Your app logo
Download the App
Open in app
Back
Search
Filter
  • Login
  • |
  • Register
Pidyon Nefesh ברסלב סענטער
Search Icon
  • ברסלב סענטער
  • לימודים
    • לוח השיעורים
  • נייעס
  • חיזוק
    • פראגעס
    • בריוון
    • מכתב יומי
    • ארטיקלען
  • אלבום'ס
    • בילדער
    • קליפּס
    • שיעורים
    • אודיאו שיעורים
    • היכל הנגינה
  • ספרים
  • סטאר
  • Search
  • רייכער "טעראפי" גליון גרייכט נומער הונדערט

    פון: גרשון קרעמער   אז מען עפנט היינט סיי וועלכע אויסגאבע אדער צייטונג, וועט מען זען אז די רוב אדווערטייזמענטס דרייען זיך ארום דריי זאכן: עסן, קליידער, און טעראפי. עסן און קליידער איז שוין דא א מארקעט דערויף זינט בריאת העולם, ווייל יעדער מענטש מוז דאך עסן און זיין אנגעטון. אבער דאס וואס עס טוט זיך היינט מיט "מענטל העלט", זעט אויס ווי א שטיק מיסטעריע. יעדער צווייטער קרעכצט: איינער זאגט אז ער ליידט אויף ענקזייעטי, דער צווייטער שרייט אז ער איז דעפרעסט, און א דריטער דרייט זיך ארום מיט פחדים וואס לאזן אים נישט שלאפן ביינאכט. מען לויפט פון איין טעראפיסט צום צווייטן, און ביי יעדע נייע טעראפיסט ווערט מען נאר מער און מער צומישט.   וואס גייט דא פאר? וואס איז געשען? ווער האט ריכטיגע און קלארע עצות? פונקט פאר דעם איז דא דער "טעראפי גליון". פאר די וואס האבן עס נאכנישט באגעגנט: מען רעדט דא פון א וועכנטליכן גליון וואס באשטייט פון צוויי זייטן מיט געקליבענע בריוו פונעם ספר "עצתו אמונה", וואס ווערט ארויסגעגעבן דורך מוסדות היכל הקודש ברסלב בנשיאות פונעם ראש ישיבה שליט"א. יעדע וואך ווערן אויסגעקליבן עטליכע בריוו פון אידן וואס האבן זיך געוואנדן צום ראש ישיבה מיט נפשיות'דיגע שווערקייטן, און דערביי ווערט געדרוקט די ווירקזאמע תשובה וואס דער ראש ישיבה האט זיי צוריקגעשריבן, אלעס געבויט אויף די ווערטער פון די הייליגע תורה, חז"ל, און אונזערע הייליגע רבי'ס.   אויפ'ן קעפל פונעם גליון ווערן אויסגערעכנט א טייל פון די ענינים וואס ווערן דארט כסדר באהאנדלט: שאלות וואס האבן א שייכות מיט ענקזייעטי, דיפרעסיע, פאביעס, עדיקשאנס, OCD, פאניק אטאקעס, סעלף קאנפידענס און נאך פילע נושאים וואס ווערן דארט הערליך אויסגעשמועסט. אבער דער וואס לערנט די גליונות יעדע וואך, טרעפט דארט אן א שיעור אנדערע טעמעס וואס באקומען א תירוץ און אן ענטפער, ווי למשל סעלף עסטיעם, כעס, דאגות, נאטורליכע היילונגען, שלאף פראבלעמען, פיער פרעשור, סטרעס, פארמאכטקייט און נאך פיל.   אין די תשובות רעדט דער ראש ישיבה צום ליינער ממש ווי א ליבליכער טאטע צו זיין קינד; ער גיבט פראקטישע עצות - ווי למשל וויאזוי זיך צו באפרייען פון קרעדיט קארד חובות, אדער וויאזוי אנצונעמען די עצות און רפואות פונעם דאקטאר - אלעס מיט'ן ציל צוריקצופירן דעם מענטש צום באשעפער, צו תפילה, צו התבודדות און צו שמחה. די עצות פונעם רבי'ן זענען די בעסטע טעראפי, וואס היילט אויס יעדן סארט ווייטאג און ברענגט דעם מענטש צו שלימות.   און דאס איז טאקע דער סוד פון די הצלחה פונעם גליון: א איד ליינט א בריוו פון א צווייטן איד און ער זעט אז עס זענען דא נאך מענטשן וואס גייען דורך די זעלבע שוועריקייטן וואס ער גייט דורך. ער זעט אז ס'איז דא אן עצה, ס'איז דא האפענונג, און דער אייבערשטער איז מיט אים.   יעדע וואך קומט ארויס א פרישע גליון, און ברוך השם אז מ'האלט שוין יעצט ביי דעם סימבאלישן נומער הונדערט! א געוואלדיגע יישר כח קומט זיך פאר אלע עוסקים במלאכת הקודש וואס ארבעטן שווער הינטער די קוליסן, זיי קלויבן אויס די בריוו, גרייטן עס צו און זעען צו אז די גליון זאל ארויסקומען יעדע וואך אין א שיינעם און קלארן פארמאט, כדי אנשי שלומינו זאלן האבן א פרישע געשמאקע "טעראפי" לכבוד שבת קודש.   מ'קען באקומען די גליון וועכנטליך אויף אימעיל דורך שיקן א טעקסט מיט אייער אימעיל אדרעס צו 347-651-1218, אדער דורך שיקן אן אימעיל צו trpy458@gmail.com. די גליונות קען מען אויך טרעפן אויף די "ברסלב סענטער" וועבסייט breslevcenter.com, אונטער די פעידזש פון "ספרים" / "גליונות לכבוד שבת".   הרופא לשבורי לב ומחבש לעצבותם!   פאר קאמענטארן אדער שאלות ביטע רופט אדער טעקסט 845-445-7447 אדער שיקט אן אימעיל צו askgershon@gmail.com.

    < זעה מער ז כסלו תשפ"ז 📝
  • די פאפולערע "ברסלב'ע ברידער" אפטיילונג אויף 'קול ברסלב' צייכנט אפ 200 רייכע שמועסן

    פון: גרשון קרעמער &nbsp; ווי ס'איז באקאנט פאר אלע אנשי שלומינו, ווערט יעדע וואך ארויפגעשטעלט אויף די 'קול ברסלב' אמונה ליין א הערליכע שמועס וואס טראגט דעם נאמען "ברסלב'ע ברידער". דאס איז א שמועס מיט די צוויי וועבערמאן ברידער, מו"ה יואל הי"ו און מו"ה אברהם הערש הי"ו. די שמועסן קען מען הערן דורך אריינרופן אין די 'קול ברסלב' אמונה ליין אויפן נומער 212-444-9191, דרוקט 1, דערנאך 4, און דערנאך 5 פאר די "ברסלב'ע ברידער" אפטיילונג. &nbsp; דורכאויס די שמועסן גייט מען אדורך די נייעס פון אינערהאלב די קהילה, נייעס ארום די וועלט, און נאך פילע אינטערעסאנטע ענינים. אפטמאל ברענגט מען ארויף פארשידענע אינגעלייט וואס טיילן מיט נייעס און איבערלעבענישן וואס זיי האבן מיטגעהאלטן ביי געוויסע מעמדים וכדומה, ווי אויך בחורי הישיבה וואס דערציילן איבער די וואך אין ישיבה. &nbsp; יעצט צייכנט מען אפ פיר יאר זינט מ'האט אנגעהויבן די שמועסן, און גלייכצייטיג האט מען בסייעתא דשמיא דערגרייכט דעם צוויי הונדערטסטן שמועס בלי עין הרע. דאס זענען צוויי הונדערט רייכע שמועסן, געפאקט מיט תוכן און גוטע אינפארמאציע, וואס אנשי שלומינו האבן שטארק הנאה דערפון יעדע איינציגע וואך. &nbsp; במשך די אלע יארן זינט מ'האט אנגעהויבן מיט די שמועסן, זענען שוין פילע אנשי שלומינו ארויפגעקומען אויפ'ן ליין איבערצוגעבן אינטערעסאנטע נייעסלעך און קרישקעלעך. אזוי אויך האט מען דורכאויס די יארן ארויפגעברענגט פילע בחורי הישיבה (וואס זענען שוין היינט אינגעלייט), וועלכע האבן שיין אראפגעמאלן וואס עס טוט זיך אפ אינערהאלב די ישיבה במשך די וואך, וואס עס קומט אלץ פאר דארט, שיחות וואס דער ראש ישיבה גיט איבער פאר די בחורים, און אזוי ווייטער. &nbsp; מיט א שטיק צייט צוריק פלעגט מען כסדר ארויפברענגען אונזער חשוב'ן חבר הנהלה מו"ה מנחם שטיינבערג הי"ו, וועלכער פלעגט איבערגעבן די נייעס און אפדעיטס פון די קהילה, ביז ער האט באקומען אן אייגענעם קנעפל אויף 'קול ברסלב', וואו ער באריכטעט מיט א געוואלדיגן געשמאק וואס עס טוט זיך אפ אין די הנהלה קארידארן, אינאיינעם מיט זיין שותף לדבר מצוה מו"ה שמעון עוזר גרינפעלד הי"ו. &nbsp; אזוי אויך פלעגט אונזער חבר מו"ה יקותיאל פעלדמאן הי"ו איבערגעבן די וועלטליכע נייעס אויף דעם דאזיגן קנעפל, וואס האט שפעטער באקומען א באזונדערן שמועס, וואו ער פארציילט די נייעס אינאיינעם מיט מו"ה יואל טייטלבוים הי"ו. &nbsp; אנשי שלומינו זענען באמת דאנקבאר פאר די דאזיגע חשוב'ע אינגעלייט וואס טוען אזא געוואלדיגע ארבעט וואך נאך וואך. ווי אסאך זאגן עדות, האט דאס שוין גאר אסאך אויפגעטון פאר זיי; מענטשן אליין פארציילן אז דייקא די פשוט'ע שמועסן האבן ביי זיי אריינגעברענגט א חשק צו פרובירן די זיסע עצות און אויסהערן די שיעורים פונעם ראש ישיבה שליט"א. &nbsp; עס זענען דא וואס האבן געזאגט, אז אנפאנג איז זיי געווען שווער אויסצוהערן דירעקט די דרשות פונעם ראש ישיבה שליט"א צוליב די ליצנות וואס זיי האבן געהערט, און זיי האבן נאר געקענט הערן די דאזיגע שמועסן. אבער די שמועסן האבן זיי מיט דער צייט צוגעברענגט דערצו אז זיי זאלן אויך קענען אנהייבן צו הערן די דרשות פונעם ראש ישיבה שליט"א. &nbsp; יעצט אז מ'האלט ביי אזא צייט, איז פשוט דער ריכטיגער זמן צו דאנקען דעם אייבערשטן אז מ'איז אנגעקומען ביז אהער, און &nbsp; מיר בעטן ווייטער פונעם אויבערשטן מיר זאלן קענען ממשיך זיין ווייטער און ווייטער, צו ברענגען גוטע, רייכע און תוכן'דיגע שמועסן פאר אונזערע חשוב'ע אנשי שלומינו. &nbsp; עס איז טאקע א פאסיגע געלעגנהייט צו לאזן וויסן פארן עולם, אז מ'קען שטענדיג אריינשיקן הערות און הגהות וויאזוי מ'קען פארבעסערן די שמועסן מיט פרישע און גוטע געדאנקען, כדי מהנה צו זיין אלע חשוב'ע אנשי שלומינו, דורך אריינרופן צום "ברסלב'ער ברודער" אויפן נומער: 845-379-1161. &nbsp; פאר קאמענטארן אדער שאלות ביטע רופט אדער טעקסט 845-445-7447 אדער שיקט אן אימעיל צו askgershon@gmail.com.

