אים געבעטן א ברכה ער זאל טרעפן א שידוך, האט אים רבי חיים געזאגט 'רפואה שלימה', האט ער נאכאמאל געבעטן א ברכה פאר א שידוך האט ער געזאגט 'בקרוב'. יעצט ווען מען האט פארציילט פאר רבי חיים אז ער האט געהאט אן עקסעדענט און מען פאר שטייט וואס ער האט געזאגט 'רפואה שלימה' ממש רוח הקודש, האט רבי חיים געזאגט "יעצט זאל ער מאכן א סיום הש"ס וועט ער טרעפען א שידוך". איציק האט געזאגט פארן ראש ישיבה אז ער האלט שוין ממש ביי סוף ש"ס, און גייט בקרוב מאכן א סיום ביים שטוב פון רבי חיים. פון די מעשה זעט באשענפערליך אז ווי תפילה העלפט, און געלויבט דעם אייבערשטן אז ער איז שוין ארויס פונעם מצב סכנה. מען בעט מען זאל ווייטער מתפלל זיין פאר הבחור יצחק בן אהובה שושנה פאר א גאנצע רפואה.
אנשי שלומינו חסידי ברסלב היכל הקודש גרייטן זיך מיט גרויס שמחה צום גרויסן סיום הש"ס קומענדיגע יאר שבת קודש פרשת ויגש ז' טבת, וואס וועט בעזרת השם יתברך געפראוועט ווערן אינעם שיינעם "קראון פלאזא האטעל", אינאיינעם מיטן ראש ישיבה שליט"א. ביי יעדער אינגערמאן מאנשי שלומינו איז א פשוטע זאך אז איינע פון די ערשטע שיעורים (נאך חומש - מעביר סדרה זיין, און א שיעור משניות) איז צו לערנען יעדן טאג א בלאט גמרא. מוהרא"ש פלעגט כסדר נאכזאגן פון ספר ווי העמודים אז "א בלאט גמרא א טאג איז א חיוב אויף א מענטש ווי הנחת תפילין". איי דו האסט נישט קיין קאפ? דו האסט טירדות? דיין חבורתא קומט נישט? נעם דיר דעם סדר דרך הלימוד פון הייליגן רבין (עיין שיחות הר"ן סימן ע"ו), און זאג די הייליגע ווערטער פון די גמרא, אזוי וועסטו זוכה זיין דורכצוגיין כל התורה כולה. בפרט געדענקען אנשי שלומינו די בריוו וואס מוהרא"ש האט געשריבן מיט אכט יאר צוריק נאך פסח, נאך דעם שווערן סטראוק ל"ע, וואס עס איז נישט דורך א טאג וואס ער האט נישט געשריבן אינעם בריוו, "היינט לערנט מען מסכת פלוני דף פלוני", הייב היינט אן צו לערנען אויפן גמרא אויפן סדר פון דף היומי, ווייל נאר די בלעטער גמרא וואס מיר לערנען אויף דער וועלט, נאר דאס נעמען מיר מיט אויף יענער וועלט. מוהרא"ש פלעגט זאגן אז דער דף היומי איז א מתנה וואס דער הייליגער רבי האט געגעבן פאר הגאון ר' מאיר שפירא זצ"ל ראש ישיבת חכמי לובלין, אויף דעם וואס ער האט זיך אוועקגעגעבן פאר די ברסלבע חסידים פון פוילן ווען זיי האבן נישט געקענט פארן קיין אומאן אויף ראש השנה צוליב וואס די גרעניצן זענען געווען פארמאכט, האט ער איבערגעגעבן זיין ישיבה וואס איז געווען ליידיג בין הזמנים אז די ברסלבע חסידים זאלן קענען דאווענען אינאיינעם, און ער אליין האט אויך דארט געדאווענט עטליכע יאר, בזכות זה האט אים דער הייליגער רבי מזכה געווען אריינצוברענגען דעם געדאנק פון דף היומי ביי כלל ישראל. אמת אז אין אנפאנג האט א געוויסע פארטיי געוואלט פארכאפן דעם געדאנק פון דף היומי פאר זייער פאליטיק, אבער היינט ווייסט שוין יעדער אז דער דף היומי געהערט פאר יעדער איד באזונדער, און האט נישט קיין שום שייכות מיט קיין שום פארטיי. פאר זיבן יאר צוריק זענען געווען פילע אינגעלייט און בחורים וואס האבן זיך צוגעהערט וואס מוהרא"ש זאגט, און טאג איין טאג אויס האבן זיי זיך נישט געלייגט שלאפן איידערן לערנען א בלאט גמרא. יעצט נאכן הארעווען זיבן יאר, הזורעים בדמעה ברנה יקצורו, זענען זיי זוכה זיך צו