תוכן השאלה
לכבוד דער ראש ישיבה שליט"א,
איך הער און איך ליין אלע שיעורים און איך באלעק זיך ממש מיט יעדעס ווארט, יישר כח.
איך האלט יעצט אינמיטן עפענען א נייע ביזנעס, און איך האב געוואלט בעטן אן עצה און א ברכה. וואס איז די יסוד צו הצלחה?
אויב דער ראש ישיבה שליט"א קען מיר ביטע זאגן וואס צו טון, און ביטע נישט צו שווערע זאכן, ווייל איך וויל עס קענען מקיים זיין.
יישר כח
תשובה מאת הראש ישיבה שליט"א:
יום א' פרשת צו, ח' ניסן, שנת תשפ"ה לפרט קטן
לכבוד ... נרו יאיר
איך האב ערהאלטן דיין בריוו.
זיי שטארק מיט דאווענען די דריי תפילות מיט מנין, מוהרא"ש זאגט: "ווער עס דאווענט מיט מנין - וועט האבן א דבר שבמנין", ער וועט האבן גרויס שפע.
רעד נישט קיין ניבול פה, רעד איידל צו יעדן איינעם. דער רבי זאגט (ספר המדות אות צניעות, סימן סד): "הַצְּנִיעוּת מְסֻגָּל לַעֲשִׁירוּת", זיך פירן איידל, רעדן איידל - איז מסוגל פאר עשירות.
זאלסט בענטשן ברכת המזון אין א בענטשער, דאס איז מסוגל פאר פרנסה.
דער אייבערשטער זאל העלפן מיר זאלן זוכה זיין צו (פסחים קטז:): "וְנֹאכַל שָׁם מִן הַזְּבָחִים וּמִן הַפְּסָחִים"; און צו (מיכה ז, טו): "כִּימֵי צֵאתְךָ מֵאֶרֶץ מִצְרָיִם אַרְאֶנּוּ נִפְלָאוֹת", אמן.