    < זעה מער ה כסלו תשפ"ז 📝
  • יום שכולו תורה: א געהויבענער טאג מיט'ן ראש ישיבה פאר די "עמודי עולם"

    פון: גרשון קרעמער &nbsp; וויאזוי קוקט אויס דער סדר היום פון א כולל אינגערמאן וואס זיצט און הארעוועט על התורה ועל העבודה פון אינדערפרי ביז ביינאכט? די הנהלת הכולל גייט יעצט געבן א זעלטענע געלעגנהייט פאר די חשוב'ע תומכים פון כולל היכל הקודש דאס מיטצולעבן בעז"ה מיט די אייגענע אויגן. &nbsp; קומענדיגן זונטאג פרשת ויצא הבעל"ט, וועט די הנהלה צושטעלן אינעם "מלון ארמון" א ספעציעלן "יום שכולו תורה" &ndash; אלס א געלעגנהייט ארויסצואווייזן הכרת הטוב פאר די אלע חשוב'ע נדיבים וואס האבן זיך אונטערגענומען א "פרנס החודש" פארן כולל היכל הקודש און האבן אפגעקויפט דעם זכות פון "עמודי עולם" פארן קומענדיגן יאר תשפ"ו. מען וועט האבן די זכיה צו פארברענגען א גאנצן טאג אינאיינעם מיט'ן ראש ישיבה שליט"א און מיט די טייערע כולל אינגעלייט. עס וועט זיין א טאג וואס די תומכי הכולל וועלן זיך קענען פונדערנאענט באקענען מיט די לומדים און די רבני הכולל, און אינאיינעם פארברענגען אין א געשמאקע און געהויבענע אטמאספער. &nbsp; עס זענען באקאנט פארשידענע "יום שכולו תורה" טעג וואס פארשידענע ארגאניזאציעס מאכן מיט גרויסע פראגראמען און זינגערס; אבער די הנהלת הכולל שטעלט דאס צו ספעציעל פאר אונזערע אנשי שלומינו, חסידי ברסלב, וועמענס גרעסטע הנאה און תענוג איז צו קענען פארברענגען במחיצת מיט'ן פונעם ראש ישיבה שליט"א. &nbsp; דער געדאנק האט זיך אנגעהויבן וועבן פאַרגאַנגענעם זומער אין שטעטל, ווען איינער פון די גבאים איז עטליכע מאל אריינגעקומען אין כולל אינמיטן טאג. איין מאל ארום מיטאג-צייט האט ער צוגעזען א געוואלדיגע הלכה'דיגע קאכעניש צווישן די יונגעלייט; דער גאנצער בית המדרש האט געקאכט און געלעבט מיט א תורה'דיגע פייער פאר איבער א האלבע שעה, ווען מען האט דורכגעטון די שאלה: אויב איינער האט חלילה געגעסן אן איסור וואס האט געהאט א הכשר, ווער איז מחויב &ndash; דער בעל מכשיר, אדער דער וואס האט עס געגעסן? &nbsp; דער ראש ישיבה איז פונקט דעמאלט ארויפגעגאנגען צו זיך אינדערהיים, און הערנדיג די קולות פון אונטן האט ער געהאט גאר גרויס הנאה און זיך אנגערופן: "איך מוז צוריק אראפגיין!" &nbsp; דא איז געבוירן געווארן דער געדאנק: מען זאל געבן א געלעגנהייט פאר די תומכים צו שפירן און זען די וועלט פון א כולל יונגערמאן וואס זיצט און הארעוועט פון אינדערפרי ביז ביינאכט ביינאכט, אנשטאט צו גיין ארבעטן און מאכן געלט &ndash; זיי זאלן זען מיט די אייגענע אויגן וואס דאס איז די הייליגע זאך וואס זיי שטיצן. &nbsp; ווען מען האט פארגעלייגט דעם פלאן פארן ראש ישיבה, האט ער געהאט גאר שטארק הנאה פונעם געדאנק און עס שטארק צוגעשטופט מען זאל עס אויספירן. &nbsp; דער סדר היום וועט זיין בערך אזוי (די פונקטליכע דעטאלן קענען זיך נאך טוישן): דער טאג וועט זיך אנהייבן ארום 10:00 אינדערפרי מיט א שיעור אין א דף גמרא מיט'ן ראש ישיבה שליט"א. אום 11:00 וועט מען דאווענען שחרית, און נאכדעם וועט סערווירט ווערן א רייכע פרישטאג. &nbsp; דער הויכפונקט פונעם טאג וועט זיין אום 1:00 נאכמיטאג, ווען מען וועט לערנען א סימן אין שולחן ערוך אינאיינעם מיט די יונגעלייט פונעם כולל, פונקט ווי א טאג אין כולל. דער דיין וועט געבן אן אריינפיר מיט א הלכה וואס איז שטארק נוגע למעשה, בפרט פאר מענטשן וואס זענען עוסק אין קאנסטראקשן אדער פאר די וואס האבן ארבעטער, און נאכ'ן לערנען וועט ער ארויספירן דעם פסק הלכה. &nbsp; אום 3:00 וועט פארקומען א ספעציעלע האלב-שעה'דיגע פראגראם וואס וועט ארייננעמען א פאנעל און א סורפרייז. אום 3:30 וועט מען דאווענען מנחה, און דערנאך וועט מען ווייטער לערנען א שיעור אין משנה ברורה. דער טאג וועט זיך ענדיגן מיט א ברייטע און רייכע סעודה פריוואט פאר די תומכים. &nbsp; די סעודה וועט זיין אינעם באקאנטן געשמאקן סטיל פון די סעודות ראש חודש וואס דער כולל שטעלט צו, נאר מיט נאך א שיינעם סורפרייז אינאיינעם מיט'ן ראש ישיבה. לויט'ן ספעציעלן פארלאנג פונעם ראש ישיבה וועט מען ענדיגן פרי: דער טאג וועט זיך שלוסן בערך זיבן אזייגער, כדי יעדער זאל שוין קענען זיין אינדערהיים ארום ניין אזייגער. &nbsp; ווער עס האט נאך נישט מסדר געווען זיין זכות, קען זיך נאך מיטכאפן &ndash; אבער מען דארף זיך מעלדן באצייטנס כדי מען זאל קענען באשטעלן דאס עסן. די גבאים זענען גרייט אויסצוארבעטן א פערזענליכן פלאן פאר יעדן איינעם, אזוי אז ער זאל קענען זיין א "פרנס החודש" פאר'ן כולל. &nbsp; דער ראש ישיבה זאגט, אז דער כולל איז די ערשטע און וויכטיגסטע צדקה; דאס איז דער ענין פון א שותפות "יששכר וזבולון" &ndash; איינער גייט ארויס ארבעטן פאר פרנסה און ער האלט אויס דעם חבר וואס זיצט און לערנט. אזוי ווי דער רמ"א פסק'נט להלכה (יורה דעה סימן רמ"ו, א'): "ויכול אדם להתנות עם חבירו שהוא יעסוק בתורה והוא ימציא לו פרנסה ויחלוק עמו בשכר", אז דער זבולון באקומט א פולן חלק אין דעם לימוד התורה. &nbsp; און ווי גוט וועט מען זיך פילן &ndash; ווי דער ראש ישיבה פירט אויס &ndash; ווען אין עטליכע יאר ארום וועלן בעז"ה זיין פרישע דיינים ביי אונז אין שטעטל, און דאס אלעס וועט זיין אין אייער זכות; דאס זענען די פירות פון דעם וואס מיר שטיצן היינט די חשוב'ע כולל יונגעלייט. &nbsp; זיך משתתף צו זיין, פארבינדט אייך מיט די גבאי הכולל: יוסף זינגער &ndash; 347.764.2979 אדער משה ארי' שניצלער &ndash; 347.585.6166. &nbsp; פאר קאמענטארן אדער שאלות ביטע רופט אדער טעקסט 845-445-7447 אדער שיקט אן אימעיל צו askgershon@gmail.com. &nbsp;

