בעזרת ה' יתברך
יום א' פרשת שופטים, ב' דראש חודש אלול, שנת תשפ"ב לפרט קטן
לכבוד מיין טייערער ... נרו יאיר
איך האב זייער הנאה געהאט צו זיצן מיט דיר היינט ביי א סעודת ראש חודש מיט נאך אפאר חברים וואס האבן א געפיל צו העלפן די כולל.
מן הסתם האסטו אביסל געזען מיט דיינע אויגן במשך די זומער וואכן די התמדה פון די אינגעלייט, זיי לערנען זייער פלייסיג; זיי לערנען, זיי מוטשען זיך ביז זיי קומען ארויס קלאר אין די הלכה.
יעצט איז פונקט א יאר פון די הכתרה פונעם דיין שליט"א, און בעזר ה' אין אפאר יאר ארום וועט זיין נאך אן הכתרה פאר נאך דיינים, אינגעלייט תלמידים פון אונזער כולל. שרייב אראפ דעם דאטום, תשפ"ח, וועט זיין שיינע זאכן אין די קהילה, מיר וועלן אויפנעמען נאך דיינים.
וואויל איז דיר אז דו האסט א חלק אין העלפן די כולל אינגעלייט זיי זאלן קענען באקומען זייער געהאלט צייטליך.
איך האף אז דו האסט אויך הנאה געהאט פון די סעודת ראש חודש.
א כתיבה וחתימה טובה.