פרייען מיט דעם גרויסן שמחת התורה, צו ענדיגן כל הש"ס כולה. יעצט איז די צייט זיך צו מאכן א ריכטיגע חשבון - וויאזוי גיי איך אויסזען אין ב' סיון תשפ"ז: וועל איך נאך אלץ האלטן אינמיטן שפעקולירן צי מען דארף בויען א וואנט ביים גרעניץ פון מעקסיקא אדער נישט? (וועם וועט דאס דעמאלט אינטערעסירן?...) אדער וועל איך יעצט האבן דעם שכל און פאלגן די עצות פונעם צדיק, און נאך היינט אנהייבן צו לערנען דעם דף גמרא (דאנערשטאג תרומה, חולין דף ע"ב), און בערך זיבן יאר פון היינט ווען מ'וועט נאכאמאל האלטן ביי חולין דף ע"ב וועסטו אויך זוכה זיין צו ענדיגן ש"ס, און דורכדעם זוכה זיין צו א גוט לעבן אויף דער וועלט און יענע וועלט. צו דעם גרויסן געלעגענהייט האט מען אפגעדינגען דעם גאנצן האטעל מיט אלע צימערן, ווי אלע תלמדי היכל הקודש וועלן ארויסקומען מיט זייערע משפחות און פארברענגען דעם גאנצן שבת קודש מיט א רייכע פראגראם. בקרוב וועט געמאלדן ווערן די דעטאלן איבער רעזערווירן צימערן. פרטים יבואו
נעכטן מיטוואך אווענט, ווען אין גאס האט געהערשט א סיבירישע קעלט פון עטליכע ציפערן אונטער זערא, מיט בוזשעווענדע ווינטן וואס האבן געמאכט שפירן די קעלט ווי 20-30 אונטער זערא, האט אין שטוב פון מו"ה יצחק משה רייך הי"ו געהערשט א ווארימע הייסע אטמאספער, ווען א ריזיגע ציבור אידן פון אינג און אלט, פון אלע קהלות הקודש פון בארא פארק זענען געקומען זיך ווארעם באטייליגן ביים "טיי אווענט" וואס איז גערופן געווארן דורך מו"ה יואל מאשקאוויטש הי"ו און מו"ה יצחק משה רייך הי"ו, צוזאמען מיט די הילף פון מו"ה יענקי פיש הי"ו, מו"ה יענקי יאקאבאוויטש הי"ו און מו"ה מיכל ראזענפעלד הי"ו. "איך קען דיר זאגן איין זאך" האט אונז ר' יואל מאשקאוויטש געזאגט "די פינאנציעלע און מאראלישע חיזוק וואס דער ברייטער ציבור האט אונז נעכטן געגעבן, האט מיר ממש איבערגענומען". די אלע אידן זענען געקומען דורך בלויז א טעלעפאן רוף וואס זיי האבן באקומען, אדער דורך א קליין צעטעלע וואס איינער האט זיי געגעבן אין בית המדרש, אויסער דעם איז בכלל נישט געווען קיין אדווערטייזמענטס. דער מסיבה איז געקרוינט געווארן אלץ א קנאקעדיגער סוקסעס לויט אלע דיעות, עס איז אריינגעקומען א גאר גרויסער סכום געלט מער פון אלע ערווארטונגען, עס זענען געקומען א ריזיגע ציבור פון אלע עידזשעס און פול אלע קרייזן. עס זענען געווען צוגעגרייט שיינע געדעקטע טישן, דער עולם האט געשטראמט ביז שפעט אין די נאכט שעות. אויך האט מען געהאט די זכיה אז דער ראש ישיבה שליט"א האט זיך פערזענליך משתתף געווען פון 11:30 ביז 1:30. עס איז געווען צוגעשטעלט ווארימע זופ, ווארימע טיי, און ווארימע קוגל זיך אנצואווארימען די פארפרויענע ביינער, פון די שרעקליך קאלטע וועטער אין גאס. דערנאך איז געווען שיין צוגעגרייט אויף די טישן פארשידענען געשמאקע מעדנים און מטעמים, פון וואס דער עולם האט טועם געווען. טוב לי תורת פיך מאלפי זהב וכסף בילדער
היינט מיטוואך משפטים אווענט קומט בעז"ה פאר א מסיבה לטובת די כולל היכל הקודש אין וויליאמסבורג, בראשות פונעם ראש ישיבה שליט"א, ווי אינגעלייט וואס תורתם אמונתם הארעווען זיך צו משלים זיין בש"ס ופוסקים והוראה. דער טיי אווענט קומט פאר אין שטוב פון מו"ה יצחק משה רייך הי"ו אויף 1515 54סטע גאס. כי טוב סחרה מכל סחורה בריוו פונעם ראש ישיבה איבער די חשיבות פונעם כולל היכל הקודש