    < זעה מער ל חשון תשפ"ז 📝
  • היכל הקודש לינדען פייערט דריי יאר זינט איר גרינדונג

    פון: גרשון קרעמער &nbsp; אין די יעצטיגע טעג צייכנט מען אפ מיט פרייד דריי יאר זינט עס איז געעפנט געווארן דאס שיינע און הערליכע בית המדרש "היכל הקודש ברסלב" אין די שטאט לינדען, אונטער די נשיאות פון מרן ראש הישיבה שליט"א. &nbsp; דער דאזיגער ווינקל צייכנט זיך אויס אלס א הערליך ארט פאר תורה און תפילה, און ספעציעל אלס א מקור פון חיזוק פאר אנשי שלומינו און פאר די גאנצע שטאט, וואו מען קען שעפן פונעם קוואל וואס דער הייליגער רבי האט אונז איבערגעלאזט אין זיינע הייליגע ספרים &ndash; די לימודים וואס מוהרא"ש זי"ע האט מיט אונז געלערנט, און וואס דער ראש ישיבה האלט אין איין חזר'ן מיט אונז; די שיעורים און דער חיזוק וואס ווערן געלערנט דא ביי אונז אין חדר היכל הקודש. &nbsp; די שטאט לינדען האט זיך אנגעהויבן אנטוויקלען אין יאר תשע"ט, ווען עטליכע משפחות האבן זיך אהינגעצויגן תחת דגלו פון כ"ק אדמו"ר מקאסאן שליט"א. אבער בליץ-שנעל האט זיך דאס פלאץ צעשפרייט, און עס איז געווארן א ציל פאר אידן וואס זוכן צו קויפן ביליגערע דירות און נישט דארפן צאלן די געשוואלענע פרייזן פון שטאט. &nbsp; עטליכע פון אנשי שלומינו זענען אויך געווען צווישן די וואס האבן זיך אהינגעצויגן, און נאך גאר אסאך תפילות האט מען ב"ה זוכה געווען צו עפענען אינעם יאר תשפ"ד דעם הערליכן בית המדרש "היכל הקודש". דער ראש ישיבה האט דעמאלטס אוועקגעשטעלט צוויי געטרייע גבאים, מו"ה יודל איינהארן הי"ו און מו"ה אליעזר זוסיא ווערטהיימער הי"ו, וועלכע זענען באאויפטראגט געווארן צו נעמען אחריות אויפן בית המדרש, צו פארזיכערן אז יעדער איינער שפירט זיך דארט באקוועם און אז דער בית המדרש איז צוגעשטעלט מיט אלע נויטיגע הצטרכות'ער. &nbsp; שוין אין די ערשטע וואך איז דער ראש ישיבה טאקע אריבערגעקומען פראווען א שיינע חנוכת הבית; ער האט קובע געווען א מזוזה און געגעבן דעם ליל שישי שיעור פרשת וירא תשפ"ד. דער ראש ישיבה האט דאן אויסגעדריקט זיין קענטיגע הנאה און א געוואלדיגע קורת רוח פונעם שיינעם שטיבל, באמערקנדיג אז ס'איז טאקע קליין בכמות אבער גאר שיין באיכות. ער האט באזונדער ארויסגעהויבן די שיינקייט דערפון אז דאס איז א "בית המדרש פון מלמדים", ארויסברענגענדיג אז א גרויסער חלק פון די חשוב'ע מתפללים זענען מרביצי תורה און כלי קודש וואס לערנען מיט קינדער די הייליגע תורה אויפן וועג וואס דער ראש ישיבה לערנט אונז כסדר: אריינצולייגן אין זיי א ליבשאפט צו אידישקייט און א ליבשאפט צו תורה, כדי זיי זאלן וועלן בלייבן ערליכע אידן אפילו ווען זיי ווערן עלטער. &nbsp; אין אנהייב איז עס געגאנגען זייער שווער צו קענען צוזאמענשטעלן א מנין. די געטרייע גבאים האבן זיך ממש מוסר נפש געווען דאס אויסצופירן, זיי פלעגן שטיין אינדרויסן ווארטן &mdash; אמאל אין די ביטערע קעלט און אמאל אין די ברענעדיגע היצן &mdash; און נישט איינמאל האבן זיי נעבעך געכאפט גוטע בזיונות. אבער גארנישט אויף דער וועלט האט זיי נישט געקענט אפשטעלן, און מיט אן אמת'ע מסירות נפש האבן זיי בסייעתא דשמיא אויפגעשטעלט דעם מנין על תלו. &nbsp; ברוך השם, היינט צו טאגס האט זיך דער מנין שטארק אויסגעברייטערט, און עס זענען צוגעקומען פילע נייע מתפללים וואס קומען זיך מחיה זיין מיט'ן רבינ'ס הייליגע דיבורים און עצות, און שעפן פרישע כוחות פון די חיזוק פון מוהרא"ש זי"ע און פונעם ראש ישיבה שליט"א. &nbsp; דער בית המדרש איז געווארן א ריכטיגע תל תלפיות און א מקור פון חיות פאר די גאנצע שטאט. יעדע וואך קומען אן אהין די באקאנטע "עצתו אמונה" די בלעטל, צוזאמען מיט נאך צענדליגער אנדערע גליונות וואס ווערן פון דארט פארשפרייט ווייטער אין אלע בתי מדרשים, כדי יעדער איינער אין לינדען זאל קענען געניסן פון די שיינע חיזוק &mdash; פונקט ווי דער רבי האט אונז געבעטן, אז מיר זאלן אנטרינקען ביימער. &nbsp; מ'זעט א שטארקע חיבה יתירה פונעם ראש ישיבה שליט"א צום פלאץ, ווען ער מאכט זיכער יעדעס יאר פערזענליך צו קומען באזוכן דעם בית המדרש און אויפטרעטן מיט א שיעור. די שיעורים וואס ווערן דארט פארגעלערנט פארמאגן א גאר באזונדערן חן. &nbsp; דער ראש ישיבה שליט"א האט זיך אמאל אויסגעדרוקט, אז ווען ער רעדט דא אינעם בית המדרש דערמאנט עס אים וויאזוי היכל הקודש האט זיך אנגעהויבן אין א קליינעם בית המדרש. ער האט אנגעוויזן אז דער ערשטער בית המדרש היכל הקודש אין וויליאמסבורג וואס מ'האט געדינגען, איז געווען נאך קלענער פונעם בית המדרש היכל הקודש אין לינדען; אבער ברוך השם היינט איז עס שוין צעוואקסן צו גרויסע קהילות און מוסדות אין אלע אידישע שטעט, און בעזרת השם וועט פון דא אויך ארויסוואקסן אסאך שיינע זאכן. &nbsp; אבער אזוי ווי דער רבי האט אונז געלערנט אז מיר זאלן נישט האלטן די לימודים בלויז פאר זיך, נאר מ'זאל עס איבערגעבן פאר די גאנצע משפחה, פאר די עזרת נשים און פאר די קינדער, שטעלט דער בית המדרש צו יעדע וואך א שיעור פאר די פרויען. די פרויען קומען זיך צוזאם אינעם בית המדרש יעדן דינסטאג און הערן א שיינעם שיעור וואס ווערט געלערנט דורכן ראש ישיבה שליט"א. &nbsp; עס איז א הערליכע מחזה צו זען יעדע וואך ביי שלש סעודות, ווי א שיינע גרופע קינדער זיצן צנאזאמען און הערן אויס שיינע מעשיות, בזמן וואס די עלטערן זיצן אינעווייניג אין בית המדרש, מ'זינגט זמירות און מ'הערט די דברי תורה. דאס ווערט אנגעפירט דורך הילד החשוב יוסף יהושע ווערטהיימער נ"י, וועלכער גרייט זיך אן במשך די גאנצע וואך שיינע זאכן וואס ער שטעלט צו יעדע וואך פאר די קינדער. דאס אלעס גייט אין איינקלאנג מיט דעם וואס דער ראש ישיבה לערנט אונז שטענדיג, אז א בית המדרש איז נישט קיין "בעיבי-סיטינג" פלאץ, און זיכער נישט קיין ארט וואו קינדער קענען זיך דרייען אן קיין אחריות; נאר די עלטערן ווייסן אז די קינדער זיצן מסודר אין בית המדרש און הערן שיינע מעשיות. &nbsp; ס'איז א געוואלדיגע קורת רוח צו זען, ווען מ'האלט שוין יארן נאך די פטירה פון מוהרא"ש זי"ע, וויאזוי דער עלטערער דור געבט איבער זכרונות פון אמאל, ווען מוהרא"ש אליין פלעגט זיך נאך מוטשענען פאר א מנין אויף די 42'סטע גאס; ער האט דעמאלטס קוים געהאט א מנין צאמצושטעלן, און עס איז געווען בלויז א שטילע ווינקל. &nbsp; אבער מ'זעט וויאזוי זאכן האבן זיך היינט צוטאגס צעבליט און נתרבה געווארן, אפילו אין אזעלכע נייע שטעט ווי לינדען, וואס האט זיך הערשט אנטוויגלט יארן נאכדעם וואס מוהרא"ש זי"ע איז נסתלק געווארן. היינט צוטאגס געפינט זיך שוין דארט א הערליכע בית המדרש "היכל הקודש" וואס איז גערופן אויף זיין נאמען, וואו מ'חזר'ט כסדר די לימודים וואס מוהרא"ש זי"ע האט אריינגעברענגט אין די וועלט מיט א געוואלדיגע מסירות נפש. פון דעם אלעם זעט מען קלאר דעם כח פון צדיקים. &nbsp; אמאל קען עס אויסזען ווי א שטיק חוזק אדער ווי מ'טוט גארנישט אויף, אבער מיט די יארן זעט מען ווי אלע בריוו וואס מוהרא"ש זי"ע האט געשריבן, אינאיינעם מיט זיינע הייליגע דיבורים, גייען אריין אין די וועלט. עס וואקסט און שטייגט אויף א מאסיוון פארנעם, און צענדליגער יונגעלייט ווערן היינט נתקרב טאקע דורך די דאזיגע דיבורים. &nbsp; ס'איז וויכטיג ארויסצוברענגען אז דאס איז טאקע געווען דער רצון פון מוהרא"ש זי"ע, וואס ער האט געשריבן אין זיין צוואה אז יעדער איינער זאל זיך משתדל זיין צו עפענען א בית המדרש "היכל הקודש" אין די שטאט וואו ער וואוינט. ברוך השם מ'זעט היינט ווי די תלמידים פאלגן טאקע אויס, און עס ווערט מקוים זיין הייליג ווארט: "ניצחתי ואנצח, גמרתי ואגמור". &nbsp; פאר קאמענטארן אדער שאלות ביטע רופט אדער טעקסט 845-445-7447 אדער שיקט אן אימעיל צו askgershon@gmail.com.

    < זעה מער כג חשון תשפ"ז 📝
  • אברכי כולל קרית ברסלב פארהערן זיך הלכות בשר וחלב

    ווי יעדער אין שטעטל האלט מיט, זיצן אן ערך פון צוואנציג חשוב'ע אינגעלייט אין אונזער הייליגן כולל "היכל הקודש" קרית ברסלב, וואו מען לערנט דורך פארשידענע מקצועות איינס נאכן צווייטן מיט א געוואלדיגע התמדה. &nbsp; פאר ראש השנה תשפ"ו, האבן זיך די אינגעלייט פארהערט גאנץ הלכות שבת ביי עטליכע גדולי הרבנים. די רבנים האבן דערנאך געשריבן פאר יעדן אינגערמאן באזונדער גאר שיינע בריוו, וואו זיי האבן אויסגעדריקט זייער גרויסע התפעלות זעענדיג ווי די אינגעלייט קענען הלכות שבת ישר והפוך; אלע הלכות זענען ביי זיי קלאר און ליגן ביי זיי "כמונח בקופסא". &nbsp; נאך הלכות שבת איז מען אריבער צום קומענדיגן מקצוע, הלכות בשר וחלב. מען האט דאס אדורכגעאקערט פאר א שטיק צייט אהין און צוריק, אנגעהויבן פון די גמרא ביזן הלכה למעשה, ביז מען איז שוין ברוך השם געווען גרייט פאר א פארהער. &nbsp; דאנערשטאג פרשת נצבים-וילך, פאר ראש השנה, זענען די חשוב'ע כולל אינגעלייט טאקע אריבער זיך פארהערן ביי א גאר חשוב'ן דיין, הרה"ג ר' אברהם וויינגארטן שליט"א, ראש הכולל "חלקת דוד" אין מאנסי. &nbsp; דער חשוב'ער דיין שליט"א האט שטארק באוואונדערט די קלארקייט וואס די אינגעלייט האבן ארויסגעוויזן אינעם גאנצן מקצוע. מען זעט קלאר אז זיי האבן דאס גוט דורכגעלערנט און זענען נישט סתם געזעסן אויפן כולל באנק צו שטופן די צייט, נאר זיי לערנען אינעם כולל ווייל דאס האבן זיי אויסגעקליבן מרצונם הטוב, וועלנדיג אויסניצן די טעג מיט לערנען די הייליגע תורה, אז די תורה זאל זיין זייער גאנצע אומנות. &nbsp; דעם קומענדיגן זונטאג, עשרת ימי תשובה, זענען די חשוב'ע אינגעלייט אריבערגעפארן קיין בארא פארק זיך צו פארהערן אויף די געלערנטע סוגיות ביים בארימטן סקווירא דיין, הרה"ג ר' מיכל שטיינמעץ שליט"א. &nbsp; שמועסנדיג מיט איינעם פון די חשוב'ע אינגעלייט אין כולל, הרה"ח ר' לוי יצחק האראוויץ שליט"א, האט ער אונז איבערגעגעבן דעם סדר וויאזוי די פארהערן זענען צוגעגאנגען: "עס ווענדט זיך וועלכע פארהער," זאגט ער. "ביים ערשטן פארהער ביי הרה"ג ר' אברהם וויינגארטן שליט"א האט ער האט געשטעלט עטליכע שאלות פאר יעדן אינגערמאן באזונדער. אבער ביים סקווירא דיין, הרה"ג ר' מיכל שטיינמעץ שליט"א, איז דער פארהער געווען פארן גאנצן עולם אינאיינעם, און ווער עס האט געוואלט האט געענטפערט." &nbsp; ער פירט אויס: "נאכן פארהער האבן די רבנים איבערגעגעבן א שיינעם 'כתב' פאר די בני הכולל, וואו זיי שרייבן אז מען איז ב"ה אויסגעצייכנט אין דעם מקצוע. אויך אונזער חשוב'ער דיין און ראש הכולל שליט"א האט צוגעגעבן א שיינעם צעטל. יעצט, נאכן מצליח זיין און ענדיגן לערנען הלכות בשר וחלב, גרייט מען זיך שוין מיט פרישע כוחות אנצוהויבן לערנען הלכות תערובות." &nbsp; דער אייבערשטער זאל העלפן אז די חשוב'ע אינגעלייט זאלן ווייטער שטייגן און מצליח זיין אין זייער תורה ועבודה, און מיר זאלן אלע קענען אנהאלטן אונזערע שיעורים כסדרן יעדן טאג; זאל אונז די הייליגע תורה באשיצן פון אלע שוועריקייטן וואס קומען נאר אונטער. &nbsp; ותלמוד תורה כנגד כולם! &nbsp; פאר קאמענטארן אדער שאלות ביטע רופט אדער טעקסט 845-445-7447 אדער שיקט אן אימעיל צו askgershon@gmail.com. &nbsp;

    < זעה מער טז חשון תשפ"ז 📝
  • א הערליכער מעמד סיום הש"ס אין היכל הקודש ברסלב - פרעמישלאן

