בעזרת ה' יתברך - יום ב' פרשת וירא, ט"ו מרחשון, שנת תשפ"ז לפרט קטן
מרת ... תחי'
איך האב ערהאלטן אייער בריוו.
שרעקט זיך נישט, פאלט נישט אריין אין א פחד, אין ענקזייעטי, אז איר קענט נישט האבן קינדער נאר דורך דאקטוירים וכו'; פארלירט זיך נישט, דער אייבערשטער איז דער וואס געבט קינדער, נישט דער דאקטער איז דער וואס זאגט צי מען קען האבן קינדער אדער נישט; די הייליגע חכמים זאגן (תענית ב.) די שליסל פון האבן קינדער ליגט אינעם אייבערשטנ'ס האנט.
כאפט זיך אריבער צו קברי צדיקים, ביי קברי צדיקים איז א גוטע פלאץ צו מתפלל זיין, דער הייליגער רבי זאגט (ספר המדות אות צדיק, סימן קעג), ביי קברי צדיקים נעמט מען אן יעדענ'ס תפילות; וועט איר זען ניסים למעלה מדרך הטבע.
פארגעסט נישט צו דאנקען אויף די חסדים וואס דער אייבערשטער טוט מיט אייך, דאס וועט עפענען שערי שמים און ענק וועלן זוכה זיין צו געזונטע קינדער.
דער אייבערשטער זאל העלפן איר זאלט האבן הצלחה אין אלע ענינים.