נעכטן נאכט איז פארגעקומען א מסיבה פארן כולל היכל הקודש וויליאמסבורג בנשיאות דער ראש ישיבה שליט"א, ווי עס זיצן אין לערנען אינגעלייט תלמידי חכמים וואס תורתם אומנותם, און זענען זיך משלים בש"ס ופוסקים ובהוראה. דער מסיבה איז פארקומען מיט גרויס סוקסעס אין שטוב פון מו"ה העניך אינדיג הי"ו, אויף 450 קענט עוועניו. בילדער
די יומא דהילולא קדישא פון כ"ק מרן מוהרא"ש זי"ע איז אויסגענוצט געווארן דורך אידן איבער דער גארער וועלט בכלל, און דורך אנשי שלומינו בפרט, זיך צו דערמאנען די ליכטיגע זכרונות פון מוהרא"ש און צו איבער'חזר'ן זיינע הייליגע לימודים און עס אנהאלטן אויך אויף ווייטער. אין לויף פון זיין גאנצן הייליגן לעבן האט מוהרא"ש נאר געוואלט איין זאך, און אויף דעם האט ער געארבעט טאג און נאכט, אריינצוברענגען די לימודים פון הייליגן רבי'ן אין יעדע אידישע הויז איבער די גאנצע וועלט. צו שטארקן און מחזק זיין יעדן איד אז ער זאל וויסן און געדענקען אלעמאל אז דער אייבערשטער איז שטענדיג מיט אים, און אין סיי וועלכע מצב א איד געפונט זיך נאר קען ער אייביג זיין נאנט צום אייבערשטן, און ער קען זיך שטענדיג צוריק קערן צום אייבערשטן. יעצט, אין די צייט פון די יומא דהילולא קדישא, דערמאנען זיך אידן ווי אזוי זיי האבן באקומען חיזוק פון די הייליגע ספרים און קונטרסים פון מוהרא"ש במשך די אלע יארן, און נוצן אויס די צייט ווייטער ממשיך צו זיין צו לערנען די הייליגע ספרים און צו מקיים זיין וואס דארט שטייט, און מיט דעם זיך איינקויפן א פרייליך און גליקליך לעבן ברוחניות ובגשמיות. דורכאויס די גאנצע וואך, ובפרט אין די טאג פון יארצייט, האבן צענדליגע טויזנטער אידן פון איבער די גאנצע וועלט פוקד געווען דעם ציון הקדוש אין יבנאל און זיך אויסגעבעטן בדבר ישועה ורחמים. פילע האבן זוכה געווען אויסצוזאגן גאנץ תהלים בלי הפסק ביים ציון הק', אזוי ווי מוהרא"ש האט צוגעזאגט אין זיין צוואה אז ווער עס וועט אויסזאגן גאנץ תהלים ביי זיין קבר וועט ער זיך משתדל זיין צו איינרייסן און פועל'ן פאר יענעם א ישועה, און ספעציעל ווען א בחור אדער מיידל וועט דארט אויסזאגן תהלים, וועלן זיי זיכער געהאלפן ווערן מיט א שידוך בקרוב ובניקל. מוהרא"ש האט געשריבן אין זיין צוואה אז אזוי ווי ביי זיין לעבן זענען אידן נתעורר געווארן צו תשובה דורך אים, די זעלבע וועט אויך זיין נאך זיין הסתלקות אז ווער עס וועט קומען צו זיין קבר וועט נתעורר ווערן תשובה צו טון און זיך צוריק צו קערן צום אייבערשטן. און דאס האט מען ספעציעל געקענט זען יעצט ביי די יומא דהילולא, די געוואלדיגע התעוררות וואס האט געהערשט אויפ'ן פלאץ, ווען פילע טויזנטער אידן האבן שופך שיח געווען און זיך אויסגעגאסן דאס הארץ ביים ציון הק'. דאהי אין אמעריקע איז פארגעקומען דער צענטראלער סעודת הילולא בבית מדרשינו אין וויליאמסבורג. עס זענען זיך צוזאמגעקומען פילע אידן פון איבעראל זיך צו שטארקן אינאיינעם אין דעם געהויבענעם טאג. ביי די סעודה האט מען געהערט דברות קודש פונעם ראש ישיבה שליט"א וואס האט ארויסגעברענגט ווי שטארק מיר דארפן דאנקען דעם אייבערשטן אויף די געוואלדיגע מתנה וואס מיר האבן באקומען אז מיר האבן געהאט מוהרא"ש מיט אונז וואס האט אונז געלערנט די הייליגע לימודים פון רבי'ן, און