בעזרת ה' יתברך - יום א' פרשת חיי שרה, כ"א מרחשון, שנת תשפ"ז לפרט קטן
מרדכי אינדיג נרו יאיר, מנהל תלמוד תורה היכל הקודש קרית ברסלב ליבערטי
איך האב ערהאלטן דיין מעסעדזש.
דאס וואס עלטערן האבן טענות אז מען נעמט ארויס זייערע קינדער פון כיתה צו העלפן וכו'; מיין מיינונג איז אז עס שאדט נישט פאר די קינדער, עס טוט נאר אויפבויען די קינדער.
קענסט פרובירן זאגן די עלטערן אז עס איז א גוטע זאך, און אז די עלטערן ווילן נאכאלץ נישט - זאלסטו נעמען אנדערע קינדער; מיינע קינדער זאלסטו נעמען צו העלפן אין חדר, איבערנעמען מלמדים אדער העלפן אין קאך, אדער סיי וואס מען דארף טון אין חדר.
אויך זאלסטו איבערגעבן פאר די עלצטע כיתה אז איך וועל מער נישט קומען צו זיי באזוכן אין קלאס, ווייל איך האלט מיט וואס דארט טוט זיך, אז עס זענען דא קינדער וואס רעדן ווען דער מלמד זיצט אין כיתה, עס איז נישטא קיין דרך ארץ; איך גיי נישט אין א כיתה וואו עס איז נישטא קיין דרך ארץ.
דער אייבערשטער זאל העלפן זאלסט האבן הצלחה אין אלע ענינים.