    פון: גרשון קרעמער &nbsp; א ספעציעלע שמחה האט געהערשט דעם פארגאנגענעם שבת קודש אין ביהמ"ד היכל הקודש ברסלב (פרעמישלאן וועי) אינעם עצי תמרים געגנט, ווען ביי שלש סעודות האט איינער פון די חשוב'ע מתפללים, מו"ה שרגא לעבאוויטש הי"ו &ndash; מחשובי אנשי שלומינו אין קרית יואל &ndash; געפראוועט א סיום הש"ס. &nbsp; עס איז געווען א טאפלטע שמחה אינעם בית המדרש, ווען אויסער דעם סיום הש"ס איז אויך פארגעקומען ביי שלש סעודות די שמחת השבע ברכות פונעם חשוב'ן מחותן מו"ה יצחק יונה זאבעל הי"ו &ndash; וואס די לייענער קענען אים אפשר בעסער מיט'ן נאמען "גרשון קרעמער" &ndash; אינאיינעם מיט זיין מחותן מו"ה חיים הערש לעווי הי"ו. &nbsp; דער גבאי פונעם בית המדרש, הר"ר יואל טייטלבוים שליט"א, האט אויפגעטרעטן מיט פאסיגע דיבורים ביי שלש סעודות לכבוד די גרויסע שמחה פונעם סיום הש"ס און לכבוד די שמחת חתן וכלה. ביי ברכת המזון האט מען מכבד געווען דעם מסיים מו"ה שרגא מיט אלע שבע ברכות לכבוד התורה. נאכ'ן בענטשן איז דער עולם ארויס אין פרייליכע ריקודין לכבוד דעם גרויסן סיום און לכבוד די שבע ברכות. &nbsp; דער מסיים ר' שרגא האט אנגעהויבן לערנען ש"ס בערך צוויי יאר צוריק; ער האט זיך ארויפגעזעצט אויף די "ש"ס באן" און איז מיטגעפארן בלאט נאך בלאט, טאג נאך טאג, אן קיין טומל. צוביסלעך צוביסלעך האט ער זיך דערזען אז מ'האט געענדיגט גאנץ ש"ס! &nbsp; דער הייליגער רבי ז"ל האט שטארק מחזק געווען אנשי שלומינו מ'זאל לערנען אסאך און לערנען כסדרן. דער רבי האט געוואלט מ'זאל גיין ווייטער אפילו אויב מ'פארשטייט נישט, זאגנדיג אז ווער עס לערנט אזוי, וועט אנקומען צו גאר אסאך אין א קורצע צייט. &nbsp; מ'דארף נישט קיין שום ראיות דערויף; מ'זעט דאך אז א סיום הש"ס אין היכל הקודש איז נישט קיין זעלטנהייט. ברוך השם, מ'הערט כסדר פון נאך א אינגערמאן און נאך א בחור וואס ענדיגן ש"ס, ס'איז ב"ה ממש נישט קיין נייעס. אבער מיט דעם אלעם איז עס וויכטיג צו באריכטן, ווייל אפשר וועט זיך נאך א איד וואס לייענט די שורות אויפוועקן און דאס נאכמאכן, און אויך זוכה זיין מסיים צו זיין ש"ס. &nbsp; טייערע לייענער, די באן פארט ווייטער. ס'איז נאכנישט צו שפעט, מ'קען זיך נאך מיטכאפן. קום ארויף, כאפ דיך מיט! אויב וועסטו לערנען יעדן טאג א בלאט, וועסטו זיך אליין נישט גלייבן אין א פאר יאר ארום ווי ווייט דו ביסט אנגעקומען. &nbsp; מיר ווינטשן א הארציגן מזל טוב פאר די בעלי שמחה און זייערע משפחות: פאר ר' שרגא הי"ו, ער זאל זוכה זיין אז זיין קשר מיט די תורה זאל זיין א קשר של קיימא; און פאר די חשוב'ע מחותנים, ר' יצחק יונה און ר' חיים הערש, אז זיי זאלן זוכה זיין צו אסאך נחת פון דעם פרישן פארפאלק. און אלע אונזערע לייענער זאלן זוכה זיין אנצופאנגען און ענדיגן נאך אסאך מסכתות און ספרים, און זען נחת ביי די קינדער. &nbsp; אשרי מי שבא לכאן ותלמודו בידו &nbsp; פאר קאמענטארן אדער שאלות ביטע רופט אדער טעקסט 845-445-7447 אדער שיקט אן אימעיל צו askgershon@gmail.com.

    < זעה מער טו חשון תשפ"ז 📝
  • ברוך דיין האמת: הרה"ח ר' שלמה ברוך בלוי זצ"ל, מגדולי תלמידי מוהרא"ש זי"ע

    דורך: גרשון קרעמער &nbsp; מיט א צובראכענעם הארץ מעלדן מיר איבער די פטירה פון הרה"ח ר' שלמה ברוך בלוי זצ"ל, איינער פון די גאר נאנטע און געטרייע תלמידים פון מוהרא"ש זי"ע. דער נפטר האט די לעצטע תקופה געוויילט דא אין אמעריקע אין שפיטאל, ליידנדיג פון די שווערע מחלה ל"ע, וואו ער האט צוריקגעגעבן זיין ריינע נשמה פארן באשעפער אין דעם יונגן עלטער פון בלויז 55 יאר, נאך יארן פון שווערע יסורים וואס ער האט מקבל געווען באהבה. &nbsp; דער נפטר איז געבוירן געווארן אין חודש כסלו תשל"א צו זיינע חשובע עלטערן, יבדלחט"א הרב ר' אברהם בלוי שליט"א און זיין חשובע מאמע תחי'. אין זיינע יונגע יארן האט ער געלערנט מיט גרויס פלייס אין ישיבת 'חכמי לובלין' בצל הקודש פונעם גרויסן גאון דער בעל 'שבט הלוי' זצ"ל. ער איז געווארן מקורב צום רבין דורך מוהרא"ש זי"ע נאך אלס בחור, און פון דעמאלט אן איז ער געווען שטארק מקושר צו מוהרא"ש בעבותות אהבה; ער איז געווארן איינער פון די סאמע נאנטסטע תלמידים, און האט שטענדיג צוגעלייגט אן אויער אויפצוכאפן יעדעס ווארט וואס איז ארויס פון מוהרא"ש זי"ע. &nbsp; זיין גאנץ לעבן האט ער געווידמעט צו דרוקן און מפיץ זיין די ספרים פון מוהרא"ש זי"ע. צענדליגער יארן האט ער אריינגעלייגט כוחות עצומות טאג און נאכט צו דרוקן, מגיה זיין און פארשפרייטן די הייליגע ספרים איבער די גאנצע וועלט, אלס דער הויפט 'בעל מגיה' אויף אלע ספרים פון מוהרא"ש. פאר ער האט זיך אריינגעלייגט דערין זענען די ספרים געווען אן קיין ניקוד; ער האט עס פיל עדיטעד, איבערגעקוקט, מסדר געווען דעם דקדוק, און אריינגעלייגט דעם ניקוד אין פילע פון די ספרים. די באקאנטע סעריע "אשר בנחל", "חיי מוהרא"ש" און נאך הונדערטער ספרים און קונטרסים וואס מען געפינט היינט אויף די שעלפס אין אזויפיל אידישע שטובער, זענען אלעס זיינע פירות. &nbsp; אויסער זיין ארבעט מיט די ספרים, איז ער געווען א געוואלדיגער בעל מחנך וואס האט משפיע געווען אויף זיינע תלמידים מיט זיין ווארעמען הארץ. אין יבנאל האט ער געדינט אלס ראש ישיבה פון 'תפארת מוהרא"ש', וואו ער האט מיט זיין הארציגן צוגאנג צוגעצויגן די נשמות פון די יונגע תלמידים. ער האט זיך אפגעגעבן מיט יעדן בחור לויט זיין מדרגה, און ספעציעל האט ער געהאט א שפראך צו די געפאלענע און צובראכענע בחורים וועמען ער האט מחזק געווען און צוריקגעברענגט צום דרך המלך. מיט זיין אומגעהויערע סבלנות און גוטע ווערטער האט ער זוכה געווען מקרב צו זיין אומצאליגע אידישע קינדער צום אויבערשטן. זיין טיר איז שטענדיג געווען אפן פאר יעדן וואס האט געדארפט א גוט ווארט, זיך שואל עצה זיין איבער שלום בית, חינוך, אדער סיי וואס פאר א הילף. &nbsp; כאטש וואס ער איז די לעצטע יארן נישט געווען געזונט און זיך געמוטשעט מיט א שווערע מחלה ל"ע, האט ער זיך אבער שטענדיג געשטארקט מיט אמונה און בטחון אז אלעס איז פונעם באשעפער, און אז אזוי ווי עס קומט פונעם אויבערשטן איז עס זיכער גוט. ער האט ווייטער ממשיך געווען מיט זיין עבודת הקודש און הרבצת התורה מיט א געוואלדיגע גבורת הנפש, טראץ די שווערע יסורים וואס ער איז דורכגעגאנגען. אפילו אין די לעצטע חדשים ווען די מחלה איז ליידער געווארן פיל שווערער, און דאס פארן קיין אומאן איז אים אנגעקומען מיט מסירות נפש ממש, האט אים גארנישט געקענט אפגעהאלטן פון קומען צום הייליגן רבין אויף דעם לעצטן ראש השנה פון זיין לעבן. &nbsp; דער נפטר לאזט איבער נאך זיך זיין חשוב'ע אשת חיל עטרת בעלה תחי', א הערליכע דור פון ערליכע וואוילע קינדער און אייניקלעך וואס גייען בדרך התורה והחסידות, און הונדערטער תלמידים וואס האבן זיך געלערנט ביי אים. &nbsp; כאטש וואס די פטירה איז א פארלוסט פאר גאנץ כלל ישראל, שפירט זיך אבער דער חסרון גאר שטארק ביי אונז אין היכל הקודש. ער האט איבערגעלאזט א גרויסן חלל וואס מיר אלע דארפן יעצט פרובירן אנצופילן. דערפאר וועלן אנשי שלומינו זיך מקבל זיין ווייטער ממשיך צו זיין אין זיינע וועגן, אליין ארויסצוגיין מפיץ זיין, און העלפן און שטיצן די וואס זענען עוסק אין הפצה בטירחא דגופא ובממונא לעילוי נשמתו פון דעם גרויסן נפטר, וואס וועט זיכער זיין א מליץ ישר פאר אלע וואס גייען אין זיינע דרכים. &nbsp; תהא נשמתו צרורה בצרור החיים. &nbsp; פאר קאמענטארן אדער שאלות ביטע רופט אדער טעקסט 845-445-7447 אדער שיקט אן אימעיל צו askgershon@gmail.com.