די לימודים זענען ווייטער חי וקים, מיר דארפן עס נאר ווייטער לערנען און חזר'ן. דער ראש ישיבה שליט"א האט געזאגט אז ווען ס'קומט צו רעדן פון מוהרא"ש, איז דאס זייער שווער, מוהרא"ש האט אונז אזויפיל געגעבן אין לעבן, ער האט אזוי סאך געהאלפן אזויפיל אידן איבער די וועלט, אז ס'איז ממש נישט מעגליך דאס אראפצוברענגען און איבערדערציילן, כל המוסיף גורע, וויפיל מ'וועט רעדן וועט קיינמאל נישט זיין גענוג. דעריבער איז דער עיקר צו רעדן פון די לימודים און די עצות פון מוהרא"ש, ווי אזוי מיר קענען זיך שטארקן אין זיי און דאס ווייטער פארשפרייטן, דאס זענען גרעסטע מופתים פון מוהרא"ש, און דאס איז וואס מיר דארפן חזר'ן כסדר. אזוי ווי רבי נתן האט געזאגט אויפ'ן רבי'ן, אז די עיקר מופתים וואס מ'האט געזען ביים רבי'ן איז געווען אז יעדער איד וואס איז געקומען צום רבי'ן, ער האט אויסגעהערט און גענומען די עצות פון רבי'ן, איז געווארן איבערגעדרייט צו א נייער מענטש, ער איז געווארן אן אמת'ער ערליכער איד. דאס איז אן אמת'ער רבי, דער וואס קען העלפן אידן, ער קען אין זיי אריינברענגען א ריינע אמונה, ער קען אין זיי אריינברענגען א שטארקייט און א פרישקייט זיך שטענדיג אויפצוהויבן און זיך שטארקן צו דינען דעם אייבערשטן. דער ראש ישיבה שליט"א האט ארויסגעברענגט וואס מוהרא"ש האט געטון ווען ער איז געווען א יונגער בחור'ל און ער האט געטראפן א ספר'ל פון הייליגן רבי'ן, און דאס האט אים געטוישט זיין לעבן, ס'האט אים געברענגט נאנט צום אייבערשטן, און דערפאר האט מוהרא"ש נישט געוואלט האלטן דעם סוד פאר זיך, האט ער גענומען פאר זיך א ציל אין לעבן, צו פארשפרייטן דעם הייליגן רבינ'ס ווערטער איבער די גאנצע וועלט. אין יענע צייטן איז דער נאמען פון רבי'ן נאך נישט געווען באקאנט בכלל פאר זייער אסאך אידן, און חפץ ה' בידו הצליח אז ער האט זוכה געווען אריינצוברענגען די עצות און לימודים פון רבי'ן אין די גאנצע וועלט. דאס איז אונזער פליכט ווייטער ממשיך צו זיין, יעדער האט זיך זיין וועג ווי אזוי ער קען איבערגעבן די לימודים ווייטער פאר נאך אידן, אויב דער אייבערשטער האט אונז געהאלפן און אונז געברענגט צום הייליגן רבי'ן, דארפן מיר דאס פארגינען אויך פאר נאך איינעם. נארישע מענטשן האבן מורא פון די "כאפערס", די געטרייע מפיצים וואס טראגן ארום און פארשפרייטן די הייליגע ספרים און קונטרסים. וואס וויל זיי דען? וואס שטייט אין די קונטרסים? די איינציגסטע זאך וואס די קונטרסים ברענגען ארויס איז דאך נאר צו מקרב זיין יעדן איד צום אייבערשטן, צו ווייזן פאר יעדן איינציגסטן מענטש אז ער האט נאך אויך א וועג מצליח צו זיין אויף דער וועלט, אז ער זאל קיינמאל נישט אויפגעבן נאר שטענדיג זיך אויפהויבן און זיך מחזק זיין, צו וויסן א וועג ווי אזוי מחנך צו זיין די קינדער, ווי אזוי צו האבן שלום בית, און נאך פילע גוטע עצות אין לעבן. ווען דער מפיץ קומט צום טיר מיט א קונטרס, איז ער נישט דא געקומען צו פארכאפן מענטשן קיין ברסלב, ער איז געקומען מזכה צו זיין אידן מיט חיזוק און אמונה, מיט עצות און הילף, מ'זאל ווייטער קענען אנגיין אין לעבן, נאר אויך ארייננעמען דעם אייבערשטן אין זייער לעבן. נאך די דרשה האט מען געבענטשט ברכת המזון, און דערנאך איז פארגעשטעלט געווארן א שיינע סלייד פרעזענטאציע איבער די גרויסקייט פון