בעזרת ה' יתברך - יום ה' פרשת בראשית, כ"ז תשרי, שנת תשפ"ז לפרט קטן
... נרו יאיר, מגיד שיעור בישיבתינו הקדושה
איך פריי זיך צו הערן גוטע גריסן אז די זמן האט זיך אנגעהויבן מיט הצלחה.
איך וויל דיך מחזק זיין דו זאלסט ביים פארלערנען הלכה געדענקען אפאר וויכטיגע נקודות; זאלסטו אלץ אריינלייגן הלכה למעשה, דאס הייסט אזוי, אויסער דאס לערנען אינעווייניג טור בית יוסף און ווייטער מחבר רמ"א מיט די טורי זהב און מגן אברהם און אחרונים – זאלסטו כסדר שטעלן פראגעס פאר די תלמידים, וואס איז די הלכה אויב עס פאסירט אזוי און אזוי, שטעל פאר מעשיות וואס האט פאסירט ביי אידישע שטיבער, צום ביישפיל, אז דו לערנסט יעצט הלכות מוקצה – זאלסטו זיי שטעלן פראגעס פון הלכות מוקצה; אזוי וועלן זיי ווערן אינטערעסירט און וועלן מיט האלטן, און אויך וועלן זיי דאס געדענקען.
נאך א וויכטיגע זאך, זאלסטו אלץ דערמאנען נעמען פון תלמידים, סיי פון די וואס הערן אויס און סיי פון די וואס זענען פארטראכט און פארדרימלט, נעם אריין יעדן אינעם שיעור, און ווען דו פרעגסט א פראגע פון א תלמיד – זאלסטו אים אויסרימען, סיי ווען ער ענטפערט גוט, און סיי ווען מען דארף אים פאררעכטן דארף מען קענען נעמען זיין נישט גוטע ענטפער און עס מאכן ריכטיג אויף אן אנדערע שאלה, אזוי וועלן זיי דיך ליב האבן און דו וועסט זייער מצליח זיין.
העיקר בעט דעם אייבערשטן פאר דיינע תלמידים זיי זאלן מצליח זיין, און אז דו זאלסט זיי ליב האבן.