    < זעה מער ט חשון תשפ"ז 📝
  • הערליכע הכנסת ספר תורה דורכ'ן חשוב'ן דיין שליט"א דעם חול המועד

    &nbsp; מ'האלט שוין היבש נאכן פרייליכן און געשמאקן יום טוב סוכות, אבער עס ליגט נאך אלץ טיף אין די ביינער די געהויבענע און הערליכע שמחת הכנסת ספר תורה וואס איז אפגעראכטן געווארן דעם צווייטן טאג חול המועד אינעם שטעטל, וועלכע איז אריינגעגעבן געווארן דורכן חשובן דיין פונעם שטעטל, הרה"ג מו"ה יונה זינגער שליט"א. &nbsp; די סיום כתיבת האותיות איז שוין אפגעראכטן געווארן נאך פאר יום טוב, איין טאג אין בארא פארק און איין טאג אינעם שטעטל. עס האבן זיך באטייליגט און אריינגעשריבן אותיות דער ראש ישיבה שליט"א, כ"ק אדמו"ר מבאבוב-45 שליט"א, הגה"צ קארלסבורגער רב שליט"א, און הגה"צ דומ"ץ סאטמאר לב אהרן שליט"א פון בארא פארק, אינאיינעם מיט נאך פילע חשוב'ע רבנים און אידן. &nbsp; צום באשטימטן צייט דינסטאג חול המועד האט זיך דאס גאנצע שטעטל צוזאמגענומען, אנשים נשים וטף, אינאיינעם מיט א גרויסן עולם געסט וואס זענען געקומען צו פארן פון דערווייטנס, קרובים וידידים פונעם דיין שליט"א און פילע אנשי שלומינו. אלע האבן זיך פארזאמלט ביים הויז פונעם דיין שליט"א אין שטעטל, פון וואו מען איז ארויסגעגאנגען בתופים ובמחולות מיט פייערדיגע טענץ און געזאנג, אנגעפירט דורך די חשוב'ע און טאלאנטפולע שפילער און זינגער פון אנשי שלומינו. מען האט געטאנצן לעבעדיג דעם גאנצן וועג ביז צום בית המדרש אויף האשקי, וואו מען איז ארויסגעקומען מיט די ספרי תורה פון שול מקבל פנים צו זיין דעם נייעם ספר תורה. דאן איז דער נייער ספר תורה אריינגעפירט געווארן אין בית המדרש, וואו מ'האט ווייטער געטאנצן מיט א גרויסע שמחה און התרגשות פאר א לאנגע צייט לכבודה של תורה. &nbsp; דער דיין שליט"א האט מיט גרויס התרגשות געמאכט די ברכת שהחיינו אויפ'ן נייעם ספר תורה, און פארגעזאגט דעם קאפיטל "לדוד מזמור" בשעת מ'האט אריינגעלייגט דעם ספר תורה אינעם ארון הקודש. &nbsp; די סעודה איז אפגעראכטן געווארן אינעם גרויסן סוכה פונעם בית המדרש, וואו די באטייליגטע האבן זיך געקוויקט מיט א רייכע סעודה כיד המלך. עס האט אויפגעטרעטן מיט שיינע דברי ברכה דער שווער פונעם דיין שליט"א, הרה"ח ר' שמחה פנחס שטראהלי שליט"א, משב"ק אדמו"רי באבוב. ער האט געעפנט זיין דרשה מיט די הייליגע ווערטער פונעם רבי'ן אין ספר המדות: "על ידי דיינים כשרים, התורה חביבה בעולם", וואס דאס קומט אריין זייער פאסיג צום יעצטיגן מאמענט ווען דער חשוב'ער דיין האט אריינגעגעבן א ספר תורה. ער האט ארויסגעברענגט אז דאס איז א "שמחה משולשת": די שמחה פונעם הכנסת ספר תורה, אינאיינעם מיט דעם פרייליכן יום טוב סוכות - זמן שמחתינו, און די שמחת בית השואבה. ער האט ווייטער ממשיך געווען מיט שיינע טרעפליכע דיבורים, און האט מסיים געווען מיט חרוזים פונעם זיידן דער הייליגער חתם סופר זי"ע, וואס דער חתם סופר האט מחבר געווען טאקע לכבוד אן הכנסת ספר תורה וואס ער האט אריינגעגעבן אום חול המועד סוכות. &nbsp; דערנאך האט מען געהערט שיינע דיבורים פונעם דיין שליט"א, וועלכער האט ארומגערעדט איבערן הייליגן יום טוב סוכות און איבערן ענין פון הכנסת ספר תורה. דער דיין האט געדאנקט דעם אייבערשטן אויף די גרויסע זכיה פון קענען שרייבן א ספר תורה, און אויף די זכיה צו קענען מרביץ תורה זיין פאר אידן. &nbsp; דערנאך האט מען געהערט דברות קודש פונעם ראש ישיבה שליט"א. ער האט ארויסגעברענגט אז יעצט, ווען מיר האלטן ביים מסיים זיין און נאכאמאל אנהויבן די הייליגע תורה אום שמחת תורה, איז דאס די מערסטע פאסיגע צייט אריינצוגעבן א ספר תורה. ער האט אויך מעורר געווען זיך צו שטארקן אין די מצוה פון מעביר סדרה זיין יעדע וואך. דער ראש ישיבה שליט"א האט מאריך געווען איבער די גרויסקייט און די סגולות וואס ליגן אין די מצוה, און דערמאנט דאס וואס מוהרא"ש פלעגט כסדר זאגן, אז א מענטש דארף מאכן א חשבון ביי זיך אויב ער טוט טאקע די מצוה יעדע וואך. &nbsp; די סיבה פארוואס מענטשן זענען זיך אמאל מתרשל איז ווייל נישט יעדער קען דאס באווייזן אום פרייטאג; דעריבער דארף מען וויסן אז לויטן שלחן ערוך קען מען איינטיילן די פרשה במשך די גאנצע וואך. אויב מען לערנט יעדן טאג א שטיקל שנים מקרא ואחד תרגום &ndash; וואס נעמט אינסעגזאמט נאר ארום זעקס-זיבן מינוט א טאג &ndash; קען מען גרינג ענדיגן יעדע וואך די גאנצע פרשה און זוכה זיין צו אלעס גוטס. &nbsp; דער ראש ישיבה שליט"א האט מיט פייערדיגע דיבורים ארויסגעברענגט די געוואלדיגע חשיבות פון לערנען תורה, ער האט ארויסגעברענגט אז דאס איז די איינציגסטע זאך וואס קען מאכן א מענטש באמת צופרידן און נאר דאס זעטיגט אן די נשמה. מ'דארף נישט מאכן קיין איבעריגע חשבונות וואו מ'האלט אויף דער וועלט; אפילו אויב מ'איז פארפארן אדער ארויסגעפאלן פון די קבועה'דיגע שיעורים, קען מען אלעמאל אנהייבן פון דאסניי. מ'זאל פשוט נעמען א חומש, א משניות, א תהלים, אדער א גמרא, און געבן אביסל "עסן" פאר'ן נשמה. &nbsp; דער ראש ישיבה שליט"א האט אויך ארויסגעברענגט די גרויסע זכיה פונעם דיין שליט"א, וואס האט זיך אוועקגעגעבן און איז געקומען וואוינען אינעם שטעטל מיט'ן איינציגן ציל צו קענען ענטפערן שאלות פאר די תושבים, אריינבלאזן א פרישע חיות אין יעדן אינגערמאן, אנפירן מיט'ן ארטיגן כולל, און נאך פילע גוטע זאכן וואס דער דיין טוט כסדר לטובת הקהילה. &nbsp; דער ראש ישיבה האט אויסגעפירט מיט ווארעמע ברכות פאר'ן דיין שליט"א, פאר זיין חשוב'ע משפחה, און פאר'ן גאנצן עולם. די געהויבענע און הערליכע הכנסת ספר תורה וועט בלייבן איינגעקריצט אין די ביינער פאר א לאנגע צייט.

    < זעה מער ג חשון תשפ"ז 📝
  • הערליכער יארצייט פונעם רבין געפראוועט אין שטעטל

    פון: גרשון קרעמער &nbsp; פארגאנגענעם ב' דחול המועד סוכות, י"ח תשרי, איז געווען דער יארצייט פון אבינו רועינו, דער צדיק יסוד עולם רבינו הקדוש מברסלב זי"ע. אנשי שלומינו האבן זיך פארזאמלט אין שטעטל אין ליבערטי, אינאיינעם מיטן ראש ישיבה שליט"א, אפצורעכטן דעם יארצייט. &nbsp; א גרויסער עולם איז געקומען פון נאנט און ווייט; מען איז זיך צוזאמענגעקומען אין דער גרויסער סוכה נעבן בית המדרש, וואו מען האט זיך געוואשן צו א סעודת הילולא, כדי איבערצו'חזר'ן און זיך אויפצופרישן מיט זיינע הייליגע עצות און לימודים. &nbsp; ביי דער סעודה האט דער ראש ישיבה שליט"א געזאגט א הערליכן שמועס. ער האט בתוך הדברים דערציילט די מעשה וויאזוי דער רבי איז געווארן דער רבי. דער רבי האט געזאגט אז נישט ווייל ער איז אן אייניקל פונעם בעל שם טוב און פונעם הייליגן רבי נחמן הארידענקער איז ער צוגעקומען צו וואס ער איז צוגעקומען; אפילו אויב ער וואלט געווען א זון פון א וואסער-טרעגער, וואלט ער אויך צוגעקומען צו זיינע גרויסע מדריגות. &nbsp; דער רבי האט אונז אויסגעזאגט דעם סוד וויאזוי ער איז אויסגעוואקסן אזוי גרויס. דער רבי איז אויפגעצויגן געווארן אין דעם שטוב וואו דער בעל שם טוב האט פריער געוואוינט אין מעזיבוזש. די גרויסע תלמידים פלעגן כסדר קומען קיין מעזיבוזש צום ציון, און זיי פלעגן זיך דארט אפשטעלן זיך אפריען און דערכאפן דאס הארץ ביי זיי אין שטוב. אלס קליין קינד איז ער געזעסן אונטערן טיש און געהערט ווי די גרויסע צדיקים דערציילן מעשיות פונעם הייליגן בעל שם טוב. איינמאל האט ער געהערט ווי זיי דערציילן וויאזוי דער בעל שם טוב איז צוגעקומען צו זיינע מדריגות: ווען דער בעל שם טוב איז געווען א קליין קינד פון בלויז פינף יאר אלט, האט זיין טאטע - וואס איז שוין דאן אלט געווען הונדערט יאר - געפילט אז ער גייט שוין אוועק פון דער וועלט. ער האט צוגערופן זיין קליין קינד צו זיך און אים געזאגט: "ישראליקל, איך דארף שוין אוועקגיין פון דער וועלט, אבער האב נישט קיין מורא, דו בלייבסט נישט אליין. געדענק, דער אויבערשטער איז שטענדיג מיט דיר, און אלעס וואס דו דארפסט זאלסטו בעטן פונעם אויבערשטן." אזוי ארום איז דער בעל שם טוב אויפגעוואקסן. &nbsp; איין טאג איז ער ארויס שפאצירן אין וואלד און גערעדט צום אויבערשטן. פלוצליג באגעגנט ער אן אלטן איד מיט א לאנגער ווייסער בארד, וואס האט אויסגעזען ווי א הייליגער מענטש, און ער האט אים פארגעהאלטן: "אינגעלע, וואס טוסטו דא אליין אין וואלד!?" האט אים דער קליינער ישראליקל געענטפערט: "איך בין נישט אליין, איך בין מיטן אויבערשטן, איך רעד צו אים." זאגט דער איד: "וואס, דו רעדסט צום אויבערשטן? מיינסטו אז ער איז נאך דא? ער איז דאך ווייט אין הימל!" &nbsp; ווען דער בעל שם טוב האט דאס געהערט, האט ער גענומען א שטעקן און אים געשלאגן און געשלאגן, ביז עס איז גארנישט געווארן פון אים; ער האט געזען אז דאס איז געווען דער סמ"ך מ"ם וואס האט אים געוואלט אוועקשלעפן פון זיין אמונה. &nbsp; די מעשה האט דער הייליגער רבי געהערט אלס קליין קינד, און דאס האט אים באגלייט זיין גאנץ לעבן. דעם לימוד האט ער געלערנט מיט זיינע תלמידים זיין גאנץ לעבן, אז עס איז דא נאר איין עצה פאר יעדע פראבלעם: בעטן דעם אויבערשטן, דאנקען דעם אויבערשטן און איבערבעטן דעם אויבערשטן. &nbsp; און דאס &ndash; האט דער רבי געזאגט &ndash; איז די סיבה פארוואס עס איז דא אזא התנגדות אין דער וועלט אויף ברסלב. חז"ל זאגן אונז שוין אויפן פסוק "כרום זלות לבני אדם" (תהלים י"ב, ט'): "אלו דברים שעומדים ברומו של עולם ובני אדם מזלזלין בהן" (ברכות ו ע"ב), און רש"י מסביר דארט: "כגון תפלה". תפילה איז איינע פון די זאכן וואס שטייען אין די העכסטע ספערן פון דער וועלט, אבער מענטשן זענען מזלזל דערין; דעריבער פארשטייען מאנכע נישט די חשיבות פון ברסלב. &nbsp; דער ראש ישיבה האט געענדיגט אז מען זאל זיך מחזק זיין מיט'ן לערנען דעם רבינ'ס ספרים, און בעטן דעם אויבערשטן מען זאל קענען מקיים זיין אלעס וואס עס שטייט דערין, ווייל אזוי וועלן מיר זיין אמת'ע ערליכע אידן. &nbsp; נאכ'ן בענטשן זענען אלע אריבערגעגאנגען אין בית המדרש, וואו מען האט געטאנצט א לאנגע צייט לכבוד שמחת בית השואבה. &nbsp; פאר קאמענטארן אדער שאלות ביטע רופט אדער טעקסט 845-445-7447 אדער שיקט אן אימעיל צו askgershon@gmail.com.