הפצה, מען האט געהערט ערשטהאנטיגע מעשיות פון פילע מפיצים ווי אזוי די הייליגע ספרים און קונטרסים זענען מחי' און מחזק אזויפיל טויזנטער אידישע קינדער איבער די גאנצע וועלט. דערנאך איז דער עולם זיך צוגאנגען מיט פרישע קבלות טובות זיך צו שטארקן ווייטער מיט די לימודים פון מוהרא"ש און ארויסהעלפן דאס פארשפרייטן איבער די וועלט. דער אייבערשטער זאל העלפן אז מיר זאלן טאקע זיך ווייטער האלטן אינאיינעם און ממשיך זיין צו דינען דעם אייבערשטן מיט שמחה אזוי ווי מוהרא"ש האט אונז געלערנט, ביז מיר וועלן שוין זוכה זיין צו די גאולה שלימה בב"א. לזכר עולם יהיה צדיק! בילדער
פארגאנגעם וואך איז הבחור החשוב ממזכי את הרבים (פון די רעדאקציע פון די "חיזוק יומי המתורגם") איציק מענדאלוויטש געווען געפארן קיין אייראפע צו מתפלל זיין אויף קברי צדיקים, דעם זונטאג מיטאג איז דער חשובער בחור געפארן אויפן וועג פארנדיג אין א טעקסי אויפן וועג ארויס פון ליזענסק ווי ער האט מתפלל געווען ביים הייליגן ציון פונעם רבין רבי אלימלך זי"ע, און איז זיך רואיג געשלאפן אויפן הונטערשטן זיץ, זייענדיג אויסגמוטשעט פון זיין לאנגע רייזע, ווען פלוצלינג האט דער קאר געכאפט א שרעקליכן גליטש אויף די אייז, און האט זיך אינגאנצן איבערגעדרייט, און איז אין איילעניש אריינגעפירט געווארן אין שפיטאל אין א שווערן מצב, און ביז יעצט האט ער זיך ליידער נאך אלץ נישט אויפגעוועקט. ברוך השם אז מען האט אים נעכטן נאכט אפגעפירט קיין ארץ ישראל וואו די דאקטוירים פראבירן אים צו ראטעווען. אידן ווערן געבעטן צו מתפלל זיין פאר יצחק בן אהובה שושנה. בילדער
היינט דינסטאג אווענט אור ליום י"ז שבט, ווען עס פאלט אויס די פערטע יארצייט פון מוהרא"ש ז"ל, וועלן זיך אנשי שלומינו צוזאם קומען אין ביהמ"ד היכל הקודש ברסלב וויליאמסבורג, אויף 27 סקילמאן סט. ווי מען וועט זיך וואשן צום יארצייט סעודה, און זיך מחזק זיין אינאיינעם צו גיין ווייטער אין זיינע וועגן, צו זיין גרייט אלעס אוועק צו געבן פון זיך אלעס אבי פאר נאך א איד זאל גיין גוט, נאך א איד זאל וויסן אז מען קען יא האבן שלום בית, נאך איינער זאל געוואר ווערן אז אויך ער קען לערנען כל התורה כולה. מען וועט זיך מחזק זיין אין דאס וואס ער האט געלייגט דער עיקר דגוש בחיים חיותו, אז מיר אלע זאלן זיך אנשטרענגען צו מפיץ זיין די תורה פון הייליגן רבין אויף די גאנצע וועלט. און בכלל מחזק זיין די מפיצים אויף אלע מיני אופנים וואס מיר קענען נאר. און מיטן אייבערשטענס הילף ווייטער גיין אין זיינע הייליגע וועגן, און לערנען זיינע הייליגע ספרים. דער ראש ישיבה שליט"א וועט בעז"ה אויפטרעטן מיט דברי חיזוק וואס מיר וועלן אלע מיטנעמען מיט זיך צו קענען אנגיין ווייטער, און דינען דעם אייבערשטן. תורתו מגן לנו הוא מאירת עינינו
דערנענטערנדיג זיך צו די יומא דהילולא קדישא פון כ"ק מרן מוהרא"ש זי"ע, דערקענט זיך גאר שטארק די התעוררות און התרגשות ביי אנשי שלומינו בפרט, און ביי אידן איבער די וועלט בכלל, צו דעם געהויבענעם טאג. מוהרא"ש פלעגט זאגן אז ביי די יומא דהילולא פון א צדיק, דעמאלט קומט ארויס און מען זעט וואס דער צדיק האט איבערגעלאזט פאר די וועלט, די לימודים און עצות וואס ער האט אויסגעלערנט וואס זענען ווייטער חי וקים און זענען ווייטער מחזק און מעורר אידישע קינדער און דערנענטערט