בעזרת ה' יתברך - יום ד' פרשת וזאת הברכה, י"ב תשרי, שנת תשפ"ד לפרט קטן
לכבוד ... נרו יאיר, מנהל תלמוד תורה היכל הקודש, קרית ברסלב
איך האב ערהאלטן דיין בריוו.
בנוגע די עלטערע קינדער, אז עס זענען דא קינדער וואס קומען נישט צייטליך - דארפסטו רעדן צו די עלטערן; אז עס שטערט די גאנצע חדר און מען קען נאר קומען אין חדר צייטליך, און אויב די עלטערן נעמען עס נישט ערנסט - קען דער קינד נישט קומען ביי אונז אין מוסד. וועסט נישט מצליח זיין נאר אויב די עלטערן וועלן מיט-ארבעטן, און נאר אז דאס קינד וועט בלייבן אינדערהיים איין טאג נאכן צווייטן - וועלן די קינדער קומען צייטליך.
איז דאס אין דער ענין פון דרך ארץ - דאס האט מיט די קינדער; דארפסטו ארבעטן מיט זיי אליינס (צומאל דארף מען אויך אריינמישן די עלטערן), אבער זמנים - דאס האט מיט די עלטערן; אז דו וועסט אוועקשטעלן א סדר אז מען קען נישט קומען אין חדר א מינוט שפעטער - וועט זיך אלעס שטעלן אין פלאץ.
מיר האבן געהאט יארן צוריק אין סקול די זעלבע פראבלעם, ביז די מנהלת האט אוועקגעשטעלט א שטרענגע סדר, און וואונדער איבער וואונדער, אלעס איז געפאלן אין פלאץ. עס זענען געווען עלטערן וואס האבן אין אנהויב געקריצט מיט די ציין, מען האט מיר גערופן פארהאלטן היתכן? הזאת נעמי? דאס איז ברסלב?! מען איז געקומען מיט טענות צו מיר, אבער מיט דער צייט האבן זיך די עלטערן אויסגעלערנט אז חדר און סקול איז נישט קיין בעבי סיטינג, און קינדער דארפן גיין שלאפן צייטליך און קומען צייטליך. דעריבער זאלסטו רופן די עלטערן זאגן די נייע פלאן פארן קומענדיגן זמן, אסרו חג סוכות.
דער אייבערשטער זאל העלפן זאלסט האבן הצלחה אין אלע ענינים.