    < זעה מער כד תשרי תשפ"ז 📝
  • גרויסע שמחה פון סיום מסכת חולין און התחלת מסכת בכורות

    "לא היו ימים טובים לישראל כט"ו באב וכיום הכיפורים" - זאגן חז"ל. די גמרא פרעגט פארוואס ט"ו באב איז אזא גרויסע יום טוב, אבער איבער יום כיפור איז עס פשוט: דער עצם היום איז מכפר. א מענטש גייט אריין אין דעם יום הקדוש, נעבעך פארשמירט מיט עבירות, און קומט ארויס ריין און ווייס; דאס איז דאך דער גרעסטער יום טוב. &nbsp; יעצט, ווען מיר שטייען אינעם גרויסן טאג ערב יום הקדוש, וואס קען דען זיין א גרעסערע און בעסערע הכנה ווי אנהייבן א נייע מסכתא? נעכטן שבת קודש איז געווען א גרויסער יום טוב ביי אנשי שלומינו; מען האט געפראוועט יעדער ביי זיך אינדערהיים, אינאיינעם מיט די ווייב און קינדער, א גרויסארטיגן סיום מסכת חולין. מען האט געדאנקט און געלויבט דעם אויבערשטן אז עס זענען דורך איבער 140 טעג וואס מען האט יעדן טאג געלערנט א דף גמרא, וואס האט ארומגענומען דעם גאנצן זומער סעזאן, אריינגערעכנט שבועות, אפשר א וואקאציע, און ראש השנה אין אומאן. עס זענען געווען גרינגערע טעג און שווערערע טעג, אבער דאס לערנען האט אונז דערהאלטן איבערן וואסער, מען זאל חלילה נישט פארשוועמט ווערן פון אלע יסורים און איבערגייעכצער. מען האט זיך אנגעטון א "רעטונג וועסטל" - א "בלעטל גמרא" - און מיט דעם כח איז מען אריבערגעשווימען אלע זיבן וואסערן. &nbsp; יעצט זענען מיר אנגעקומען צו א פרישע סטאנציע; די באן גייט אזוי פארן פאר צוויי חדשים, מען גייט לערנען די הערליכע מסכת בכורות. היינט ערב יום הקדוש הייבט מען אן דף ב'. מארגן יום הקדוש דארף מען טאקע פאסטן, דער אויבערשטער זאגט "ועניתם את נפשותיכם", אבער די נשמה דארף נישט פאסטן; מארגן וועט מען "עסן" דף ג', און אזוי ווייטער יעדן טאג פון די ימי השמחה פון סוכות און ווייטער. &nbsp; און אז דער סמ"ך מ"ם וועט קומען מיט זיינע פשטלעך: "איך האב נישט קיין קאפ", "איך האב נישט קיין צייט", "איך האב נישט קיין נערוון". ער וועט טענה'ן אז מילא דער רב, דער דיין אדער דער כולל אינגערמאן, ער קען נעמען א קובץ מפרשים און זיך אריינטאן ראשו ורובו אין די גמרא מיט תוספות, אבער איך קום קוים אן צו זאגן א קאפיטל תהלים. אויף דעם קומט דער הייליגער רבי און איז אונז מגלה אין שיחות הר"ן סימן ע"ו, אז "אין צריכין בלימוד רק האמירה בלבד" - "מען דארף בלויז זאגן די ווערטער". די אלע וואס האבן זיך איינגעבויגן דעם קאפ און אנגענומען דעם רבי'נס ווערטער בתמימות ובפשיטות, האלטן שוין יעצט נאכן ענדיגן בבלי, ירושלמי, תוספתא, מדרשים, זוהר און תיקונים. אבער די וואס זענען געווען צו קלוג און געזאגט "עס איז נישט ממש אזוי" אדער "דאס איז נישט דעם רבינ'ס זאך", זענען נאך ביז יעצט פארנומען מיט קופקעס אין פאליש צי מען האט יא געהאלטן דערפון אדער נישט. &nbsp; עס איז א שאד די צייט, מען גייט שוין באלד אהיים; וואס וועט מען מיטנעמען מיט זיך? א גאנצע שאנק מיט מאגאזינען און צייטונגען, אדער א ספרים-שאנק פון ש"ס ופוסקים? לאמיר בעטן דעם אויבערשטן אז מיר זאלן האבן די תמימות צו קענען נעמען דעם רבי'נס ווערטער כפשוטו, דאן וועלן מיר האבן א גוט לעבן בזה ובבא.

    < זעה מער ט תשרי תשפ"ז 📝
  • צו די שלשים פון הרה"ח ר' מנחם מענדל אינדיג ז"ל

    דעם פארגאנגענעם חודש אב זענען פילע אנשי שלומינו געגאנגען מנחם אבל זיין הרה"ח ר' אברהם הערש אינדיג שליט"א, מחשובי מתפללי בית המדרש היכל הקודש אין קרית יואל, וועלכער איז געזעסן שבעה נאך זיין חשוב'ן פאטער הרה"ח ר' מנחם מענדל ב"ר דוב ז"ל, וואס איז נפטר געווארן ערב תשעה באב. &nbsp; ר' אברהם הערש האט דערציילט א מורא'דיגע מעשה וואס מיר אלע קענען זיך אסאך לערנען דערפון. ר' מענדל אינדיג ז"ל האט געוואוינט אין די שטאט באניא, דארט וואו זיינע עלטערן האבן געוואוינט; ער האט דארט חתונה געהאט און איז אויך געווארן אן איידעם אין די זעלבע שטאט, באניא. &nbsp; נאך די חתונה האט ער אנגעהויבן זוכן א שטעלע פאר פרנסה. מ'האט אים דעמאלט אנגעטראגן אז מ'זוכט א חזן אין די שטאט קארלסבורג &ndash; אינעם גרויסן שול אין קארלסבורג, דארט וואו דער "מראה יחזקאל" פלעגט דאווענען, האט מען געזוכט א בעל תפילה. ער איז אהינגעפארן זיך אויספרובירן, און זיין דאווענען האט זייער אויסגענומען ביי די עולם. זיי זענען טאקע געווען גרייט צו שליסן א קאנטראקט מיט אים ער זאל קומען דאווענען יעדן שבת מברכים אין קארלסבורג. אבער היות ער האט געוואוינט אין באניא, וואלט דאס באדייט אז ער וועט דארפן פעלן פון שטוב יעדע פיר וואכן. &nbsp; ער איז אריין אל הקודש פנימה צו זיין רבי'ן און זיך דורכגערעדט די שאלה וואס ער זאל טוהן: צי זאל ער פארן און קומען יעדע פאר וואכן, און זיין אוועק פון אינדערהיים? האט דער רבי אים געזאגט: "דאס איז נישט קיין עסק. חלילה, א מאן דארף זיין אינדערהיים מיט זיין ווייב און די קינדער. אבער אז דו האסט דארט א שטעלע, איז כדאי דו זאלסט זיך אהינציען וואוינען." &nbsp; ער איז אהיימגעקומען און עס איבערגעשמועסט מיט זיין אשת חיל. פאר איר איז עס געווען גאר שווער, היות אירע עלטערן האבן געוואוינט אין באניא, אבער זי איז געווען אן אשה כשרה העושה רצון בעלה. נאכ'ן אנפרעגן ביי ערליכע אידן, האבן זיי באשלאסן זיך אריבערצוציען קיין קארלסבורג. זיי האבן זיך טאקע אריבערגעצויגן, כאטש עס איז געווען גאר שווער. קוים פיר וואכן שפעטער האט מען געהערט אז די דייטשן זענען אריינגעקומען אין באניא. ליידער איז גארנישט איבערגעבליבן, קיין שריד ופליט פון די גאנצע שטאט, וואס איז געווען אן עיר ואם בישראל. זיי זענען ניצול געווארן בלויז בזכות דעם וואס זיי האבן געפאלגט ערליכע אידן, פאר'ן נישט איבערלאזן די שטוב, און פאר'ן גיין אינאיינעם מיט די משפחה און פאלגן די צדיקים. &nbsp; אנשי שלומינו זענען ארויס גאר איבערגענומען הערנדיג דעם שיינעם סיפור. זיין זכות זאל אונז מגין זיין מיר זאלן קענען גיין אין זיינע וועגן, צו פאלגן ערליכע אידן און נישט פארלאזן די שטוב, און אזוי וועלן מיר זוכה זיין צו אלעס גוטס. &nbsp; תהא נשמתו צרורה בצרור החיים.

    < זעה מער ד אלול תשפ"ו 📝
  • קומענדיגן זונטאג - בית פיגא טוט פארשטעלן: דער בן מלך פון דיימאנטן

    פון גרשון קרעמער &nbsp; מיטן אויבערשטנ'ס הילף גרייטן זיך די העכערע קלאסן מיידלעך פון "בית פיגא" צום גרויסן פלעי וואס גייט בעז"ה פארקומען קומענדיגע וואך זונטאג פרשת כי תצא הבעל"ט. &nbsp; אזוי ווי די פארגאנגענע שפילן, גרייט זיך בית פיגא צו א פרישע העכסט פראפעסיאנאלע און דראמאטישע שפיל, מיטן נאמען "דער בן מלך פון דיימאנטן". דער פלעי וועט בעז"ה זיין אסאך שענער און בעסער ווי די פריערדיגע. &nbsp; די פראדוצירער האבן אריינגעלייגט אומגעהויערע כוחות ארויסצוברענגען ביי די חשוב'ע תלמידות זייערע בעסטע טאלאנטן. מען פארשפרעכט צו האלטן דעם עולם געשפאנט מיט אפענע מיילער פאר עטליכע שעה, וואס וועט איבערלאזן ביי זיי א רושם אויף גאר א לאנגע צייט. &nbsp; בפרט וועט עס אינספירירן די טייערע חשוב'ע פרויען און מיידלעך מיט חיזוק און שמחת המצוות וואס זיי וועלן מיטנעמען מיט זיך אהיים, און עס וועט זיי געבן פרישע כוחות און מוט אנצוגיין מיטן לעבן. &nbsp; די פריערדיגע שפיל וואס איז ארויסגעקומען אויף די-ווי-די איז געווארן פון די בעסט-פארקויפטע פלעיס אויפן מארקעט און ווערט נאך היינט פארקויפט אין די טויזנטער שטיק. עס האט איבערגעלאזט א געוואלדיגע השפעה אויף אלע צושויער. דאס קען מען זען פון די ריוויוס וואס קאסטומערס האבן איבערגעלאזט אויף "ניגון מיוזיק". &nbsp; צום ביישפיל האט איינע געשריבן: "איך האב שוין געזען אסאך פלעיס, און אפילו מער פראפעשאנעל, אבער וואס די פלעי האט געמאכט מיט מיר האב איך נאך קיינמאל געהאט. נאכן זען די פלעי, בין איך אריין אין מיין צימער, און פשוט אנגעהויבן רעדן צום אויבערשטן ווי מען רעדט צו א חבר'טע - צום ערשטן מאל אין מיין לעבן!! א גרויסן דאנק בית פיגא סקול פאר די פלעי!" &nbsp; ווי געזאגט, פארשפרעכט דער פלעי בעזר השם צו זיין אסאך בעסער, שענער און דראמאטישער פון די פריערדיגע. די שפיל "דער בן מלך פון דיימאנטן" איז געבויט אויף די מעשה וואס דער הייליגער רבי האט דערציילט, וואס איז פול מיט חיזוק, מוסר און יראת שמים. &nbsp; צוליב דעם גרויסן פארלאנג, האט מען מסדר געווען אז די שפיל זאל פארקומען אינעם ריזיגן אוידיטאריום פונעם סוני סאליוואן קאלעדזש, וואו עס וועט בעז"ה זיין גענוג פלאץ פאר אלעמען מיטצוהאלטן. &nbsp; אדרעס: 112 College Rd Building E, Loch Sheldrake NY 12759 טיקעט פרייז: $40 (מען וועט בעז"ה קענען קויפן טיקעטס ביים טיר). צייטן: די שפיל וועט געשפילט ווערן זונטאג כי תצא (אוגוסט 16) צוויי מאל. 12:00 נאכמיטאג, און 8:00 ביינאכט. פאר שאלות און אינפארמאציע קען מען רופן: 845-803-4697 &nbsp; &nbsp; פאר קאמענטארן אדער שאלות ביטע רופט אדער טעקסט 845-445-7447 אדער שיקט אן אימעיל צו askgershon@gmail.com. &nbsp;