זיי צום אייבערשטן. מיר ווייסן דאך זייער גוט וואס מוהרא"ש האט געטון פאר אונז אלע זיינע יארן, ווי אזוי ער האט אונז געשטארקט אין יעדן מצב און אונז מחזק געווען צו דינען דעם אייבערשטן ווי עס דארף צו זיין. און דעריבער איז דער טאג אזוי גרויס, ווען מען נעמט זיך צוזאם און מען חזר'ט איבער זיינע ווערטער, און מען איז ווייטער ממשיך צו גיין אין זיינע וועגן. פילע אנשי שלומינו פארן ארויס קיין ארץ ישראל, זיך צו משתטח צו זיין אויפ'ן ציון הקדוש אין יבניאל אינ'ם טאג פון די יארצייט, אנדערע אידן וועלן זיך צוזאמנעמען בכל מקומות מושבותיהם און איבער'חזר'ן דאס וואס מוהרא"ש האט אונז געלערנט אלע יארן, און די פילע ספרים וואס ער האט אונז איבערגעלאזט בירושה. דער אייבערשטער זאל העלפן מיר זאלן ווייטער ממשיך זיין זיך צו האלטן בדיבוק חברים און פאלגן וואס מוהרא"ש האט אונז געלערנט. אין וויליאמסבורג וועט מען זיך צוזאם קומען אי"ה צום יארצייט קומענדיגע וואך דינסטאג פרשת יתרו אין ביהמ"ד היכל הקודש ברסלב אויף 27 סקילמאן סט. אום 8:00 אווענט. ווי מען וועט זיך מחזק זיין צו גיין ווייטער אין די וועגן פון מוהרא"ש צו פארשפרייטן דעם רבינס עצות אויף די גאנצע וועלט, און אזוי ברענגען די גאנצע וועלט צום אייבערשטן. אנשי שלומינו וועלן אויך אויסנוצן דעם געהויבענעם טאג זיך אנצושטרענגען אויסצופירן דאס וואס מוהרא"ש האט געטון זיין גאנץ לעבן, צו דרוקן דעם רבינ'ס ספרים און עס פארשפרייטן איבער די וועלט, און אזוי אריינברענגען די הייליגע לימודים פון רבי'ן איבער די גאנצע וועלט. מ'וועט זיך משתתף זיין מיט שיינע סכומים ארויסצוהעלפן דעם בית הדפוס וואו מ'דרוקט די ספרים און קונטרסים. הוא ימליץ טוב בעדינו!
ווי באקאנט האט מוהרא"ש זי"ע געלייגט גאר א שטארקער דגוש אכטונג צו געבן אויף כשרות המאכלים, און דער ראש ישיבה שליט"א רעדט כסדר ארום ווי שטארק מ'דארף נזהר זיין אויף וואס מען נעמט אריין אין מויל. יעצט האט א תלמיד הישיבה געעפענט אן עסן געשעפט אין בארא פארק, און וועלנדיג זיכער זיין אז אלעס אויסגעהאלטן אויפן בעסטן וועג, האט ער זייער געבטן אז דער ראש ישיבה שליט"א זאל אים געבן א תעודת הכשר. דערפאר האט דער ראש ישיבה שליט"א געגרינדעט א "וועד הכשרות", וואס ווערט בעז"ה געפירט דורך די תלמדי חכמים רבני הכולל, וועלכע מאכן זיכער אז יעדע אינגרידיענט וואס קומט אריין אין די מאכלים איז אויסגעהאלטן בתכלית הכשרות למהדרין מן המהדרין. די משגיחים נעמען אלע הוראות און הדרכות פונעם ראש ישיבה שליט"א, וואס מאכט זיכער אז אלעס ווערט געפירט בעזהשי"ת על צד היותר טוב. "מי שנזהר ממאכלות-אסורות, הוא ניצול מחיות-רעות" (ספר המידות, אות אכילה)
מוצש"ק פרשת ויחי איז פארגעקומען א שיינע סיום אין שטוב פון מו"ה מרדכי היימליך הי"ו. דער שיעור פון א דף ירושלמי א טאג ווערט פארגעלערנט יעדן אינדערפרי דורכן ראש ישיבה שליט"א תיכף נאכן שיעור פון גמרא בבלי אין ביהמ"ד היכל הקודש ברסלב וויליאמסבורג, אויף 27 סקילמאן סט. דער שיעור ציעט א שיינע ציבור משתתפים וואס זענען זיך מחי' מיטן שיעור וואס ווערט פארגעלערענט דורכן ראש ישיבה שליט"א, וואס לערנט פאר די גמרא מיט א שטארקע קלארקייט, יעדן טאג גייט דער ראש ישיבה איבער דעם בלאט, צו זען עצות און חיזוק וואס מ'קען ארויסנעמען פון די דברי חז"ל הק' ע"פ די הקדמות