    < זעה מער ל אב תשפ"ו 📝
  • "וואס מיינט א רבי?" - דער נייע אלבום וואס וועט אויפלאמען דאס הארץ צום אויבערשטן

    פון: גרשון קרעמער &nbsp; געלויבט דעם אויבערשטן, אז טראץ וואס עס איז אריבער א לאנגע תקופה וואס עס איז נישט ערשינען קיין נייע אלבום, איז יעצט ב"ה ארויסגעקומען א הערליכע נייע אלבום פונעם ראש ישיבה שליט"א מיט'ן נאמען "וואס מיינט א רבי?" &nbsp; דער אלבום איז א המשך צו די פילע אלבומס וואס זענען שוין ארויסגעקומען במשך די יארן און האבן מחי' געווען אידישע קינדער דורך ניגונים וואס געבן אריין חיזוק, עצות און פשוטע ריינע אמונה. די אלבומס בלאזן אריין א רוח החיים אין אידישע קינדער, אז נישט קיין חילוק וואס מען גייט דורך, איז אלעמאל דא א וועג זיך צוריקצוקערן צום אויבערשטן. &nbsp; דער אלבום איז נישט סתם נאך א מוזיק אלבום ווי אסאך פון די היינטיגע אלבומס וואס זענען פיל מיט לופטיגע ניגונים; מען זינגט עפעס לשון הקודש ווערטער וואס קיינער פארשטייט נישט, אדער אפילו ווען מען זינגט שוין יא ווערטער אויף אידיש, איז עס אסאך מאל בלויז כדי צו מאכן דעם מענטש עמאציאנאל, אפילו ווען דאס קומט אויפ'ן חשבון פון צוברעכן דעם מענטש - וואס דאס דערווייטערט אים פונעם תכלית. &nbsp; דער אלבום זוכט אויפצוהייבן אידישע קינדער, געבן חיזוק, ווייזן א וועג, און דערמאנען אז נישט קיין חילוק וואס עס גייט אריבער אויפ'ן מענטש, קען ער זיך נאך אלץ צוריקדרייען צום אויבערשטן און אנהייבן פריש. &nbsp; די ניגונים רעדן פון אמונה, תפילה, התבודדות, תורה און נקודות טובות, און פון זיך שטארקן און נישט אויפגעבן. דאס זענען עצות וואס זענען פשוט פראקטיש - זאכן וואס א מענטש קען נעמען מיט זיך און אויספירן אינעם טאג-טעגליכן לעבן. &nbsp; ווער עס האט דאס נאר אויסגעהערט וועט מעיד זיין, אז דער אלבום וועט נישט זיין קיין "דיספאזעבל" טישטיך וואס מען נוצט איין מאל און מען פארגעסט דערפון. דער אלבום וועט בלייבן שטעקן אינעם פליער; מען וועט עס קענען הערן און איבערהערן אן ווערן זאט. איינע פון די גרעסטע מעלות פארוואס דער אלבום ציעט אזוי שטארק, איז צוליב דעם פאקט וואס דער ראש ישיבה שליט"א אליינס זינגט דערויף. די הארציגע שטימע און די דברים היוצאים מן הלב געבן פאר די ניגונים א חן שלא מעלמא הדין, און די ניגונים מיט זייער מעסעדזש דרינגען אריין טיף אין הארץ. &nbsp; דער אלבום איז ספעציעל פאסיג פאר התבודדות. ווען א מענטש זעצט זיך אוועק מיט דעם אלבום, עפנט עס אים דאס הארץ און ער קען זיך אויסרעדן צום אויבערשטן, אים דאנקען און בעטן אויף ווייטער. &nbsp; די צען ניגונים פונעם אלבום זענען פארשידנארטיג &ndash; פרייליך, בענקענדיג, און אלעס אינצווישן &ndash; אבער אלע בלייבן מיט דעם זעלבן יסוד: דער אויבערשטער איז מיט מיר, איך וויל זיין נאנט צו אים, און איך געב נישט אויף. &nbsp; דער אלבום פארמאגט צען הערליכע ניגונים: &nbsp; 1. וואס איז א רבידער ניגון און דער נאמען פונעם אלבום אליין. דער ראש ישיבה ערקלערט אויף א פשוט'ן און קלארן אופן פארוואס א איד גייט צו א צדיק, צו א רבי &mdash; ווייל דער צדיק ברענגט אים נענטער צום אויבערשטן. דער ניגון העלפט דעם צוהערער פארשטיין וואס דער קשר דארף זיין צווישן א איד און א צדיק. &nbsp; 2. איך וויל זיין א אידאן הארציגער ניגון ספעציעל פאסיג פאר התבודדות. א איד עפנט דאס הארץ צום אויבערשטן און בעט זיך אז ער וויל זיין אן ערליכער איד. די ווערטער זענען פשוט אבער זייער טיף &mdash; א מענטש רעדט פון הארץ און זאגט פארן אויבערשטן וואס ער וויל באמת. &nbsp; 3. זיין גוטא פרייליכער טאנץ ניגון מיט די הארציגע ווערטער: "שכח באשעפער אז איך בין א איד, העלף מיר טאטע איך וויל זיין גוט." &nbsp; 4. אייביג מיט מירא שיינער ניגון איבער א איד וואס גייט דורך שווערע צייטן. דער סמ"ך מ"ם פרובירט אים אראפצואווארפן, אבער דער איד שטארקט זיך מיט דער ידיעה אז דער אויבערשטער איז אלעמאל מיט אים. אפילו אין שווערע מינוטן איז מען קיינמאל נישט אליין. &nbsp; 5. איך קען נישט לערנעןא לעכטיגער ניגון איבער דעם באקאנטן "סדר דרך הלימוד" פונעם הייליגן רבי'ן &ndash; א מהלך וואס יעדער איינער קען ניצן. ס'איז נישט קיין חילוק וואס א מענטש גייט דורך, און ס'מאכט נישט אויס וויפיל ער פארשטייט, יעדער קען זיך דורך דעם מקשר זיין צום אויבערשטן און צו די הייליגע תורה. דער ניגון ווערט געזונגען דורך די זיסע שטימע פון א "ילד הפלא", וואס גיט צו א מורא'דיגן הארציגן טעם צום ניגון. &nbsp; 6. אן אוצרא פרייליכער און לעבעדיגער ניגון, אין וועלכן א איד רעדט צום אויבערשטן און נעמט זיך פאר פון היינט אן צו זיין גוט, צו לערנען פלייסיג די הייליגע תורה און צו רעדן צום באשעפער. "באשעפער, איך וויל שוין פון היינט זיין גוט, לערנען פלייסיג די הייליגע תורה..." &ndash; "מקרא, משנה, גמרא, מדרש" &ndash; און דער איד בעט זיך: "באשעפער, העלף מיר איך זאל דאס אלעס קענען דורכזאגן". &nbsp; 7. די בעסטע זאךא איד בענקט צום אויבערשטן און זאגט: "באשעפער, איך ווייס אז די בעסטע זאך אויף דער וועלט איז זיין נאנט צו דיר". אפילו ווען ס'איז שווארץ, אפילו ווען מען גייט דורך די שווערסטע נסיונות, בענקט א איד צום אויבערשטן: "דאך זע מיין הארץ ווי איך קוק ארויס צו דיר, טאטע; אוי טאטע, איך בעט דיר, העלף מיר". &nbsp; 8. נקודות טובותא פרייליכער ניגון וואס דערמאנט דעם איד צו דאנקען און לויבן דעם אויבערשטן פאר אלעם גוטס, בפרט פאר די גרעסטע מתנה &ndash; אז מען איז א איד און מען האט אזויפיל מצוות. א ניגון וואס ברענגט אריין א שמחה של מצוה. &nbsp; 9. וואס וועט זיין מיט מירא ניגון פון חשבון הנפש. א איד מאכט א חשבון הנפש און בעט דעם אויבערשטן אז ער וויל זיין אן ערליכער איד; ער דרוקט אויס זיין אמת'ן רצון צו זיין נאנט צום אויבערשטן. &nbsp; 10. נשמהא הארציגער תפילה-ניגון, וואו א איד בעט זיך ביים אויבערשטן אז ער זאל שוין רחמנות האבן אויף אים. &nbsp; אַ באַזונדערע און וואַרימע הכרת הטוב קומט זיך פאַרן באַגאַבטן בעל מנגן מו"ה חיים מאיר ערפס הי"ו, וועלכער איז געשטאַנען בראש פונעם הייליגן פראָיעקט. ער האָט געאַרבעט מיט אומדערמידליכע כוחות כדי דער אַלבום זאָל אַרויסקומען אויפן העכסטן פראָפעסיאָנעלן אופן, און האָט אינוועסטירט גאָר גרויסע סומעס געלט &ndash; אָן שפּאָרן קיין געלט און כוחות &ndash; אַז די קוואַליטעט פונעם אַלבום זאָל זיין אויף די סאַמע אבסאָלוט העכסטע סטאַנדאַרטן וואָס מען קען היינט דערגרייכן. &nbsp; דאָס האַרציגע און וואַרימע געזאַנג פונעם ראש ישיבה שליט"א איז אָפּגעכאַפּט און רעקאָרדירט געוואָרן אין די באַקאַנטע דידידאם סטודיאָס. &nbsp; די הערליכע כּאָר איז מייסטערהאַפטיג אָנגעפירט געוואָרן דורך ר' אלי שפריי מיט זיין גאַנצער חבריה פון חשוב'ע בעלי מנגנים: ר' יוסי הערשטיק, ר' מיכאל וויינבערגער, ר' יוסי וויינבערגער, און ר' שלומי אלבוים; זיי זענען פראָפעסיאָנעל רעקאָרדירט געוואָרן אין MW סטודיאָס (MW Studios). &nbsp; &nbsp; דער אַלבום איז רייך און מייסטערהאַפטיג אַראַנזשירט געוואָרן דורך ר' ליפא בראַך פראָדוקשאָנס, וועלכער האָט אַריינגעלייגט געוואַלדיגע כוחות, זיך אָפּגעגעבן מיט די פילע מוזיקאַלישע דעטאַלן און שווער געהאָרעוועט זיכער צו מאַכן אַרויסצוגעבן אַ דבר השלם. יישר חילו. &nbsp; צו הערן אויף ברסלב סענטער וועבסייט https://breslevcenter.com/music/categories/albums/33 &nbsp; צו דאונלאודן דעם אלבום קען מען דרוקן דא: https://albums.breslevcenter.com/?slug=vus-meint-a-rebbe &nbsp; &nbsp; פאר קאמענטארן אדער שאלות ביטע רופט אדער טעקסט 845-445-7447 אדער שיקט אן אימעיל צו askgershon@gmail.com.