פונעם הייליגן רבין לויט ווי מוהרא"ש ז"ל האט עס אונז איבערגעגעבן, מיטצונעמען אויפן גאנצן לעבן. מען האט זיך געוואשן צו א סעודת מלוה מלכה, און געזינגען זמירות, דערנאך האט דער ראש ישיבה מחזק געווען די יונגעלייט. דער ראש ישיבה האט זיך אויסגעדרוקט "א ישר כח קומט פאר די פרויען וואס זענען מסכים אליינס צו בלייבן אין שטוב זיך פארען מיט די קינדער, אבי דער מאן זאל גיין צום שיעור". "לימוד גמרא דארף זיין א חיוב פארן מענטש אזוי ווי לייגן תפילין" (עצתו אמונה, א' חוה"מ פסח תשע"ח, בשם החיד"א בשם 'שם הגדולים' מערכת ספרים, אות ת) בילדער דרשה פון ראש ישיבה (וועט נאכקומען בעז"ה)
א שיינער ציבור איז זיך צוזאם געקומען ליל עשרה בטבת אין ביהמ"ד היכל הקודש אין בלומינג גראוו, ווי מ'האט זיך געוואשן צו א סעודה, און געהערט התחזקות פון אנ"ש. קודם האט אויפגעטרעטן הרב יואל פארקאש שליט"א, גבאי ביהמ"ד היכל הקודש (העיס קט.), און ארויסגעברענגט אז דער ביהמ"ד האט זוכה געווען מער פון אלע בתי מדרשים פון היכל הקודש קרית יואל אז מען איז זיך צוזאם געקומען דא, ווייל דא קומען זיך צוזאם יעדן אוונעט אינגעלייט וואס ארבעטן שווער א גאנצן טאג און מען לערנט א דף גמרא. דאס איז עולה על הכל. דערנאך האט ער ארויסגעברענגט אז ב"ה אכשר דרא היינט שטעלט יעדע קהילה צו א סדר צו לערנען גמרא, אבער אז מען לייגט צו דערצו דעם רבינס סדר דרך הלימוד, קען עס האבן א קיום. ווייל א מענטש האט טירדות און מצבים וואס ער קען בשום אופן נישט זיך קאנצענטרירן. דארף ער וויסן אז ער דארף זאגן די ווערטער פון די הייליגע תורה. אויך האט ער ארויסגעברעגט די וויכטיגקייט פון פארשטיין די ווייב, וואס גייט אלץ איבער אויף איר. ווי עס ליגט א פליכט אויפן מאן זיי אויפצוהייבן און פרייליך מאכן. דערנאך האט ער פארציילט אביסל איבער רבי נתן'ס התקרבות, און ווי אלעס וואס איז אונז געבליבן פון הייליגן רבין איז נאר א דאנק רבי נתן. און האט ארויסגעברענט אז ער וואלט גרינג געקענט זיין א גרויסע רבי מיט חסידים וכו', אבער האט אלעס אוועקגעגעבן נאר אריינצוברענגען די התחזקות פון רבין אין נאך א איד. היינט - האט ער אויסגעפירט - מיט די הקדמות פון הייליגן רבין, ווי מוהרא"ש האט אונז אויסגעלערענט, קען יעדער איד און דארף יעדער איד זיין א משפיע און אריינברעגען דעם אור פון הייליגן רבין און אזוי מקרב זיין אידן צום אייבערשטן. נאכדעם האט גערעדט הרב יוסף פאנעט מחשובי אנ"ש, ער האט ארויסגעברענגט מיט זיין געשמאקע שפראך ווי מיר כאפן גארנישט וואס מיר באקומען פון היכל הקודש, בפרט האט ער ארויסגעברענגט דער שבח פון דעם בית המדרש, ווי איינער האט אים פארציילט אז ער איז אמאל אריינגעפאלן אין א שבת צופרי, און געהערט די שמועסן נאכן דאווענען פון איינפאכע אינגעלייט וואס ארבעטן א גאנצע וואך על המחיה, און אנשטאט רעדן פון געלט, פאליטיק, אדער נייעס, האבן זיי זיך מחזק געווען איינער דעם צווייטן. מ'האט זיך פארציילט מעשיות פון תפלה וכו', און ארויסגעברענגט אז מ'דערף בעטן אלעס דעם אייבערשטן און נאר דאס העלפט. און דאס איז אים געווען אזא חידוש, אז ער האט זיך געווינדערט צי ער געפינט זיך אין יארע 2018 אין אמעריקע און נישט אין אייראפע פאר צוויי הונדערט יאר צוריק צווישן די הייליגע תלמידי הבעל שם טוב זי"ע. דערנאך האט ער ארויסגעברענגט עטליכע נקודות. "התחזקות" - דאס גאנצע זאך פון רבי נתן זצ"ל איז געווען זיך מזחק צו זיין. "ליקוטי הלכות" - ווי מוהרא"ש זצ"ל פלעגט בעטן יעדעס יאר ביים יארצייט מ'זאל כאטש איין מאל אין לעבן דורכלערנען דעם הייליגן ספר ליקוטי הלכות. "מורה דרך" - כדי צו זיין אן ערליכער איד, מיז מען האבן אמונת חכמים, מען דארף האבן אן ערליכע איז וואס מ'פרעגט אים אלע ספקות און שאלות, ווייל דער טריק פון יצר הרע איז צו מאכן עבירות אויסזען ווי מצוות, און מ'קען זיך זייער נערן אויף דער וועלט. און ווי גרויס איז אונזער זכי' אז מיר האבן דעם ראש ישיבה, וואס איז זיך מוסר נפש אונז מחזק צו זיין און ווייטער איבערגעבן און מפיץ זיין וואס דער הייליגער רבי האט אונז געלערענט. דערנאך איז מען ארויס א ריקוד, און זיך געפריידט מיט דעם זכות וואס דער אייבישטער האט אונז געגעבן אז מיר זענען מקורב צו א אזא צדיק וואס פארשטייט אונז, און האט די עצות און חיזוק פאר אונזער דור. תורתו מגן לנו הוא מאירת עינינו בילדער
א גרויסע ציבור אנ"ש זענען זיך צוזאם געקומען אין ביהמ"ד היכל הקודש ברסלב וויליאמסבורג אויף 27 סקילמאן סט. מען האט זיך געוואשן צו א רייכע סעודה, וואס איז נתנדב געווארן דורך מו"ה חיים ווייס הי"ו. מען האט געהאט א גאסט פון ארץ ישראל הרה"ג רבי משה קורץ שליט"א גאב"ד יבניאל, וואס האט אויפגעטרעטן, בתוך דבריו האט ער ארויסגעברענגט אז אס געווען תלמידים פון הייליגן רבין וואס זענען געוואך סאך מער יארן ביים רבין, רבי נתן איז נאר געווען די לעצטע אכט יאר פון רבין, און וויאזוי האט דוקא ער אזוי מצליח געווען? נאר - האט ער נאכגעזאגט פון טולטשינער רב - אז ער האט נישט געזען א תלמיד זאל זיין אזוי איבערגעגעבן צו זיין רבין ווי רבי נתן, רבי נתן האט אמאל געזאגט "איך האב מיר אויסגעהוילט מיין שכל, יעדע ווארט וואס איך האב געהערט פון רבין איז געווען נאך א שטיק שכל", דערפאר - האט געזאגט דער רב פון יבנאל - דארפן מיר פאלגן די עצות פון הייליגן רבין, וועלן מיר אויך מצליח זיין. דער ראש ישיבה שליט"א האט דערנאך שטארק ארום גערעדט די גרויסקייט פון הפצה, רבי נתן'ס עיקר זאך איז געווען "הפצה", דערפאר דארף יעדער זען וויאזוי ער קען אויף זיין וועג טוון אין הפצה, צי בפועל, צי מיט געלט, און שטיצן די מפיצים אויף סיי וועלכע וועג. דערנאך האט מען זיך ארויסגעלאזט אין א פרייליכע רקידה. על ידי הפצת ספרי רבינו נביא את משיח צדיקנו בילדער דרשה
ווי יאר יערליך וועלן זיך אנשי שלומינו בעז"ה צוזאם קומען אין ביהמ"ד היכל הקודש ברסלב אין וויליאמסבורג אויף 27 סקילמאן סט. צו פראווען דעם יארצייט פון רבי נתן זצ"ל וואס פאלט אויס אום עשרה בטבת, ווי מען וועט זיך מחזק זיין מיט די עצות וואס דער בעל הילולא האט אונז איבערגעלאזט. אום 7:30 אווענט וועט מען זיך וואשן צום סעודה, און דערנאך וועט ראש ישיבה שליט"א וועט בעז"ה אויפטרעטן מיט שיינע דברי התחזקות וואס מיר קענען ארויסנעמען פונעם הייליגן רבי נתן אויף למעשה. דער רבי האט זיך אויסגעדרוקט אויף רבי נתן: "מען דארף דאנקען רבי נתן, ווייל ווען נישט אים וואלט נישט געבליבן פון מיר בלעטל שמות" (חיי מוהר"ן, סימן שע): א הערליכער בריוו פונעם ראש ישיבה שליט"א פאר איינער וואס פרעגט "ווער איז געווען רבי נתן זצ"ל?" דברות קודש פון מוהרא"ש זי"ע ביים יארצייט פון רבי נתן תשע"ג