    < זעה מער כז אב תשפ"ו 📝
  • "אנשי חיל - לעבנסגעשיכטע" קאמפיין גרייכט העכער 1.35 מיליאן דאלאר

    פארלאפענע וואך איז פארגעקומען די ניינטע "אנשי חיל" קאמפיין לטובת אונזערע הייליגע מוסדות היכל הקודש ברסלב. די יעצטיגע קאמפיין, וואס איז געלאפן אונטערן נאמען "לעבנסגעשיכטע", האָט געמאַכט א געוואַלדיגן קידוש השם אין די גאנצע אידישע וועלט, און האָט קלאר געוויזן די שטארקע געטריישאפט פון אנשי שלומינו צום באשעפער און צום ראש ישיבה שליט"א. &nbsp; העכער 600 חשוב'ע אידן פון אנשי שלומינו - תלמידים פון אמעריקע, ארץ ישראל, און איבער די גאנצע וועלט - האבן זיך צוגעשטעלט אלס גבאי צדקה. יעדער איינער האט געעפנט א פעידזש, אנגערופן חברים, משפחה און באקאנטע, און אריינגעלייגט כוחות כפי יכלתו ארויסצוהעלפן די קהילה. די קאַמפּיין-פירער און די טיעם מענעדזשערס זענען געבליבן שטארק נתפעל זעענדיג די מורא'דיגע ווארימקייט און ערנסטקייט וואס דער עולם האט אריינגעלייגט אינעם צוועק. &nbsp; טייל האבן אריינגעברענגט קלענערע סכומים און אנדערע אסאך מער, אבער די גרעסטע שיינקייט איז געווען צו זען ווי יעדער איינער איז ארויס פון זיין "קאָמפאָרט זאָון", מען האָט אַוועקגעלייגט די בושה אין א זייט, און געבעטן געלט צו העלפן אויפהאַלטן דעם הייליגן פלאַץ פון וואו מיר&nbsp; שעפּן אמונה, און העלפן דעם ראש ישיבה שליט"א צו קענען דעקן די ריזיגע חובות וואָס ער האט אונטערגענומען אויפצובויען די קהילה. &nbsp; א ספעציעלע הכרת הטוב קומט זיך פאר די חשוב'ע "נשי חיל" וואָס האָבן דאס יאר אריינגעלייגט אומגעהויערע כוחות; זיי זענען ארומגעגאנגען נאך געלט און אנגערופן באַקאַנטע, וואָס דאָס האָט געגעבן א שטארקע שטופ ארויף פאר די נומערן ביזן ענדגילטיגן סך הכל. &nbsp; ב"ה די פירות האבן נישט געשפעטיגט צו קומען, און די רעזולטאטן זענען געווען פיל העכער ווי אלע ערווארטונגען. האלטנדיג יעצט ביים סוף פונעם קאמפיין, זעט מען בחוש וויאזוי פרוטה ופרוטה מצטרפת, ווען מ'האט ב"ה באוויזן צוזאמצושטעלן אן אומגלויבליכע סומע פון איבער $1,350,000, וואָס דאס איז א גאַנצע 35 פראצענט העכער פונעם אריגינעלן ציל פון א מיליאָן דאָלער. דאָס געלט איז צוזאַמגעקומען דורך קרוב צו 16,000 נדבנים פון אלע שיכטן און קרייזן, משפחות און פלעצער. &nbsp; עס האט זיך ארויסגעוויזן די הערליכע שיינקייט פון אידישע קינדער, וואס עפענען דאס הארץ און זענען גרייט צו געבן צדקה פאר אזא הייליג פלאץ וואס פארשפרייט אמונה איבער די גאנצע וועלט. &nbsp; דא איז אויך די פאסיגע געלעגנהייט זיך צו באדאנקען בשם אלע אנשי שלומינו פאר די איבערגעגעבענע טיעם-מענעדזשערס, וואס האבן במשך דעם קאמפיין מחזק געווען דעם עולם אנצוגיין ווייטער און רופן נאך מענטשן, וגדול המעשה יותר מן העושה. &nbsp; דער וואס וויל זיך נאך אנשליסן און נעמען א חלק אין דעם הייליגן צוועק, קען קליקן אויף דעם לינק. &nbsp; דער אויבערשטער וועט זיכער באַצאָלן פאַר אַלע וואָס האָבן אַרויסגעהאָלפן צום הצלחה פונעם קאַמפּיין יעדער איינער אויף זיין וועג. פאר סיי וועלכע הערות אדער שאלות קען מען רופן אדער שיקן א טעקסט צו 845-445-7447, אדער שיקן אן אימעיל צו askgershon@gmail.com.

    < זעה מער כו אב תשפ"ו 📝
  • "לעבנסגעשיכטע" קאמפיין

    גרשון קרעמער &nbsp; די וואך וועט אי"ה פארקומען דער יערליכער קאמפיין, וואס טראגט דעם יאר דעם פאסיגן נאמען "לעבנסגעשיכטע". כשמו כן הוא - יעדער איינער האט זיין אייגענע לעבנסגעשיכטע. מיר געדענקען אלע גוט וויאזוי אונזער לעבן האט אויסגעזען איידער מיר זענען אנגעקומען און געטראפן דעם הייליגן רבי'ן, און מיר שפירן עס אלע אויף די אייגענע הויט וויאזוי דורך די הייליגע קהילה און מוסדות, וואס געבן אונז די הדרכה און עצות פונעם הייליגן רבי'ן, האט זיך אונזער לעבן דראסטיש געטוישט צום גוטן. מיר האבן באקומען א וועג-ווייזער צו א געשמאקן און פרייליכן לעבן אינאיינעם מיט'ן אויבערשטן. אבער דער אמונה-פאבריק "היכל הקודש" לייכט נישט בלויז אויף אונז וואס דרייען זיך דא טאג-טעגליך, נאר עס האט א מורא'דיגע השפעה אויף די גאנצע אידישע וועלט און בלאזט אריין פריש לעבן און חיזוק אין יעדן איד. &nbsp; במשך דעם גאנצן יאר באקומען מיר אן אומשאצבארן אוצר פון מתנות, חיזוק, שיעורים און פערזענליכע בריוו פונעם ראש ישיבה שליט"א. יעצט איז די צייט - איין מאל א יאר - ווען מיר קענען ארויסווייזן אביסל פון אונזער הכרת הטוב. דער ראש ישיבה שליט"א האט די וואך געשריבן צענדליגער בריוו פאר אנשי שלומינו, בעטנדיג מען זאל נעמען דעם קאמפיין צום הארצן און טון למעשה מיט אלע כוחות. ער פארציילט אז ער האט אויף זיך א שווערן עול; גרויסע חובות פון איבער פיר מיליאן דאלאר ליגן יעצט אויף זיינע פלייצעס וואס לאזן אים נישט קיין מנוחה - און ער האט דאס נישט געטון פאר זיך אליין, ער טוט עס בלויז צו קענען בויען די קהילה און די מוסדות, כדי מיר זאלן האבן וואו צו לערנען און דאווענען און אונזערע קינדער זאלן האבן וואו אויפצוואקסן אויפן זיסן וועג. מיר קענען עס נישט נעמען לייכט; עס ליגט א פליכט אויף יעדן איינעם זיך אנצושטרענגען און ארויסנעמען דעם ראש ישיבה שליט"א פון די חובות. &nbsp; דער קאמפיין וועט אי"ה אנהייבן איבערמארגן דינסטאג און וועט אנהאלטן דריי טעג ביז דאנערשטאג פרשת ראה. גאר אסאך האבן זיך שוין אנגערופן ווארעם צום רוף פונעם ראש ישיבה און האבן שוין אריינגעברענגט שיינע סכומים, נישט ווארטנדיג אויף דער לעצטער מינוט. דער קאמפיין וועט זיך ענדיגן דעם דאנערשטאג נאכט, ווען אנשי שלומינו וועלן זיך צונויפקומען צו א שיינעם מעמד. דארט וועט מען זיך מחזק זיין אינאיינעם אויפצוטרייבן די סכומים וואס פעלן נאך אויס. פרטים איבערן מעמד וועלן בעז"ה נאכפאלגן. &nbsp; דער זייגער רוקט זיך שנעל, און די עטליכע טעג פונעם קאמפיין וועלן אריבערגיין גאר געשווינד. יעדע נדבה, קליין אדער גרויס, מאכט א גרויסן אונטערשייד און ברענגט דעם קאמפיין נענטער צום ציל. יעדער איינער וועט רופן זיינע חברים, משפחה און שכנים, און מיט דעם זיי אלע מזכה זיין מיט'ן געבן צדקה פאר די הייליגע מוסדות; די זכותים וועלן צוניץ קומען סיי פאר די גבאי צדקה און סיי פאר די נדבנים אויף דער וועלט. &nbsp; די עסקנים זענען גרייט צו העלפן יעדן איינעם מיט סיי וועלכע הילף איבער'ן קאמפיין, ווי למשל עפענען א פערזענליכע בלאט, ארויסשיקן לינקס, טעכנישע הילף וכדומה. הייבט שוין אויף דעם טעלעפאן און נעמט אויף זיך א ציל! פארבינדט זיך צו די עסקנים אינעם קאמפיין צענטער אפיס אויף: 845-439-2525. &nbsp; נדבנים וואס ווילן אנטייל נעמען און מחזק זיין די הייליגע מוסדות, קענען קליקן אויף די קאמפיין פלאטפארמע: charidy.com/breslev. &nbsp; נעמט א חלק אין אונזער 'לעבנסגעשיכטע', און לאמיר אינאיינעם אראפשרייבן א נייע, פאזיטיווע קאפיטל פאר די ווייטערדיגע הצלחה און בליה פון די מוסדות! &nbsp; &nbsp; פאר קאמענטארן אדער שאלות ביטע רופט אדער טעקסט 845-445-7447 אדער שיקט אן אימעיל צו askgershon@gmail.com.

    < זעה מער יט אב תשפ"ו 📝
« Previous Next »

Showing 1 to 15 of 452 results

1 2 3 4 5 6 7 8 9 10 ... 30 31
  • קאַטעגאָריעס
  • פילטער לויט די יאר
  • אלע
  • ישיבה תפארת התורה
  • אומאן
  • תלמוד תורה היכל הקודש
  • בית פיגא
  • פרויען פאראיין
  • מחנה תפארת התורה
  • שמחות
  • קרן הדפסה והפצה
  • קהלות היכל הקודש
  • ציון מוהרא"ש ז"ל
  • ברסלב סענטער וועבסייט
  • ברסלב מיידל קעמפ
  • קרית ברסלב ליבערטי
  • צום פינטל
  • וועלטליכע נייעס
  • געדאנקען
  • מיט א טיפערן בליק
  • גאסט ארטיקל
  • די פרשה מיט אנדערע ברילן
  • היסטאריע ווינקל
  • אינטערוויו
  • איבער אלץ און אלעמען
  • בית התבשיל

פילטער לויט די יאר


  • אלע יארן
  • תש״פ
  • תשפ״ה
  • תשע״ז
  • תשפ״ג
  • תשפ״ב
  • תשע״ט
  • תשע״ח
  • תשפ״א
  • תשפ״ד
  • תשפ״ו
היכל הקודש ברסלב
breslevcenter.com